11/29/2022
Today from Hiiraan Online:  _
Wararka Maanta- Jimco, May 23, 2018
Wiil Arday ah oo sheegay in sideed qoyskoodda ka mid ah goob ku wada geeriyoodeen

 

Arbaco, May, 23, 2018 (HOL) – Ibraahim Muuse Cabdi oo ka mid ah ardayda wax ka barta tuuladda Gargaara ee gobolka Awdal ayaa masiibo naxdin leh ku habsatay ka dib markii duufaantii Roobka wadatay ka dishay sideed qof oo qoyskooddda ah.

Ibraahim Muuse Cabdi waa arday ay masiibaddii ka dhacay Awdal uu kaligii ka badbaaday, waxaa Daadadkii rogmanayey gurigoodii ugu soo galeen qoyskoodii oo ka kooban sideed qof, lix uu la dhashay iyo labadii waalid, waxaanu yimid gurigii oo banaan noqday oo daadku dhinac walba ka joogo.

“markii aan iskuulkii ka imid waxaan imid gurigii oo banaan noqday oo uu daadkii qaatay reerkii oo dhan, waxaana halkaasi ku geeriyooday sideed qof, lix aanu walaalo ahayn iyo aabo iyo hooyo”ayuu yidhi, waxa uu sheegay in uu isaga iyo laba qof oo kale oo qof Jabuuti joogto uun ka badbaadeen.

Goboladda Galbeedka waxa ka dhacday masiibo xun oo dadkii banaanka joogaan ka dib markii guryihii ka burbureen, isla markaana aanay haysan Hu iyo Cunto.

Labadii diyaaradeed ee Imaaraadku usoo direen in loogu gurmado dadka masiibadu ku habsatay ayaa illaa shalay iyo maanta daad gureynayey Raashinkii iyo biyo la gaadhsiinayey dadka ku godoonsan degmooyinka qaarkood.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
5/23/2018 3:32 PM EST
Arbaco, May, 23, 2018 (HOL)–Wararka naga soo gaaraya degmada Gaalkacyo ayaa sheegaya in rag hubeysan goor dhaw halkaa ku toogteen xildhibaan ka tirsan baarlamaanka maamul goboleedka Puntland oo lagu magacaabi jiray Cabdixakiin Macalin Daahir.

5/23/2018 2:57 PM EST
Arbaco, May, 23, 2018 (HOL) – Hay’adda Hormuud Foundation oo ah Qeybta Sama Falka iyo Gargaarka uqaabilsan Shirkadda Hormuud Telecom ayaa 500 oo Qof oo Naafo ah oo ka kala yimid Degmooyinka Gobolka Banaadir iyo Deegaannada ku hareereysan u qeybisay lacag Cash ah, iyadoo qof kasta la guddoonsiiyey lacag dhan $100 Dollar.

5/23/2018 1:11 PM EST
Arbaco, May, 23, 2018 (HOL)–Wararka naga soo gaaraya degmada Jalalaqsi ee gobolka Hiiraan ayaa sheegaya in xaafaddo dhowr ah oo ka tirsan degmada uu ku fatahay Wabiga Shabeelle, taasoo keentay in dadku isaga gudbaan Doomo macmal ah oo ay sameysteen.

5/23/2018 12:12 PM EST
Arbaco, May, 23, 2018 (HOL)–Waxaa magaalada Laascaanood laga soo saaray go'aano cusub oo xadadaya qaab nololeedkii hore ee Bulshda, una muuqatay in ay amaanka wax ka tari karto.

5/23/2018 8:32 AM EST
Arbaco, May, 23, 2018 (HOL)–Guddiga difaaca dowlad gobolleedka Puntland ayaa maanta soo saaray amar culus oo intooda badan quseeya dadka taageerada u fidiyay ama wararka maamulka u gudbiya sida hadalka u dhigeen Somaliland.

5/23/2018 7:46 AM EST
Arbaco, May, 23, 2018 (HOL) –Goobjoogayaal ayaa warbaahinta u xaqiijiyay in gudaha Suuqa Bakaaraha ee magaalada Muqdisho iska horimaad ku dhaxmaray ciidamo ka tirsan dowladda iyo afar ruux oo sida la sheegay bastoolado ku hubeysnaa.

5/23/2018 4:51 AM EST
Arbaco, May, 23, 2018 (HOL) –Warar dheeraad ah ayaa ka soo baxaya weerar madaafiic ah oo xalay lagu qaaday saldhig ciidamada AMISOM ay ku lahaayeen deegaanka Ceelasha Biyaha ee dulleedka magaalada Muqdisho.

5/23/2018 1:58 AM EST
Arbaco, May, 23, 2018 (HOL)-Mudanayaasha Baarlamaanka Soomaaliya ayaa maanta oo Arabaco ah qorshuhu yahay in ay ku kulan xarunta Golaha Shacabka iyaga oo ka dooddi doona hindise Sharciyeedyo.

5/23/2018 1:47 AM EST
Arbaco, May, 23, 2018 (HOL)–Madaxwaynaha dalka Mareykanka Donald Trump ayaa sheegay in ay jirto ifa faalo wayn oo muujinaya in uusan qabsoomi doonin kulanka lagu wado in uu dhexmaro isaga iyo hogaamiyaha Kuuriyada Waqooyi.

5/23/2018 1:38 AM EST
Arbaco, May, 23, 2018 (HOL)–Soomaaliya guud ahaan marka la eego xiligan hadal heynta ugu weyn waa duufaanno wata dabeylo xooggan, roobab iyo waliba fatahaadda Wabiga oo ku dhuftay qeybo badan oo mid dalka Soomaaliya.

5/23/2018 1:22 AM EST
Arbaco, May, 23, 2018 (HOL)-Gudoomiyaha guddiga Qaran ee Gurmadka Fatahaadaha ahna Ra’iisul wasaare kuxigeenka xukuumadda Federaalka Soomaaliya Mahdi Maxamed Guuleed (Khadar), ayaa sheegay in kulan ay isugu yimaadeen guddiga iyo guddi ay baarlamaanku usoo magacaabeen la socodka howlaha guddigu qabanayo.