Afar askari oo ka tirsanaa ciidamada dowladda oo galinkii danbe ee maanta lagu dilay Muqdisho
Talaado, September,
04, 2018 (HOL) - Rag hubeysan islamarkaana watay gaari yar oo
Kaarib ah ayaa galinkii danbe maanta ku toogtay xaafadda Jamhuuriya ee degmada
Kaaraan Afar askari oo ka tirsanaa ciidamada dowladda Soomaaliya.
Dableyda
toogashada geystay ayaa markiiba goobta si deg deg ah uga baxsatay, iyadoo
intaa kddib-na halka ay toogashadu ka dhacday gaareen isla ciidamo ka tirsan
dowladda Soomaaliya.
Saraakiil ka tirsan maamulka
degmada Kaaraan ayaa warbaahinta gudaha u sheegay in askartan la toogtay la
socdeen gaari Mooto Bajaaj ah kaddib markii ay soo warareen rag hubeysan oo ku
socdaalayay gaari yar oo kuwa raaxada ah.
Meydadka afarta askari ee la dilay ayaa markii danbe la dhigay xarunta dambi
baarista ee CID-da, si baaritaano dheeraad ah loogu sameeyo.
Marar badan oo hore waxaa sidan oo kale loo bartilmameedsaday ciidamo ka
tirsan dowladda Soomaaliya, dilalka noocan ahna waxaa sheegta Ururka
Al-shabaab.
C/raxmaan Diini, Hiiraan
Online
[email protected]