Sabti, September, 08, 2018
(HOL) Booliiska Magaaladda Minneapolis ayaa sheegay
in abaarahii 7:20 fiidnimo Taleefan ku
soo dhacay xarunta arimaha dagdaga ah
ama 911 ka uu sheegay in xabado lays dhaafsanayo xaafadda Soomaalida ku badan
tahay ee Cedar Riverside Wadada
18thStreet-ka ,Markii ay goobta tageena Booliisku mudo yar kadib ay la kulmeen
wiil Soomaali Maraykan ah oo ku dhex jira gaari una dhintay dhaawaca xabadaha
ku dhacay jirkiisa.
Booliiska waxay sheegeen in aan ilaa hada aan
la ogeen cida ka danbaysay dilka wiilkaan dhalinyarada ah iyo sababta loo dilay, wiilkaan oo dadka baraha bulshada ugu tacsiyeeynayay ay
magaciisa ku sheegay Liibaan Cabdulaahi laguna naanaysi jiray Fetti.
Dilkaan
ayaa ka dhacay meel baabuurta la dhigto oo ka danbaysa ganacsiyo ay lee yihiin
dad Soomaali ah iyo qoomiyado kale duwan oo ku yaal xaafaddaa ,iyadoo xiligaas
ay tahay xiliyadda ugu mashquulka badan wadooyinkaas Cedar iyo Riverside halka
ay iska galaantaas oo ay aad u isticmaalaan ardayda dhigata Jaamacada gobolka Minnesota.
Booliiska Magaaladda Minneapolis ayaa sheegay
in cidii arkaysay ama haysa wax warbaxina ah oo ku aadan dhacdadaan
ay la soo xiriiraan Booliiska magaaladda taleefanka 612-692-TIPS (8477) ama ay
fariin qoraal ah ku soo diri karaan 847411 (TIP411).
Dilalka dhalinyarada Soomaaliyeed ee ka dhaca
magaalooyinka Minneapolis/St Paul, Columbus Ohio, Toronto Canada ayaa ah mid
soo noqnoqda, inkasta oo ay hoos u dhaceen gobolka Minnesota tan iyo intii
xaafadaha Soomaalida ay ka hawlgaleen
Booliiska Asalahaan ka soo jeeeda Soomaalida ee ka tirsan qaybaha kala duwan ee
nabadgalayada magaalooyinkan Mataanaha ah.
Siyad Said Salah
[email protected]
Hiiraan Online