Arbaco, May, 23, 2018 (HOL) –
Wararka naga soo gaaraya degmada Jalalaqsi ee gobolka Hiiraan ayaa sheegaya in
xaafaddo dhowr ah oo ka tirsan degmada uu ku fatahay Wabiga Shabeelle, taasoo keentay in dadku isaga gudbaan Doomo macmal ah oo ay sameysteen.
Ciidamada
dowladda iyo kuwa howlgalka midowga Africa AMISOM gaar ahaan ciidamada Jabuuti
ayaa bilaabay in dadka jilicsan ay ka soo saaraan xaafaddaha ay daadadku ku
dhufteen.
Guddoomiyaha degmada Jalalaqsi Maxamed Cabdulle Fiidoow ayaa
sheegay in Qoysaskii degmada ku noolaa ka barakacayaan guryahoodii oo ay
saameyn ku yeesheen daadadka ka soo fatahay Wabiga Shabeelle.
Si la mid ah degmada Jalalaqsi sidoo kale waxaa uu Wabigu ku
fatahay qeybo ka mid ah degmada Buula-burte ee gobolka Hiiraan.
Magaalada Beledweyne oo todobaadyadii aynu soo dhaaf-nay dhibaato
weyn ay ku hayeen biyaha ayeey dadku bilaabeen in ay dib u soo guryo
noqdeen kaddib markii uu Wabigu dib u celiyay, hasse ahaatee biyihii ka baxay
magaalada ayaa hadda bilaabay in ay ku ku fatahaan qeybo kale oo isla gobolka
ka tirsan.
C/raxmaan Diini, Hiiraan Online
[email protected]
