3/28/2024
Today from Hiiraan Online:  _
Wararka Maanta- Isniin, Nov 5 , 2018
Cali Xaaji Warsame oo Gaalkacyo kaga dhawaaqay in uu u sharraxanyahay xilka madaxweynaha Puntland


Isniin, November, 05, 2018 (HOL) - Siyaasiga Cali Xaaji Warsame ayaa magaalada Gaalkacyo kaga dhawaaqay inuu u sharraxanyahay xilka madaxweynaha Puntland doorashada dhacaysa horraanta bisha Jannaayo ee sannadka 2019.

Warsame, ayaa khudbad uu ka jeediyay xalfadda uu kaga dhawaaqay musharaxnimadiisa madaxweynenimo ee Puntland, waxa uu ka sheekeeyay  hankiisa hoggaanka Puntland iyo himilooyinka ay shacabka Puntland leeyihiin,waxa kalo uu si kooban uga hadlay marxaladihii Puntland ay soo martay.

Wuxuu sheegay in Puntland aysan haysan hoggaan addag oo ay u baahantahay hoggaamiye han leh oo 'jeebkiisa ka weyn', waxa uu inta ku daray in dhaqaalaha iyo amniga gobolka uu hooseeyo.

"Ma dhici karto 20 sanno ka bacdi deegaan Soomaaliyeed oo dadkoodii joogaan xarig iyo xabad in lagu heysto.. Puntland waa in deegannadeedii dhammeystirto." ayuu yiri Cali Xaaji oo ka hadlay deegaannada ka maqan gacanta Puntland.

"Puntland waxay udub-dhexeed u ahayd hannaanka federaalka ee Soomaaliya,iyadii laga rabay inay dhex dhexaad u noqoto oo raadiso xallinta khilaafka federaalka ayaa hadda laga yaaba inay hor-boodeyso." ayuu ku daray.

Cali Xaaji, waxa uu sheegay inuu doonayo Puntland inuu ku hoggaamiyo cadaaladda,isagoo inta ku daray dagaalka ugu addag inuu la galayo musuqmaasuqa oo u sheegay inuu hoos u dhigay maqaamka Puntland.

Madaxweynaha xilka haya ee Cabdiweli Gaas iyo musharrixiinta kale ayuu ugu baaqay in wadajir looga shaqeeyo sidii doorashada ay u dhici lahayd si cad oo xalaal ah, waxa uu sheegay inay muhiim tahay dhismaha guddiga xallinta khilaafka ,guddiga oo u sheegay in wadatashi guud oo u dhaxeeya musharrixiinta in lagu soo dhiso.

Nabadoono,Haween,dhallinyaro,Aqoonyahanno,iyo qaybaha kala duwan ee bulshadda gobalka Mudug oo munaasabadda ka qaybgalay ayaa ugu baaqay xildhibaannada Baarlamaanka Puntland ee wax dooranaya inay doortaan Cali Xaaji Warsame ,iyagoo inta ku daray inay taageerri doonan musharraxa.

Waa markii labaad oo Cali Xaaji Warsame uu isku soo sharraxo xilka madaxweynaha Puntland, waxaa uu ka qaybgalay doorashadii sanadkii 2014, isagoo kaddibna noqday wasiirka waxbarashada Puntland oo muddo labo sanno ah uu hayay xilka, waxaa kalo uu ka mid ahaa musharixiintii xilka madaxweynaha Soomaaliya ee doorashadii uu ku soo baxay madaxweyne Farmaajo.

Iman Mohamed Jama, Hiiraan Online
[email protected]















Click here
11/5/2018 2:39 PM EST
Isniin, November, 05, 2018 (HOL) – Shir jaraa’id oo ay goor dhaw ku qabteen magaalada Baydhabo xarunta gobolka Baay guddiggii doorashada maamulka Koonfur Galbeed ayeey dowladda Soomaaliya ku eedeeyay in ay ka socon weyday sida ay hadalka u dhigeen doorashadii maamulka Koonfur Galbeed.

11/5/2018 12:35 PM EST
Isniin, November, 05, 2018 (HOL) –Wararka naga soo gaaraya magaalada Baydhabo ee xarunta gobolka Baay ayaa sheegaya in ku dhawaad 11 xubnood oo ay ka mid yihiin guddoomiyihii iyo ku-xigeenkii guddigga doorashada oo gabi ahaanba is casilay.

