3/29/2024
Today from Hiiraan Online:  _
Wararka Maanta- Arbaco, May 3 , 2018
Uhuru Kenyatta oo sheegay in wakiillo shisheeye ay dhibaato ku hayaan dowladda Soomaaliya

Khamiis, May, 03, 2018 (HOL) - Madaxweynaha dalka Kenya Uhuru Kenyatta ayaa sheegay in dhibaatooyinka ka jira Soomaaliya ay sababaan “Wakiillo ajnabi ah” kuwaa oo uu xusay in ay doonayaan in ay xasiloonid darro iyo kala qo-qob ku sameeyaa Soomaalida.

“Gobolka ma ahan mid xasiloon, Soomaaliya waxaa ay ku jirtaa dhibaato, taasoo inta badan ay ku hayaan wakiillo ajaanib ah, kuwaa oo dowladda dalkaasi ka dhigay mid tabardaran, kuna howlan kala qeybinta shacabka, sido kalena doonaya in dib looga noqdo guulihii xanuunka badnaa ee laga gaaray howlgalladii AMISOM,” ayuu hadalkiisii raaciyay.

Isaga oo la hadlay shacabka dalkaasi Kenya maalintii Arbaca ayuu Mr. Kenyatta sheegay in gobolku in nabad uu kusoo dabaalo Soomaaliya iyo Suudaan ay noqon doonto qorsheyaashiisa ugu horeeya mudada uu xilka.

“Ka sokow Argagixisada, waxaanahay kuwo u nugul dhibaatooyin kale oo dhinaca ammaanka ah, qaar badan oo kamid ah waxa ka imanayaan argagixisada isaga gudbeeysa xuduudaha. Sidaa darteed inaga oo qura iskama nadiifin karno, waa in aan ilaalinnaa deriskeenna oo nooga dhigan walaalkeen. Waana Mabaadi’da isku midka ah ee nagu hogaaminaya xiriirka dowladeed ee aan la leenahay deriskeenna.” Ayuu Mr. Kenyatta hadalkiisii raaciyay.

Wuxuu intaa ku daray in horumarka iyo barwaaqadaha Soomaaliya iyo Kenya ay yihiin kuwo isku maran.

“Waxaan xusuusannaa in hadii walaalaheena Soomaalida barwaaqadooda, ay tahay teenna, hadii ay nabadgelyo helaanna aan inaguna heleeyno. Waxay kamid ahayd siyaasadaheenna in aan garab ku siinno sidii ay dib ugu hanan lahaayeen nabad iyo baraare ay hore u heysan jireen.”

“Waxaan ka shaqeeynay welina aan ka shaqeyneynaa in ay aan xaqiijinno kuna taageerno sidii ay Soomaaliya u heli lahayd maalgelin shisheeye si ay uga gudubto caqabaha, waan ku caawinnay waana sii wadi doonnaa taageeradeenna, si ay dadka Soomaaliyeed u dhistaan dowlad xoog badan oo xasiloon.”

Madaxweynaha Kenya ayaa qiray in dhibaatoonka uu wajahayo dalka ay deriska yihiin ee dhanka bari ay yihiin kuwo yar-yar maka loo bandhigo kuwa kajira dalka ay dhanka waqooyi-galbeed deriska ka yihiin, isagoo ku tilmaamay xaaladaha ka jira Suudaanta Koonfureed mid dhibaato badan.

“Haddii Soomaaliya ay  Soomaaliya tahay mid ay xasilooni darro ka jirto, waa inaan qirtaa in Suudaan ay ka jirta dhibaato.” Ayuu hadalkiisii raaciyay.

Wuxuu ugu yeeray hogaamiyeyaasha Suudaanta Koonfureed in danaha shacabkooda ay ka hormariyaan kuwooda gaarka ah si ay u helaan nabadgelyo waarta.

Hadalkan ayaa kusoo beegmaya ayadoo dowladda Soomaaliya ay hore ugu eedeeysan dowladda Imaaraadka in ay Soomaaliya kuheeyso faragelin siyaasadeed, taa oo keentay khilaaf soo kala dhex gala labada dal iyo in Imaaraadku Soomaaliya kala baxo tababarayaal, isalamarkaana wareejiyo ciidamo Soomaaliyeed oo ay tababareen.

