11/17/2018
Today from Hiiraan Online:  _
Wararka Maanta- Talaado, Sept 11, 2018
Golaha wasiirrada Puntland oo taageerray go'aamadii ka soo baxay shirka Kismaayo


 

Talaado, September, 11, 2018 (HOL)– Golaha wasiirrada Puntland oo kulan deg deg ah maanta ku yeeshay xarunta madaxtooyada Puntland ee magaalada Garoowe ayaa soo dhaweeyay dhammaan go'aamadii ka soo baxay shirkii hoggaamiyayaasha dowlad-gobolleedyada ee Sabtidii lugu soo gabagabeeyay magaalada Kismaayo.

"Golaha xukuumadda oo ku dheeraaday geeddi-socodka siyaasada dalka ayaa si buuxda u taageerary dhammaan go’aamadii kasoo baxay Golaha Iskaashiga dowladdaha xubinta ka ah dowladda Federaalka Soomaaliya ee Kismaanyo lagu gaaray."ayaa lugu yiri warsaxaafadeed uu baahiyay xafiiska madaxweynaha Puntland oo looga hadlay qodobbada ka soo baxay shirka.

Kulanka golaha wasiirrada oo u guddoominayay madaxweynaha Puntland, Cabdiweli Gaas waxaa kalo looga hadlay arrimaha kala ah amniga iyo habsami socodka dhismaha waddada Jalam- Gaalkacyo . Waxaa lugu sheegay warsaxaafadeed shirka looga inuu wanagsanyahay amniga,iyadoo shacabka loogu baaqay si dhow inay ula shaqeeyaan laamaha amniga.

Wasaaradda howlaha guud iyo gaadiidka ee Puntland ayaa kulanka ku soo bandhigtay qiimeyn ay -ku sameysay habsami u socodka dhismaha waddada halbowlaha ah ee isku xirta Jalam iyo Gaalkacyo,kaddib markii dhawaan dowladda Jarmalka oo mashruucan taageerraysay ay si cad u sheegtay in la joojiyay,iyadoo go'aanka loo sababeeyay masuqmaasuq hareeyay hannaankii loogu tagalay mashruuca inuu ku fulo, balse wasaaradda howlaha guud iyo gaadiidka ee Puntland waxaa ay sheegtay in sidii loogu talagay mashruucu u socdo isla markaana uu ku dhammaan doono mudadii loo qorsheeyey.

"Golaha xukuumadda Puntland waxay shacabweynaha Puntland u sheegayaan in mashruucaasi si baaxad leh u socdo dowladduna ay xilweyn iska saareyso dabagalkiisa iyo hirgalintiisaba, iyadoo asbuucaan la billaabayo wajigii koowaad ee daamur saarida Burtinle-Xarfo." ayaa lugu yiri warsaxaafadeedka.

Iman Mohamed Jama, Hiiraan Online







Click here
9/11/2018 4:39 PM EST
Talaado, September, 11, 2018 (HOL) – Waxaa soo ifbaxaya khilaaf xoogan oo mar kale soo kala dhax-galay mas’uuliyiinta ugu sareysa maamulka Galmudug kaddib markii mooshin xil ka qaadisa ah la sheegay in laga gudbiyay guddoomiyaha baarlamaanka Galmudug Cali Gacal Casir iyo madaxweyne ku-xigeenka maamulka Maxmed Xaanshi Carabey

9/11/2018 1:55 PM EST
Talaado, September, 11, 2018 (HOL)–Guddoomiye ku-xigeenka koowaad ee baarlamaanka dowlad gobolleedka Galmudug Xareed Cali Xareed ayaa aqbalay qabashada mooshin ka dhan ah guddoomiyaha baarlamaanka Galmudug Cali Gacal Casir.

9/11/2018 11:25 AM EST
Talaado, September, 11, 2018 (HOL)– Hanti-dhowrka guud ee Qaranka ayaa qoraal ka soo baxay waxaa leysaga fogeeyay eedeyn uga timid hoggaamiyayaasha dowlad gobolleedyada Soomaaliya ee dhawaantan ku shiray magaalada Kismaayo.

9/11/2018 9:51 AM EST
Talaado, September, 11, 2018 (HOL)– Ehelada iyo Qoyska madaxweynihii hore ee dowlad deegaanka Soomaalida ayaa ku eedeeyay ciidamo ka tirsan Booliiska federaalka Itoobiya in ay jir daran u geysteen madaxweynihii hore Ismaamulka Soomaalida Cabdi Maxamuud Cumar.

9/11/2018 7:13 AM EST
Talaado, September, 11, 2018 (HOL)– Rag bastoolado ku hubeysnaa ayaa toogasho ku dilay meel aan ka fogeyn hoygiisa magaalada Muqdisho subaxnimadii hore ee saakay xubin ka tirsanaa shaqaalaha wasaaradda Qorsheynta dowladda Soomaaliya.

9/11/2018 4:28 AM EST
Talaado, September, 11, 2018 (HOL)–Hogaamiyeyaasha Itoobiya iyo Eritrea ayaa dib u furaya xadkii dhulka la isaga tallaabi jiray ee la xiray labaatan sano ka hor markii ay dagaalka xun galeen labadan dal ee dariska ah sagaashameeyadii.

9/11/2018 4:04 AM EST
Talaado, September, 11, 2018 (HOL)– Golaha wasiirrada Puntland ayaa hadda ku shirsan xarunta madaxtooyada Puntland ee dulleedka magaalada Garoowe,kulankan oo saraakiisha ay ku tilmaameen mid aan 'caadi ahayn' waxaa guddoominaya madaxweynaha Puntland Cabdiweli Gaas.

9/11/2018 2:20 AM EST
Talaado, September, 11, 2018 (HOL)– Tan iyo intii madaxweynaha Somaliland Muuse Biixi uu go’aanka ka soo saaray in Kaydka haamaha shiidaalka ee Berbera ku soo celinayo gacanta dawladda waxay dhalisay is faham waa ku kala dhex dhacay iyaga iyo ganacsataddii maamuli jirtay oo ku doodaya in lacag badan kaga maqantahay maalgashi ay ku sameeyeen Haamaha.

9/11/2018 2:03 AM EST
Talaado, September, 11, 2018 (HOL)–Wasaaradda Gaadiidka iyo Horumarinta Jidadka Soomaaliland ayaa daahfurtay Sumad cusub oo ay yeelan doonaan Baabuurta Somaliland, taas oo gobol walba astaan u gaar ah la raacin doono.

9/11/2018 1:58 AM EST
Talaado, September, 11, 2018 (HOL)–Saraakiisha Booliiska Soomaaliya ayaa sheegay in ay toogasho ku dileen sarkaal ka tirsanaa Ururka Al-shabaab oo sida ay hadalka u dhigeen in mudo ahba laamaha amnigu ku raad joogeen.

9/11/2018 12:51 AM EST
Talaado, September, 11, 2018 (HOL)–Waxaa soo ifbaxaya khilaaf xoogan oo u dhaxeeya mas’uuliyiinta qaar ka mid ah maamuladdii ku shiray Kismaayo ee Sabtidii aynu soo dhaafnay ku dhawaaqay in ay xiriirka u jareen dowladda dhexe ee federaalka.