Sacuudiga oo cambaareeyay weerarkii Ismiidaaminta ahaa ee shalay ka dhacay Muqdisho
Talaado, October, 02, 2018 (HOL) – Qoraal ka soo
baxay wasaaradda arrimaha dibadda dalka Sacuudiga ayaa lagu cambaareeyay
weerarkii ismiidaaminta ahaa ee shalay lala eegtay ciidan ka tirsan Midowga
Yurub oo u dhashay dalka Talyaaniga.
Maalinti shalay ayeey aheyd markii gaari yar oo
kuwa raaxaada ah lagana soo buuxiyay walxaha qaraxa lala eegtay kolonyo ay la
socdeen ciidamo Talyaani ah agagaarka wasaarrada Gaashaandhigga Soomaaaliya.
Weerarka waxaa ku nafwaayay in la ogyahay Laba
qof oo mid ka mid ah uu ahaa qofkii weerarka Ismiidaaminta ah geystay. halka ay
ku dhaawacmeen 10 kale oo ay ku jiraan arday xilligaasi ka timid iskuulaadkooda
waxbarasho.
Sarkaal ka tirsan wasaaradda arrimaha dibadda
Sacuudiga ayaa tacsi u diray ehelada dadkii ku geeriyooday qaraxaasi, wuxuuna
caafimaad deg deg ah u rajeeyay dadka ku dhaawacmay weerarkaasi.
Al-shabaab oo sheegtay mas’uuliyada weerarkan
ayaa afhayeenkooda Cabdicasiis Abuu Muscab waxaa uu sheegay in ay weerarka ku
dileen ilaa afar sarkaal oo ka tirsan ciidamadii la socday kolonyada la
weeraray.
War-saxaafadeedka waxaa kaloo lagu sheegay in
Sacuudiga uu ka soo horjeedo dhammaan noocyada rabshadaha, sida argagixisada
iyo xagjirnimada iyo wax kasta oo lagu dhibaateynayo dadka shacabka ah.
Sacuudiga ayaa ugu dambeyn sheegay in uu kordhin
doono taageerada Millatari iyo mida dhaqaale ee uu siiyo dowladda Soomaaliya.
C/raxmaan Diini, Hiiraan
Online
[email protected]