3/29/2024
Today from Hiiraan Online:  _
Wararka Maanta- Arbaco, May 16, 2018
Qiyaastii 1.2 Milyan oo ruux oo ku barakacay fatahaad ku dhufatay qeybo ka mid ah Bariga Africa

 

Arbaco, May, 16, 2018 (HOL) – Qiyaastii 1.2 Milyan oo ruux ayaa lagu waramayaa in ay saameyn adag oo dhinaca nolasha ah ku yeesheen daadad ka dhashay roobab culus oo ka da’ay qeybo ka mid ah dalalka Soomaaliya, Itoobiya iyo Kenya,

Hay’adda World Vision International ayaa sheegtay in daadadka ka dhashay roobabka da’aya saameeyeen guryihii ay ku noolaayeen qoysaskan, goobihii waxbarashada iyo ganacsigii dadweynaha, iyadoo dadka barakacay ay hadda ku jiraan Teendhooyin iyo Baco laga farsameeyay guryo ku yaala dhul sare.

Stephen Omollo, oo ah madaxa World Vision ee Bariga Afrika ayaa sheegay in kooxaha gargaarka deg-degga ah ee hay'adaha samafalka ay wadaan gurmad loo sameynayo dadkan, gaar ahaan wax ka qabashada baahiyaha gaarka ah.

"Iyadoo la adeegsanayo jawaab-celinta daadadka ee dalal badan, waxaan ka shaqaynaynaa xaqiijinta helitaanka cuntada, biyaha, hoyga iyo faya-dhowrka," ayuu yiri Omollo.

Sida laga soo xigtay World Vision, 718,000 qof oo ay saameeyeen dadkan 220,000 ka mid ah waxaa ay ku barakaceen gudaha dalka Soomaaliya Soomaaliya, 170,000 Itoobiya halka 311,000 oo kalena ay ku barakaceen fatahaadaha Kenya.

"Boqolaal kun oo carruur ah ayaa halis dhinaca nolasha ah ku jira, ma heystaan ​​cunto, ma heystaan biyo nadiif ah oo ay cabaan, dugsiyadooda ayaa wax-yeelloobay, waalidkoodna uma heli karaan nolal maalmeedka" ayuu yiri Omollo.

Wuxuu sheegay in hay’adda World Vision ay u qaybinayaan xeryahay ay dadkan ku barakaceen, bustayaal, dhar, qalab wax lagu karsado iyo xirmooyinka nadaafadda ee qoysaska daadadku saameeyeen.

C/raxmaan Diini, Hiiraan Online
[email protected]













Click here
5/16/2018 1:43 PM EST
Arbaco, May, 16, 2018 (HOL)–Dhawaqa Qaraxyo xoogan loo maleynayo in loo adeegsanayo Qoriga hoobiyaha ayaa caawa laga maqlayaa qeybo kala duwan oo magaalada Muqdisho ah.

5/16/2018 10:31 AM EST
Arbaco, May, 16, 2018 (HOL)–Saddexda xisbi Qaran ee Somaliland, ayaa maanta si wada jir ah eedeen usoo jeediyey ciidamada Puntland oo ay sheegeen inay weerareen ciidanka Somaliland.

5/16/2018 9:16 AM EST
Arbaco, May, 16, 2018 (HOL)–Waxaa goor dhaw lagu soo gabagabeeyay magaalada Baydhabo ee xarunta gobolka Baay shirkii madaxda dowlad gobolleedyada dalka.

5/16/2018 7:46 AM EST
Arbaco, May, 16, 2018 (HOL) –Wasaaradda Boostada, Isgaarsiinta iyo Teknoolojiyada ayaa billowday dhismaha Xarunta Is-weydaarsiga Internet-ka (Internet Exchange Point) ee magaalada Muqdisho (MogIX), taas oo fududeyn doonta in shirkadaha bixiya adeegyada internetka ay isku xirmaan, isla markaana isku weydaarsadaan xogtooda.

5/16/2018 6:28 AM EST
Arbaco, May, 16, 2018 (HOL)–Inta la ogyahay 18 ruux ayaa ku dhimatay dad kale oo baddana waa ay hoos xanniban-yihiin kaddib markii ay waddo dhulka ka sarraysa ku duntay magaalada Varanasi ee dalka Hindiya.

5/16/2018 4:17 AM EST
Arbaco, May, 16, 2018 (HOL)–Rasaas aan badneyn ayaa wali laga maqlayaa Aagaga ay isku hor fadhiyaan ciidamada Somaliland iyo kuwa Puntland oo maalintii shalay ku dagaalamay deegaanka Tuka-Raq ee gobolka Sool.

5/16/2018 3:18 AM EST
Muslimiinta dagan Maraykanka ayaa sanadkaan wajahaya in la kala soomo bisha Ramadaan iyadoo aduun waynaha islaamku sheegeen in bisha ay bilaaban doonto Khamiista ayaa xalay fiidnimadii danbe ku dhawaad 11:00 Fiidnimo xiliga Minnesota Culumodiin dagan Magaaladda Califonia ay sheegeen in ay arkeen dhalashada bisha Ramadaan.

5/16/2018 12:50 AM EST
Arbaco, May, 16, 2018 (HOL)–Wasaaradda arrimaha Diinta iyo Awqaafta Xukuumadda Federaalka Soomaaliya ayaa digniin ka soo saartay in maqaayadaha la furo oo cunto lagu kariyo maalinkii oo dadka ay sooman yihiin, inta lagu guda bisha Ramadaan.

5/16/2018 12:36 AM EST
Arbaco, May, 16, 2018 (HOL) – Shirweynaha Qaran ee Daahfurka Dib-u-Eegista Dastuurka, oo ay ka soo qayb galeen qeybo kala duwan ee kala matatalaya Baarlamaanka Jamhuuriyadda Federaalka Soomaaliya, Xukuumadda Jamhuuriyadda Federaalka Soomaaliya, Garsoorka, Guddiga Madaxabannaan ee Doorashooyinka Qaranka, Guddiga Xuduudaha iyo Federaalka, Dowlad Goboleedyada xubnaha ka ah Dowladda Federaalka Soomaaliya, Maamulka Gobolka Banaadir, Dhallinyarada, Haweenka, Bulshada Rayidka, Ururadda Xirfadleyda, Culumaa’udiinka, Qurba-joogta Soomaaliyeed, Dadka Baahiyaha gaarka qaba, Odayaayasha Dhaqanka iyo xubnaha beesha Caalamka waxay ku kulmeen Hotel Royal Palace taariikhda 13ka – 15ka Maajo 2018, Muqdishu – Soomaaliya.

5/16/2018 12:29 AM EST
Arbaco, May, 16, 2018 (HOL)- War qoraal ah oo ka soo baxay wakiilka gaar ah ee Qaramada Midoobey Michael Keating ayaa ku baaqay in sida ugu dhaqsiyaha badan loo joojiyo dagaalka deegaanka Tuka-Raq ee gobolka Sool.