3/28/2024
Today from Hiiraan Online:  _
Wararka Maanta- Talaado, Sept 4 , 2018
Muwaadiniin Soomaaliyeed oo ku dhintay dab qabsaday goobtooda ganacsi dalka Koonfur Africa

 

Talaado, September, 04, 2018 (HOL) - Maalmihii aan soo dhaafnay waxaa Koonfur Africa ka taagnaa weerarro ku saleysnaa isir-naceyb oo lagu boobay ganacsiga dadka  ajaanibta ah  oo Soomaalida ka mid yihiin, ka sokow boobka han-tiyeed ee soo gaaray Soomaalida, waxaa jira saddex muwaadiniin Soomaaliyeed oo dab uu qab-saday goob-tooda ganacsi.

Allah ha u naxariistee sadaxda muwaadin Soomaaliyeed oo lagu kala magacabi jiray, Cali Ow Maxamed Maxamuud Carraale oo 30 jir ahaa, Cismaan Abuukar Maxamuud oo 19 jir ahaa iyo Axmed Macallim Cumar Foodeey 16 jir ayaa ku naf waayay dab  kacay goob ganacsi xafaadda Uitsig ee duleedka magalaada Cape Town ee dalka Koonfur Africa.

Dhinaca kale Safaarradda Soomaaliya ee Koonfur Africa iyo guddi laga soo xulay beec-mushtarka Soomaalida ah kaddib rabshadahan, si ay ula xaajoodaan dowladda Koonfur-afrika ayaa soo saaray war murtiyeed, iyagoona ganacsatada ugu baaqay in aayan ku laaban goobihii hantidooda lagu boobay maadaama wali laga cabsi qabo rabshado hor le in ay dhacaan.

Safaaradda ayaa sheegtay in ay ku howlan-tahay xal uhelidda mashaqadan, waxayna tilmaantay in ay wadahallo toos ah la furtay wasaaradda arimaha dibadda Koonfu-Afrika iyo laamaha amniga si loo soo daayo muwaadiniin lagu xiray sifo aan sharci aheyn.

Wali waxaa taagan cabsida ah in maalma soo socda rabshado dhacaan, si gaarana 8 bishan oo la sheegay in dadka degan meelihii horay boobku uga dhacay oo aay Soweto ku jirtay dibad baxyo dhigi doonaan.

Abdisalan Nor Dirie

Hiiraan Online

[email protected]













Click here
9/4/2018 3:37 PM EST
Talaado, September, 04, 2018 (HOL)-Rag hubeysan islamarkaana watay gaari yar oo Kaarib ah ayaa galinkii danbe maanta ku toogtay xaafadda Jamhuuriya ee degmada Kaaraan Afar askari oo ka tirsanaa ciidamada dowladda Soomaaliya.

9/4/2018 12:12 PM EST
Talaado, September, 04, 2018 (HOL)-Madaxweynaha Soomaaliya Maxamed Cabdulaahi Farmaajo ayaa qudbad dheer ka jeediyay shirka Madasha Iskaashiga Shiinaha iyo Afrika isagoo ku tilmaamay shirka inuu yahay mid taariiqi ah.

9/4/2018 11:17 AM EST
Talaado, September, 04, 2018 (HOL) - Alle ha u naxaristeen Saciido Nuur Abuukar [Saciido Wariiri] oo ka mid ah aheyd Gabdhihii ugu horeeyay xulka Qaranka kubadda Koleyga Soomaaliya ayaa ku geeriyootay magaalada Toronto ee dalka Canada.

9/4/2018 9:11 AM EST
Talaado, September, 04, 2018 (HOL)-Ninkii aas-aasay Shabakadda Haqqani, oo ah mid ka mid ah ciidamada ugu dilalka badan, looguna cabsida badan yahay ee kooxda Taliban, ayaa geeriyooday kadib muddo uu xanuunsanaa.

