3/28/2024
Today from Hiiraan Online:  _
Wararka Maanta- Jimco, Mar 9 , 2018
Ra’iisal wasaare ku-xigeenka Soomaaliya oo shir caalami ah uga qeybgalaya dalka India

 

Jimco, Maarso, 09, 2018 (HOL) - Ra’iisul wasaare ku-xigeenka dalka Mahdi Maxamed Guuleed iyo wafddi uu hoggaaminayo ayaa safar shaqo ugu ugu anbabaxay dalka India, halkaasi oo ay uga qeyb galayaan shir caalami ah oo ku saabsan ka faa’idaysiga Khayraadka Tamarta dabiiciga ah.

Wafdiga Ra’iisul wasaare ku-xigeenka dalka waxaa ka mid ah xubno ka kala tirsan Barlamaanka Federaalka Soomaaliya iyo Wasaaradda arrimaha dibedda.

Ra’iisal wasaare ku-xigeenka Soomaaliya ayaa magaalada New Delhi ee Dalkaasi India uga qayb galaya shir caalami ah oo looga hadlayo ka faa’iidaysiga Tamarta cadceeda, kaas oo ay wada jir u soo agaasimeen dalalka Hindiya iyo France.

Mudane Mahdi Maxamed Guuleed oo sii maray magaalaada Nairobi ee dalka Kenya ayaa halkaasi kula kulmay danjiraha India ee Soomaaliya, iyagoo ka wada hadlay xoojinta xiriirka labada dal iyo iskaashiga dhinaca horumarka.

Wuxuu ra’iisul wasaare ku-xigeenka uu u sheegay safiirada in Soomaaliya xilligan ay tahay dal nabdoon oo xasiloon, kana soo kabanaya colaado sokeeye iyo mid Argagixiso.

“Dunida xilligan waxa ay ku soo hiran kartaa Soomaaliya, xukuumadda uu hoggaamiyo Ra’iisul wasaare Xassan Cali Khayre waxaa ka go’an xoojinta dhanka Amniga iyo Iskaashiga, si loo gaaro horumaro ballaaran” ayuu yiri ra’iisal wasaare ku-xigeenka.

C/raxmaan Diini, Hiiraan Online
[email protected]













Click here
3/9/2018 2:01 PM EST
Jimco, Maarso, 09, 2018 (HOL) - Dowladaha Soomaaliya iyo Pakistan ayaa kala saxiixday Is-fahan (MOU) kaasi oo ku saabsan sidii dowladda Pakistan ay Soomaaliya uga caawin lahayd dhinacyo badan oo ay ugu horeyso dhanka Teknoloojiyada, iyadoo munaasabadii heshiiska ay goob joog ka ahaayeen ra’iisul wasaaraha Pakistan iyo mas’uuliyiin kale oo ka tirsan Wasaaradda Arrimaha gudaha.

3/9/2018 9:23 AM EST
Jimco, Maarso, 09, 2018 (HOL) - Madaxwaynaha dalka Kenya iyo hogaamiyaha mucaaradka ayaa balanqaaday in ay bilaabayaan geedi socod dib u heshiisiin ka dib doorashadii sida kulul loogu tartamay sanaddii aanu soo dhaafnay.

3/9/2018 7:01 AM EST
Jimco, Maarso, 09, 2018 (HOL)–Madaxweyne kuxigeenka 2-aad ee Jubbaland Mudane C/qaadir Xaaji Max'uud (Lugadheere) oo khudbad ka jeedinayay xafladdii dabaaldegga maalinta haweenka adduunka ee 8-da Maarso ayaa ku amray shirkadaha isgaarsiinta iyo kuwa xawilaadaha in ay shaqaaleeysiiyaan dumarka.

3/9/2018 4:23 AM EST
Jimco, Maarso, 09, 2018 (HOL)-Maamulka gobolka Banaadir ayaa sheegay in ciidamada booliska ay gacanta ku soo dhigeen dad looga shakisan yahay inay ka dambeeyeen dilkii xalay ka dhacay Xamar Weyne.

3/9/2018 2:24 AM EST
Jimco, Maarso, 09, 2018 (HOL)–Hay’adda Isgaarsiinta Qaranka ayaa si rasmi ah ula soo wareegtay Astaanta Qaranka ee Internetka Soomaaliya (dotSO) oo ay maamuli jirtay hay’ad ka madax banaan Dowladda, balse wixii hadda ka dambeeya lagu soo wareejiyay Hay’adda Isgaarsiinta Qaranka oo mas’uul ka ah maamulka Astaanta qaranka sida uu qorayo qodobka 54aad ee Sharciga Isgaarsiinta Qaranka

3/9/2018 2:07 AM EST
Jimco, Maarso, 09, 2018 (HOL)–Madaxweynaha Dowlad Goboleedka Hirshabelle Maxamed Cabdi Waare ayaa Magaalada Jowhar ee Xarunta Maamulkaasi ku qaabbilay Saraakiil ka tirsan Qaramada Midoobay oo booqasho ku tagay Johwar.

3/9/2018 1:08 AM EST
Jimco, Maarso, 09, 2018 (HOL)–Iyadoo uu soo ifbaxayo khilaaf soo kala dhaxgalay dowladdaha Soomaaliya iyo shirkadda DP World ayeey dowladda Soomaaliya waxaa ay qoraal Ashtako ah dirtay Ururka Jaamacada Carabta.

3/9/2018 12:47 AM EST
Jimco, Maarso, 09, 2018 (HOL)-Dawladda Maraykanka ayaa Liiska Argagixisada ku dartay Laba xubnood oo kale oo ka tirsan taliyayaasha Ururka Al-Shabab.