Hiiraan Online
4/28/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Jimco, May 11, 2018
Jubbaland oo qaadacday ka qeyb-galka shirweeynaha Qaran ee Dastuurka
Jimco, May 11, 2018 (HOL) -Shirkan oo looga hadli doono dib u eegista Dastuurka, 13 bishan Maaj-na ka furmi doona Muqdiso ayay wasaaradda cadaaladda, dastuurka iyo arimaha Diinta Jubbaland shaacisay in aysan ka qeyb-gali doonin shirkaasi.
Wasiirka wasaaradda cadaaladda, dastuurka iyo arimaha diinta Jubbaland Dr. Aadam Ibraahim Aw-xirsi oo warbaahinta la hadlay ayaa sheegay in shirkaasi aysan ka qeybgali doonin.
Wasiirka ayaa ka gaabsaday in uu faahfaahin ka bixiyo sababaha aysan shirkaasi uga qeybgaleyn.
Arrintan ayaa imaaneeysa ayadoo mudooyinkii u danbeeyay uu soo ifbaxayay khilaaf siyaasadeed oo u dhexeeya dowladda dhexe iyo qaar kamid ah dowlad goboleedyada.
Madaxweynaha Jubbaland Mudane Axmed Max'ed Islaam oo dhawaan markii uu dib ugu soo laabtay Kismaayo qabtay shir jaraa'id ayaa dowladda ku eedeeyay in aysan ixtiraamin dowlad goboleedyada, isagoo madaxda dowladda ugu baaqay in ay ilaaliyaan xuquuqda dastuuriga ah ee ay leeyihiin dowlad goboleedyada dalka ka jira.
Xasan Nuur, Hiiraan Online
[email protected]
Kismaayo-Soomaaliya.