Isniin, November, 05, 2018 (HOL) –
Magaalada Gaalkacyo ee gobolka Mudug waxaa lagu wadaa in ay maanta gaarayaan
wafuud kala duwan oo ka kala socda Aqalka sare iyo beesha caalamka, waxaana
halkaa ka furmaya kulamo looga hadlayo khalalaasihii ugu danbeeyay ee Galmudug.
Amaanka magaalada ayaa siweyn loo
adkeeyay waxaa halkaa ku sugan oo gaaray madaxweynaha dowlad gobolleedka
Galmudug Axmed Ducaale Geelle Xaaf iyo madaxa xukuumadda Sheekh Maxamed
Shaakhir Cali Xassan oo la filayo in ay kulan wafdi uu horkacayo ergeyga
Qaramada Midoobey ee Soomaaliya Nicholas
Haysom.
Beesha Caalamka ayaa wadda dadaallo kala duwan oo
lagu doonaayo in lagu xaliyo Khilaafka ka dhaxeeya dowladda dhexe ee Soomaaliya
iyo maamul goboleedyadda oo xoogeystay maalmihii lasoo dhaafay.
Isla maalin kaddib 07bishan ayaa sidoo kale waxaa
Gaalkacyo ka furmaya kulan ballaaran oo lagu xalinayo khilaafka Galmudug
dhaxdeeda ah oo la filayo in leysugu keeno dhinacyada kala fadhiya
Dhuusa-Mareeb iyo Cadaado oo kala sheeganaya labo madaxweyne.
Isha ayaa lagu wada hayaa waxa ka soo bixin doona
kulamada xiriirka ah ee maalmaha soo socda ka furmaya Gaalkacyo in kulamadaa
noqon doonaan kuwo soo afjara khilaafka maamulka hareeyay.
C/raxmaan Diini, Hiiraan
Online
[email protected]