Xasan Nuur, Hiiraan Online
[email protected]
Kismaayo-Soomaaliya.













Click here
5/3/2018 10:23 AM EST
Khamiis, May, 03 ,2018 (HOL) – Kalfadhigii golaha Wasiirada ayaa maanta laga soo saaray saddex qodob oo kala ah in hay’adaha Soomaaliya laga leeyahay ka hawlgalin Karin Somaliland...

5/3/2018 9:48 AM EST
Khamiis, May, 03, 2018 (HOL) -Guddoomiyaha Maxkamadda Gobalka Banaadir Dr. Aweys Sheekh Cabdullaahi oo maanta ka qeybgalay Barnaamij aqoon kororsi ah oo loo qabtay laamaha ammaanka, xubno ka socday degmooyinka iyo garsoorka Gobolka Banaadir ayaa eedeyn u jeediyay qaar ka mid ah Xildhibaanada Golaha Shacabka ee Baarlamaanka Soomaaliya.

5/3/2018 9:30 AM EST
Khamiis, May, 03, 2018 (HOL) -Madaxweynaha dowladda Federaalka Soomaaliya Mudane Maxamed Cabdullaahi Farmaajo ayaa hambalyo iyo Bogaadin ku aaddan Maalinta Saxaafadda Adduunka waxa uu u diray dhammaan Wariyayaasha Soomaaliyeed meelkasta oo ay Dunida ka joogaan.

5/3/2018 9:23 AM EST
Khamiis, May, 03, 2018 (HOL) -Munaabad kooban oo ay xilka kula kala wareegayeen Gudoomiyaha Cusub ee Golaha Shacabka Soomaaliya Maxamed Mursal Sheekh C/raxmaan iyo Gudoomiyihii hore ee iscasilay mudane Maxamed Cismaan Jawaari ayaa maanta ka dhacday Xarunta Gudiyada iyo Guddoonka ee Villa Hargeysa ee Magaalada Muqdisho.

5/3/2018 8:54 AM EST
Khamiis, May, 03, 2018 (HOL) -Gudoomiyaha oo la hadlay mid kamid ah idaacadaha ku yaal Muqdisho ayaa sheegay in mudado sedex bilood ah ay ka shaqeyn la’yihiin madax uu ku tilmaamay danleey..

5/3/2018 7:57 AM EST
Khamiis, May, 03, 2018 (HOL) -Wafdigan Maanta gaaray Magalada Baladweyne ayaa waxaa hogaaminayay Ra’iisul Wasaare ku xigeenka Xukuumadda Federaalka Soomaaliya ahna kusimaha Ra'iisul wasaaraha Mudane Mahdi Maxamed Guuleed....

5/3/2018 4:09 AM EST
Khamiis, May, 03, 2018 (HOL)-Wararka Naga soo gaarayo Magalaada Brussels ee dalka Belgium-ka ayaa sheegayo in Ra’iisal Wasaaruhu uu u gudbiyey farriintiisa ah in hadda ay jirto rajo badan oo ay Soomaaliya ka soo ka banayso.....

5/3/2018 3:44 AM EST
Khamiis, May, 03, 2018 (HOL)-Ku simaha wasiirka wasaaradda warfaafinta Soomaaliya ahna wasiir kuxigeenka wasaaraddaasi mudane C/raxmaan Iidaan Yoonis ayaa war saxaafadeed uu soo saaray ugu hambalyeeyay wariyeyaasha Soomaaliyeed maalinta caalamiga ah ee xoriyadda saxaafadda...

5/3/2018 3:39 AM EST
Khamiis, May, 03, 2018 (HOL)-Maamulka Gobolka Benaadir iyo wasarada dhalinyarada iyo sportiga dowlada soomaliya oo iskashanaya ayaa Waxa ay usameyen cayaartooyda munaasabad soo dhaweyn ah iyo sidoo kale abaal marin 10.000 oo dollar oo maamulka ugu talagalay ciyaartoydaasi sidoo kale waxaa munaasabadaan kusugnaa

5/3/2018 3:35 AM EST
Khamiis, May, 03, 2018 (HOL) - Dableey hubeysan xaruunta ICRC ee magaalada Muqdisho ka af-duubtay gabar u shaqeysa hay’adda ICRC