Danjire Michael Keating oo la kulmay madaxweynihii hore ee Soomaaliya Xassan Sheekh Maxamuud
Axad, September, 02, 2018 (HOL) –Danjiraha Qaramada
Midoobey ee Soomaaliya Michael Keating ayaa hoyga uu ka degan yahay magaalada
Muqdisho ku booqday madaxweynihii hore ee dowladda Soomaaliya Xassan Sheekh
Maxamuud.
Waxaa ay ka wada hadleen xaaladaha dalka gaar ahaan dhinacayada
siyaasada, amniga iyo dhaqaalaha, iyaga oo sidoo kale isla soo qaaday
isbedelada mandiqada Geeska Africa.
Xasan Sheekh ayaa yiri“Waxaan maanta kulan
la-yeeshay wakiilka Qaramada Midoobay ee Soomaaliya Amb. Michael Keating kaas oo
aan ka wada hadalnay xaaladaha dalka gaar ahaan dhinacayada siyaasada, amniga
iyo dhaqaalaha, waxaan sidoo kale isla soo hadal qaadnay isbedelada mandiqada
Geeska Africa”.
Madaxweynihii hore ee Soomaaliya Xasan Sheekh
Maxamuud ayaa magaalada Muqdisho ka wada kulamo kala duwan oo tan iyo markii uu
dhawaan soo gaaray magaalada, isaga oo sheegay n socdaalkiisu yahay mid salka
ku haya u guur-galida xaalada dalka, gaar ahaan xog wareysi uu la yeelan doono
guud ahaanba qeybaha kala duwan ee bulshada.
Xassan Sheekh oo hadda ah xildhibaan sharafeed ka tirsan baarlamaanka
Soomaaliya socdaalkiisa Muqdisho waxaa uu ku soo aadaya xilli 10-ka bishan
September lagu wado in uu dib u furmo kalfadhiga Baarlamanka Golaha Shacabka.
C/raxmaan Diini, Hiiraan
Online
[email protected]