11/16/2018
Today from Hiiraan Online:  _
Wararka Maanta- Isniin, Sept 3 , 2018
Warbixin -Maxey ka wada hadlayaan madaxda maamul gobolleed-yada maanta ku shiraya Kismaayo


 

Isniin, September, 03, 2018 (HOL)-Guud ahaa marka la eego waa kulankii saddexaad oo ay yeesheen golaha Isbaheysiga ay ku mideysan yihiin madaxda dowlad gobolleedyada, kulankan maanta ka furmaya Kismaaya-na waxaa uu noqonayaa kii labaad oo ay marti-galiso Jubbaland, marka laga reebo Baydhabo oo sidoo kale horey loogu qabtay shirkan.

Kulankan waxaa la oran karaa  waa mid ka duwan kulamadii horey ay u yeesheen madaxda dowlad gobollleed-yada oo hadda wajahaya culeys-yo siyaasadeed oo waa-weyn, gaar ahaan marka la eego doorashooyin-ka ku soo foolka leh sanadka 2019 qaar ka mid ah maamul gobolleed-yada oo baqdin xoog leh ka qaba dhinaca dowladda dhexe ee federaalka.

Kulanka ayaa sidoo kale diirada lagu saari doonaa khilaafka u dhaxeeya maamulka Jubbaland iyo dowladda dhexe ee federaalka oo isku qabtay marar badan hore magacaabista taliyayaal ciidan oo ay dowladdu u dirtay Kismaayo, laakiin maamulka Jubbaland uu is hortaagay.

Dhinaca kale waxaa jira shaki madaxweynayaasha Puntland iyo Koonfur Galbeed, Cabdiwali Maxamed Cali Gaas iyo Shariif Xassan Sheekh Aadan ka qabaan doorashada ku soo foolka leh ee madaxtinimada iyo saameynta dowladda Soomaaliya ay ku yeelan karto doorashooyinkaas.

Madaxweyne Maxamed Cabdi Waare ayaa dhinaciisa waxaa heysta culeys uga imaanaya xildhibaanno ka tirsan maamulka Hirshabeelle oo wada mooshinka dhan ah oo ay doonayaa in ay xilka uga tuuraan, halka madaxweynaha Galmudug Axmed Ducaale Geelle Xaaf-na wali uu la daalaa-dhacayo khilaaf ka dhax –taagan maamulkiisa isaga oo marar bandanna oo hore ku eedeeyay dowladda in ay qeyb ka tahay khilaafka ka dhax jira Galmudug.

Waxaa jiri doona inta uu socdo kulanka maanta ka furmaya Kismaayo khudbado ay halkaa ka jeedin doonaan madaxda dowlad gobolleedyada oo la filayo in qaarkood si toos uga dhawaaji-yaan darreen-ka ay ka qabaan dowladda dhexe ee federaalka, ugu danbeyntii-na waxaa la filayaa in laga soo saaro war-murtiyeed ay ku mideysan yihiin madaxweynayaasha shiraya.

C/raxmaan Diini, Hiiraan Online
[email protected]







Click here
9/3/2018 11:48 PM EST
Isniin, September, 03, 2018 (HOL)-Dallada Dhalinyarada Konfurta iyo Bartamaha Soomaaliya ayaa maanta howlo iskaa wax u qabso ah oo lagu badalayo muuqaalada dagaalka si caasimada Muqdisho ugu ekaato mid nabadeed.

9/3/2018 11:28 AM EST
Isniin, September, 03, 2018 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka qayb galay furitaanka wada-hadallada heerka sare ee Madasha Iskaashiga Shiinaha iyo Afrika (FOCAC) oo ay martigelinayso magaalada Beijing ee caasimadda dalka Shiinaha.

9/3/2018 9:45 AM EST
Isniin, September, 03, 2018 (HOL)- Waxaa magaalada Beijing ee caasimadda dalka Shiinaha ka furmay Shirka Madasha Iskaashiga Shiinaha iyo Afrika ee (FOCAC) oo ay sanadkan ka qeyb galayaan madaxda 53 dal oo Afrikaan ah.

9/3/2018 9:08 AM EST
Isniin, September, 03, 2018 (HOL)- Eng. Maxamuud Khaliif Xassan ayaa si rasmi ah ugu dhawaaqey in uu u tartamayo doorashada xilka madaxweynaha Puntland ee ka dhici doonta magaalada Garoowe bisha Janaayo siddeedeeda sanadka 2019-ka; isaga oo halku-dhegga ololaha doorashadiisa ku magacaabay ‘Karti iyo Hufnaan’.

9/3/2018 8:37 AM EST
Isniin, September, 03, 2018 (HOL)-Waa dhacdo ugub ku ah bulshada Soomaalida dhax-deeda kaddib markii la arkay meydka nin dhalinyaro ah oo ka lusha mid ka mid ah baalayaasha korontada deegaanka Siinka dheer ee dulleedka Muqdisho.

9/3/2018 7:38 AM EST
Isniin, September, 03, 2018 (HOL)-Shirkan oo lagu waday in uu furmo maanta ayaa dib u dhacay ilaa maalinta berito ah sida ay warbaahinta u xaqiijiyeen masuuliyiin ka tirsan dowlad goboleedka Jubbaland.

9/3/2018 5:28 AM EST
Isniin, September, 03, 2018 (HOL)- Maxamed Cabdullaahi Maxamed Cadow oo ah eedeysanaha Koowaad ayaa Ciidamada amniga soo qabteen 22-kii bishii 4-aad ee sanadkan, iyadoo xilligaas lala xiriirnayay Al Shabaab, waxaana ciidamada amniga oo hayay xogta eedeysanaha ay xilligaas kadib ku wareejiyeen Hay’adaha baarista, waxaa uuna eedeysanaha fududeeyay in ay gacanta dowladda soo galaan Eedeysanayaasha kale:- Waris Maxamed Cumar, Xasan Cali Maxamuud iyo Aadan Muuse Cadaawe.

9/3/2018 4:32 AM EST
Isniin, September, 03, 2018 (HOL)-Ciidamada dowladda Soomaaliya gaar ahaan kuwo nabad-sugida ayaa gacanta ku dhigay xubin ka tirsan Al-shabaab oo la sheegay in uu maleegayay.

9/3/2018 1:57 AM EST
Isniin, September, 03, 2018 (HOL)-Maanta oo Isniin ah waxaa ka furmaya magaalada Beijing shirka u dhaxeeya Shiinaha iyo Afrika ee (FOCAC) oo ay sanadkan ka qeyb galayaan ku dhawaad madaxda 53 dal oo qaarraada ka tirsan.

9/3/2018 1:02 AM EST
Isniin, September, 03, 2018 (HOL) - Wasaaradda Gaashaandhigga Maraykanka ee Pentagon ayaa eegaysa in ciidamada kamandosta ee Maraykanka ay kala soo baxdo dalka Niger, isla markaana ay soo xirto badi xeryaha ay deggan yihiin ciidamada aragixiso la dirirka ee qaaradda Afrika, sida laga soo xigtay wargeyska The New York Times.