11/5/2018 11:08 AM EST
Isniin, November, 05, 2018 (HOL) - Xildhibaannada golaha shacabka oo maanta ku shiray xarunta golaha ayaa maalintii labaad akhrin marsiiyay sharciga hay'adda Naafada Qaranka.

11/5/2018 10:50 AM EST
Isniin, November, 05, 2018 (HOL) - Guddoomiyaha guddiga doorashada madaxweynaha ee dowlad-gobolleedka Koonfurgalbeed,Xildhibaan Carfo Ibraahin Aadan ayaa xilka goor dhow iska casilay,sida ay ku warrantay warbaahinta gudaha.

11/5/2018 10:00 AM EST
Isniin, November, 05, 2018 (HOL)-Deegaanka Dararweyne ee gobolka Sanaag ayaa xalay lagu dilay hal qof oo shacab ah, isla markaan waxa baxsaday gacan ku dhiiglihii dilka gaystay.

11/5/2018 6:21 AM EST
Isniin, November, 05, 2018 (HOL) - Wakiilka Qaramada Midoobay u qaabilsan Soomaaliya,Nicholas Haysom iyo wafdi uu hoggaaminayo o uu waheliyo Ergeyga Midowga Afrika ,Francisco Madiera ayaa maanta soo gaaray magaalada Gaalkacyo ee xarunta gobolka Mudug.

11/5/2018 5:59 AM EST
Isniin, November, 05, 2018 (HOL) - Mukhtaar Roobow Cali Abuu Mansuur , oo ka mid ah musharrixiinta u tartamaya xilka madaxweynaha dowlad-gobolleedka Koonfurgalbeed ayaa noqday musharixii ugu horreeyay ee la siiyo Shahaadada musharaxnimo.

11/5/2018 5:42 AM EST
Isniin, November, 05, 2018 (HOL) -Waxaa goor dhaw ku dhawaaqay in uu iska casilay xilkii Wasiirka Wasaarrada Tamarta iyo Biyaha xukuumadda Soomaaliya Cabdicasiis Xassan Ibraahim Lafta-Gareen

11/5/2018 5:40 AM EST
Isniin, November, 05, 2018 (HOL) - Ururka Warbaahinta Puntland ee MAP ayaa tabbabar uga furey magaalada Galkacayo 20 suxufi oo ka hawgala xarumaha kala duwan ee warbaahinta gobolka Mudug.

11/5/2018 5:07 AM EST
Isniin, November, 05, 2018 (HOL) -Ururka Iskaashiga Islaamka ee OIC ayaa cambaareeyay qorshaha madaxweynaha cusub ee dalka Brazil Jair Bolsonaro uu safaarada dalkiisa ee Tel Aviv ugu rarayo magaalada Jerusalem.

11/5/2018 3:38 AM EST
Isniin, November, 05, 2018 (HOL) -Maxkamadda Darajada Koowaad ee Ciidamada qalabka sida ayaa dil toogasho ku xukuntay labo askari, kuwaasoo lagu soo eedeeyay inay horay u dileen askar kale.

11/5/2018 12:52 AM EST
Isniin, November, 05, 2018 (HOL) – Salah iyo Abdulla waa labada wiil ee uu dhalay Wariyihii lagu dhax dilay Qunsuliyada Sacuudi Arabia magaalada Istanbul ayaa sheegay in wax kaliya oo ay hadda doonayaan tahay in ay helaan laguna soo wareejiyo meydka Aabahood Jamaal Khashoggi.

11/5/2018 12:26 AM EST
Isniin, November, 05, 2018 (HOL) – Dowladda Sucuudi Carabiya ayaa lagu wadaa in maanta magaalada Geneva ay guddi Qaramada Midoobay ah hortiisa ku difaaci doonto heerkeeda xuquuqda aadanaha.

11/5/2018 12:10 AM EST
Isniin, November, 05, 2018 (HOL) – Magaalada Gaalkacyo ee gobolka Mudug waxaa lagu wadaa in ay maanta gaarayaan wafuud kala duwan oo ka kala socda Aqalka sare iyo beesha caalamka, waxaana halkaa ka furmaya kulamo looga hadlayo khalalaasihii ugu danbeeyay ee Galmudug.