3/29/2024
Today from Hiiraan Online:  _
Wararka Maanta- Talaado, Nov 6 , 2018
Duqa Muqdisho oo xariga ka jaray xarunta sare ee Luuqadaha iyo tababarada oo Muqdisho laga daahfuray


Talaado, November, 06, 2018 (HOL) -Guddoomiyaha Gobolka Banaadir ahna Duqa Muqdisho ahna Cabdiraxmaan Cumar Cismaan (Eng.Yariisow) ayaa xariga ka jaray Xarunta Luqadaha iyo Tababarrada ee Jaamacadda Jobkey oo ah Machad casri ah oo laga howlgeliyey Muqdisho. 

Munaasabadan oo aheyd mid si weyn loo soo qaban-qaabiyey ayaa waxaa ka qeyb galay masuuliyiin kala duwan, xildhibaano ka tirsan labada gole ee dowlada, aqoonyahano iyo qeybaha bulshada.

Eng.Yariisow oo munaasabadaas ka hadlay ayaa sheegay in muhiimad weyn ay ku fadhiyaan dib u soo nooleynta xarumihii waxbarashada, gaar ahaan Xarumaha tababarada iyo Luqadaha ee aqoonta bulshada lagu dhisayo.

“In dib loo howlgeliyo xarumihii Tababarka iyo Luqadaha ee caasimadda waa mid ahmiyad weyn ku fadhida oo aan uga mahadcelinayno Jaamacadda Jobkey ee howshan iska xil saartay, si kor loogu qaado aqoonta bulshada ee dhinaca Luuqadaha” ayuu yiri Eng.Yariisow.

Duqa Muqdisho ayaa xusay in Maamulka Gobolka Banaadir uu had iyo jeer u taagan yahay sidii aqoonta bulshada caasimadda kor loogu qaadi lahaa, isla markaana loo soo nooleyn lahaa xarumihii kala duwanaa ee waxbarashada ka shaqeyn jiray.

“Waxaan rabnaa in muwaadin walba uu wax qori karo waxna akhrin karo, waana sababta aan waxbarashada dadka waaweyn uga hirgelinayno caasimadda” ayuu intaa ku daray duqa Muqdisho.

Waxaa sidoo kale ka hadlay Munaasabadaas guddoomiyaha Jaamacada Jobkey C/casiis Caagane C/samad oo sheegay in hirgelinta machadkan uu qeyb ka yahay dedaalka jaamacadu ugu jirto kor u qaadida aqoonta dhalinta Soomaaliyed, isagoo xusay in hirgelintiisa ay muddo dheer ka soo shaqeynayeen, uuna yahay mid casri ah oo ka duwan kuwa la midka ah ee dalka ka jira.

“Furitaanka  xarunta luqadaha iyo Tababarada Jaamacadda Jobkey waa astaan tusaale u  ah inaan wax badan qaban karno Waxaan u mahad celinayaa dhamaan dadkii inagala soo qeyb galay xafladan oo uu ugu  horeeyo duqa magaalada Abdirahman Omar Osman (Eng. Yariisow) Senatarada  Aqalka Sare iyo Xildhibaanada Baarlamanka, Wasaaradda Waxbarashada iyo  marti sharafta kale” ayuu yiri Caagane oo ardayda Soomaaliyed ugu baaqay iney ka faaiideysaan Machadkan casriga ah oo uu  xusay iney ka heli doonaan waxbarasho tayo sare leh. 

Agaasimaha  Waaxda Tacliinta sare ee Wasaaradda Waxbarashada Xukuumada Somaalia Dr.  C/shakuur Xassan Faqih oo isna munaasabadan ka hadlay ayaa ka waramay ahmiyada ay leeyihiin xarumaha noocan ah ee  dhinaca waxbarasahada, isagoo xusay in wasaaraddu ay soo dhoweyneyso  furitaanka xarumaha lagu xoojinayo aqoonta dhalinta Soomaaliyeed isagoo u  mahad celiyey Maamulka Jaamacada Jobkey oo xarunta hirgeliyey. 

Munaasabadan  oo ku soo dhamaatay jawi aad u farxad badan ayaa waxaa sidoo kale intii  ay socotay ka hadlay xubno isugu jiray aqoonyahano, masuuliyiin iyo ururada bulshada oo si diiran u soo dhoweeyey furitaanka  xaruntan.

C/raxmaan Diini, Hiiraan Online
[email protected]

 

 

 













Click here
11/6/2018 4:26 PM EST
Talaado, November, 06, 2018 (HOL)– Wasiirka waxbarashada hiddaha iyo tacliinta sare xukuumadda federaalka Soomaaliya Mudane Cabdulahi Goodax Barre ayaa maanta magaalada Muqdisho kulan kula qaatay, madaxa waaxda Horumarinta Caalamiga ah (DFID) ee UK u qaabilsan Soomaaliya Mr Phil Evans.

11/6/2018 4:11 PM EST
Talaado, November, 06, 2018 (HOL)– Wasiirka difaaca dowladda Turkiga,Hulusi Akar ayaa booqanaya magaalada Muqdisho ee caasimadda Soomaaliya, Arbacada berri ah, sida ay baahisay wakaaladda wararka u faafisa dowladda Soomaaliya ee SONNA.

11/6/2018 3:54 PM EST
Talaado, November, 06, 2018 (HOL)– Wasiirka Maaliyadda Soomaaliya,Cabdiraxmaan Ducaale Beyle ayaa xafiiskiisa kula kulmay Taliyaha Ciidanka Booliska Soomaaliya iyo Saraakiisha ugu sarreysay Booliska.