9/4/2018 8:43 AM EST
Talaado, September, 04, 2018 (HOL)-Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa sheegay in inta tabashooyinka jira sababi karaan amni daro hadii aan wax laga qaban, waxaanu xukuumada ugu ugu baaqay in ay arrimahaasi jira xalliyaan.

9/4/2018 8:37 AM EST
Talaado, September, 04, 2018 (HOL)-Xarunta Isbitaalka Indhaha Al-Nuur ee magaalada Muqdisho waxaa maalmihii la soo dhaafay ka socday howlo isugu jira, baaritaano, daweyn iyo indho-fiiqid bilaash ah oo loo sameynayo kumanaan qof oo danyar ah.

9/4/2018 8:32 AM EST
Talaado, September, 04, 2018 (HOL)-Shirkan oo ah kii 3-aad oo ay isugu yimaadaan golaha iskaashiga dowlad goboleedyada ayaa maanta si rasmi ah uga furmay magaalada Kismaayo, ayadoo ay goob-joog ka ahaayeen Madaxda ....

9/4/2018 7:11 AM EST
Talaado, September, 04, 2018 (HOL) - Hay'adda u diyaar-garowga Aafooyinka & Kaydka Raashinka Somaliland ayaa ka warbixisay daraasad ay ku sameeyeen khasaarihii ay gaystay duufaantii SAGAR ee ku dhufatay xeebaha Somaliland, taas oo ay ku sheegeen in lagaga soo kaban karo dhaqaale gaadhaya $ 2,11 Milyan Dollar.

9/4/2018 7:07 AM EST
Talaado, September, 04, 2018 (HOL) - Doorashada kursi ka mid ah Golaha Shacabka Soomaaliya oo maanta ka dhacday Magaalada Dhuusamareeb ee Gobalka Galgaduud ayaa waxaa ku guuleystay Agaasimihii hore ee Hay’adda Nabad sugida iyo Sirdoonka Qaranka Soomaaliya Cabdullaahi Gaafoow Maxamuud.

9/4/2018 4:46 AM EST
Talaado, September, 04, 2018 (HOL) - Golaha iskaashiga dowlad-gobolleedyada Soomaaliya ayaa lugu wadaa goor dhow inuu shirkoodii saddexaad uga furmo magaalada Kismaayo kuwaasi oo halkaasi gaaray labadii maalin ee u dambeysay, sheegayna inay ka arrinsanayaan arrimaha khuseeya maamulladooda.

9/4/2018 4:24 AM EST
Talaado, September, 04, 2018 (HOL)-Ururkan ku abtirada Al-Qaacida ee Al-shabaab kana dagaalama gudaha dalka Soomaaliya ayaa daraasad la sameeyay lagu ogaaday in Lixdii bilood ee la soo dhaafay ay qaadeen xoogaggooda 418 weerar.

9/4/2018 2:04 AM EST
Talaado, September, 04, 2018 (HOL) - Ururka Warshadleyda Somaliland ayaa si weyn uga hor timid wareegtadii uu madaxweyne Muuse Biixi ku joojiyey cashuur dhaaf loo samayn jirey alaabta iyo badeecadaha dibada uga yimaada warshadaha.

9/4/2018 12:07 AM EST
Talaado, September, 04, 2018 (HOL)–Jaaliyadda Soomaaliyeed magaladda Columbus Ohio ayaa soo dhaweyn u sameeyay Gudoomiye ku xigeenka jaamacadda Ummadda Soomaaliyeed Prof: Adan Gulled Shabel oo dhawaan soo gaaray magalaada columbus.

9/4/2018 12:02 AM EST
Talaado, September, 04, 2018 (HOL)–Magaalada Beijing waxaa si rasmi ah maalintii shalay uga furmay madasha Iskaashiga Shiinaha iyo Afrika oo kulmisay 53 qaran oo Afrikaan ah, Qaramada Midoobey iyo Midowga Afrika.