9/19/2018
Today from Hiiraan Online:  _
Wararka Maanta- Isniin, Sept 2 , 2018
Mareykanka oo Pakistan ka joojin doono $300 M oo gargaar ah


 

Axad,  September, 02, 2018 (HOL) – Militiri-ga Mareykanka ayaa sheegay in ay joojin doonaan $300m (£230m) oo ah lacago Pakistan caawimaad ahaan loo siin jirey ka dib markii sida la sheegay xukuumadda Islamabad ay ku guul dareysatay wax ka qabashada kooxaha hubeysan ee jooga Pakistan.

Madaxweyne Donald Trump ayaa kal hore Pakistan ku eedeeyay in ay khiyaamayso Mareykanka xilli uu balaamiiyin doolar ugu deeqo.

Afhayeen u hadlay wasaaradda Gaashaandhigga Mareykanka, Lt. Col Koné Faulkner, ayaa sheegay in militiriga Mareykanka uu lacagahan ku bixin doono meelo kale baahi deg deg ah loo qabo.

Hase ahaatee, talaabadan ayaa u baahan in ay ansixiyaan golaha Congress, waana qeyb kamid ah waxyaabihii waa weynaa oo ay ku dhawaaqeen bishii Janaayo.

Wasaaradda arrimaha dibadda ayaa Pakistan, ku dhaleeceysay sida ay ugu guul dareysatay in ay ka hor tagto kooxaha argagaxisada ah ee ciideeda ka waday dagaalada, waxaana kooxahaas kamid ah ururka Haqqani oo xiriir la leh Talibaanta Afghanistan.

“Waxaa sii wadaynaa in aan Pakistan ku cadaadino in ay si aan kala sooc la heyn u bartilmaameedsato kooxaha argagaxisada ,” ayuu yiri Col. Faulkner.

Tallaabadan, ayaa timid maalmo uun ka hor booqashada xoghayaha arrimaha dibadda Mareykanka Mike Pompeo uu ku tagi doono dalka Pakistan si uu ula kulmo ra’iisul wasaaraha cusub ee wadankaas Imran Khan.

Bishii Janaayo, ayaa Mareykanku sheegay in uu ka jaray dhammaan kaalmada amni ee Pakistan ka heli jirey.

Mareykanka iyo dalal kale ayaa muddo dheer ku doodi jirey in Pakistan ay hoyso kooxo badan oo mayil adag kuwaas oo weeraro ka fuliya dalka dariska la ah ee Afghanistan.

Ilaa iyo hadda ma jiro wax war ah oo ka soo baxay dowladda Pakistan oo ku aadan tallaabada Mareykanka ku dhawaaqay.

C/raxmaan Diini, Hiiraan Online
[email protected]







Click here
9/2/2018 5:10 PM EST
Axad, September, 02, 2018 (HOL) – Kulan ay Muqdisho ku yeesheen golaha wasiirrada xukuummadda federaalka Soomaaliya ayaa lagu ansixiyay xeerka xayiraadda lacagaha oo ay soo gudbisay wasaaradda maaliyadda, kaas oo qayb ka qaadanaya barnaamijka xukuummadda ee hufnaanta iyo daah-furnaanta.

9/2/2018 12:55 PM EST
Axad, September, 02, 2018 (HOL)–Danjiraha Qaramada Midoobey ee Soomaaliya Michael Keating ayaa hoyga uu ka degan yahay magaalada Muqdisho ku booqday madaxweynihii hore ee dowladda Soomaaliya Xassan Sheekh Maxamuud.

9/2/2018 10:44 AM EST
Axad, September, 02, 2018 (HOL)–Baarlamaanka dowlad deegaanka Soomaaliya Itoobiya ayaa maanta meel mariyay islamarkaana ansixiyay gole Wasiirro cusub oo uu soo dhisay madaxweynaha Ku-meel-gaarka ah ee dowlad deegaanka Mustafe Maxamuud Cumar Cagjar.

9/2/2018 10:10 AM EST
Axad, September, 02, 2018 (HOL)–Madaxweynaha Puntland, Cabdiweli Maxamed Cali Gaas ayaa maanta gaaray magaalada Kismaayo ee xarunta kumeel-gaarka ah ee dowlad-gobolleedka Jubbaland, halka oo u ugu qaybgelayo shirka hoggaamiyayaasha dowlad-gobolleedyada dalka.

9/2/2018 7:22 AM EST
Axad, September, 02, 2018 (HOL)–Madaxweyneyaasha dowlad goboleedyada Galmudug, Hirshabeelle iyo Puntland ayaa maanta soo gaaray magaalada Kismaayo....

9/2/2018 7:21 AM EST
Axad, September, 02, 2018 (HOL)– Lix ruux ayaa la xaqiijinayaa in ay ku dhin-teen weerar Ismiidaamin ah oo barkhanimadii maanta lagu qaaday xarunta degmada Howl-wadaag ee gobolka Banaadir.

9/2/2018 5:11 AM EST
Axad, September, 02, 2018 (HOL)–Weerar loo adeegsaday gaari walxaha qarxa laga soo buuxiyay ayaa barkhanimadii maanta lagu weeraray xarunta degmada Howl-wadaag ee gobolka Banaadir.

9/2/2018 4:17 AM EST
Axad, September, 02, 2018 (HOL)-Weerar loo adeegsaday gaari walxaha qarxa laga soo buuxiyay ayaa goor dhaw ka dhacay xarunta degmada Howl-wadaag ee gobolka Banaadir.

9/2/2018 2:15 AM EST
Axad, September, 02, 2018 (HOL) - Dowladda Suuriya ayaa beenisay warar sheegaya in qaraxyo is xig-xigay oo ka dhacay garoonka diyaaradaha militariga ay ku leeyihiin magaalada Dhimishiq ay ka dambeeyeen diyaaradaha dagaalka ee Israa'iil, sida ay sheegtay warbaahinta dowladda.

9/2/2018 1:36 AM EST
Axad, September, 02, 2018 (HOL)-Guddoomiye ku-xigeenka gobolka Shabeellaha hoose Cabdifataax Xaaji Cabdulle ayaa ka badbaaday isku dey dil kaddib markii qarax miino loogu xiray gaarigiisa oo ay ku dhaawacmeen labo askari.

9/2/2018 1:23 AM EST
Axad, September, 02, 2018 (HOL) –Wararka ka imanaya magaalada Dhuusa-mareeb ee xarunta u ah maamulka Galmudug ayaa sheegaya in halkaa ay ka socdaan kulamo aan kala joogsi laheyn oo looga arinsanayo magacaabista gole Wasiirro cusub oo uu yeesho maamulka kaddib markii ay isku biireen Ahlu Sunna Waljameeca.