11/6/2018 3:51 PM EST
Talaado, November, 06, 2018 (HOL)– Guddiga maaliyadda, miisaaniyadda iyo qorsheynta ee golaha shacabka Soomaaliya ayaa maanta la kulmay xubno ka socday Bankiga aduunka (World Bank).Xubnihii ka socday World Bank ayaa guddiga la wadaagay warbixin ku saabsaneyd fursadaha dhaqaale ee adduunka ka jira iyo sida Soomaaliya loogu faa’iideyn karo.

11/6/2018 3:50 PM EST
Talaado, November, 06, 2018 (HOL)– Wasaaradda Waxbarshadda Hiddaha iyo tacliinta sare ee Soomaaliya ayaa maanta magaaladda Muqdisho munasaabad sagootin ah ugu sameysay 223 arday oo deeq waxbarsho ka helay dowladda Itoobiya.

11/6/2018 3:41 PM EST
Talaado, November, 06, 2018 (HOL)– Musharraxa xilka Madaxweynaha Puntland ee doorashada 2019 Maxamuud Khaliif Xasan Jebiye , ayaa Talaadada maanta ah soo gaaray magaalada Gaalkacyo ee xarunta gobolka Mudug, halkaas oo si diirran loogu soo dhaweeyay.

11/6/2018 10:39 AM EST
Talaado, November, 06, 2018 (HOL)–Dowladda Soomaaliya ayaa markii ugu horeysa war ka soo saartay toogasho subaxnimadii hore ee saakay ciidamada AMISOM ay geysteen magaalada Muqdisho.

11/6/2018 7:42 AM EST
Talaado, November, 06, 2018 (HOL) - Howlgalka midowga Africa AMISOM ayaa lagu eedeeyay in subaxnimadii hore ee saakay si bareer ah ugu toogteen xaafadda SOS ee degmada Huriwaa Afar ruux oo rayid ah.

11/6/2018 7:27 AM EST
Talaado, November, 06, 2018 (HOL) -Hawlgalka Kaalmeynta Qaramada Midoobay ee Soomaaliya (UNSOM) wuxuu cambaaraynayaa xayiraaddii iyo weerarkii loo geystay kolonyo gaadiid oo QM leedahay [dhacdadaas] oo ka dhacday waddada xiriirisa Gaalkacyo iyo Cadaado ee dowlad goboleedka Galmudug Sabtidii, 3dii November.

11/6/2018 6:31 AM EST
Talaado, November, 06, 2016 (HOL)-Askastan oo tiro ahaan gaarayay ilaa 13 ayaa ku eedeeysnaa in ay magaalada Kismaayo ka geeysteen falal amni darro, waxaana maxkamaddu ay maanta u fariisatay dhageeysigii labaad ee dambiyaha lagu eedeeyay askarta ka tirsanaa cidamada Jubbaland.

11/6/2018 4:32 AM EST
Talaado, November, 06, 2016 (HOL)-Wasaaradda Arrimaha Gudaha, Federaalka iyo dib u heshiisiinta ayaa goor dhow war saxaafadeed ka soo saartay doorashada Madaxweynaha Koofur Galbeed oo qabsoomideeda uu jahwareer ku yimid, kaddib markii ay is casileen inta badan xubnihii Guddiga doorashada.

11/6/2018 4:03 AM EST
Talaado, November, 06, 2018 (HOL) -Golaha Iskaashiga dowlad goboleedyada ayaa si kulul u cambaareeyay faragelin lagu haayo doorashada Koofur Galbeed, iyagoo soo dhoweeyay go’aankii xubno ka mid ah Guddiga doorashada Koofur Galbeed isku casileen.

11/6/2018 3:46 AM EST
Talaado, November, 06, 2018 (HOL) -Madaxweynaha Koofur Galbeed Shariif Xasan Sheekh Aadan ayaa xil ka qaadis ku sameeyay Wasiiru dowlihii Dhalinyarada iyo Ciyaaraha Koofur Galbeed Abba Aawoow Suufi Caffan.

11/6/2018 3:13 AM EST
Talaado, November, 06, 2018 (HOL)-Iyadoo uu soo ifbaxay khilaaf xoog leh oo ka dhashay doorashada maamulka Koonfur Galbeed, dhinaca kalana maamul Puntland uu isku diyaarinayo doorasho madaxwyne, ayaa arrimahan war ka soo saaray madasha Talo-Wadaag oo ay ku mideysan yihiin siyaasiyiin horay xilal uga soo qabtay dalka.

11/6/2018 1:01 AM EST
Talaado, November, 06, 2018 (HOL) – Wararka ka imanaya xaafadda SOS ee degmada Huriwaa ayaa sheegaya in ciidamada howlgalka midowga Africa AMISOM toogasho ku dileen Afar ruux oo rayid ah kaddib markii sida la sheegay subaxnimadii hore ee saakay qarax lala eegtay.

11/6/2018 12:46 AM EST
Talaado, November, 06, 2018 (HOL) – Dadka ku dhaqan xaafadda Ceelqalaw ee degmada Wadajir ayaa siweyn uga naxay gaarida Safiya Cabdiraxmaan oo aheyd dhalinyarada waxbaratay kaddib markii Mooto Bajaaj ay la soctay uu rasaas ku furay askari ka tirsan ciidamada dowladda habeennimadii xalay.

11/6/2018 12:08 AM EST
Talaado, November, 06, 2018 (HOL) – Wararkii ugu danbeeyay ee naga soo gaaraya magaalada Baydhabo ayaa sheegaya in uu khilaaf xoog leh uu soo kala dhaxgalay guddiggii doorashada madaxweynaha maamulka Koonfur Galbeed kaddib markii ay shalay is casilee inta badan xubnihii guddiga.