Talaado, September, 04, 2018 (HOL) - Golaha
iskaashiga dowlad-gobolleedyada Soomaaliya ayaa lugu wadaa goor dhow inuu
shirkoodii saddexaad uga furmo magaalada Kismaayo kuwaasi oo halkaasi gaaray
labadii maalin ee u dambeysay, sheegayna inay ka arrinsanayaan arrimaha
khuseeya maamulladooda.
Shirkan
oo uu marti geliyay madaxweynaha Jubbaland, Axmed Maxamed Islaam ayaa madaxda
dowlad-gobolleedyada waxaa ay sheegeen in shirkan looga arrinsasanayo arrimaha
masiiriga ah ee u gaarka ah, khuseeyana iskaashigooda iyo guud ahaan danta caam
ka ah, sida uu Kismaayo ka sheegay madaxweynaha Puntland.
"Waxaan
rabnaa inaan helno dowlad-gobolleedyo mid ah, hadafkooduna yahay Soomaalinimo,
hirgeliyana nidaamka fadaraaliisamka." ayuu yiri madaxweynaha Puntland,
Cabdiweli Gaas oo sidoo kale ah guddoomiyaha golaha iskaashiga
dowlad-gobolleedyada oo Axaddii wariyayaasha kula hadlay Kismaayo.
Hoggaamiyayaasha
dowlad-gobolleedyada, waxaa kalo ay shirkooda ku raadinnayaan sidii guul waarta
looga gaadhilahaa xal u helida wadashaqaynta, nabadaynta iyo taabegelinta
federalism ee ka dhaxaysa dowlad-gobolleedyada iyo dowladda federaalka
Soomaaliya, sida u sheegay sarkaal sare oo la hadlay Hiiraan Online.
Shirka
waxaa ku waheliya golaha iskaashiga dowlad-gobolleedyada, xildhibaanno ka
tirsan Baarlamaanka Federaalka Soomaaliya iyo wakiilka Qaramada Midoobay ee
Soomaaliya,Michael Keating - isagoo jeedin doonna khudbad sharafeed, maaddaama
muddo xiliyeedkii uu ka dhammaan doono dhawaan, sida ku cad war qoraal ah oo
looga hadlay kulan uu Isniintii la qaatay Keating, madaxda dowlad-gobolleedyada.
Xasan
Nuur, Hiiraan Online
[email protected]
Kismaayo-Soomaaliya.