Wararkii ugu danbeeyay Muqdisho iyo aragtida dadku ka qabaan go’aankii madaxweynaha uu qaatay kulankii Baarlamaanka
Sabti, Maarso, 31, 2018 (HOL) –Dadka reer Muqdisho ayaa siyaabo kala
duwan uga hadlaya go’aankii madaxweynaha dowladda Soomaaliya Maxamed
Cabdullaahi Farmaajo uu ka qaatay kulankii maanta la filayay in ay yeesheen
xildhibaannada Golaha Shacabka oo ahaa mid xasaasi ah oo dadka siweyn isha ugu
wada hayeen.
Aragtiyo kala duwan ayaa laga
bixinayaan si deg deg ah ah ee uu madaxweyuhu u soo faragaliyay xaalada, iyadoo
dadka qaar u fasirayaan in madaxweynuhu dib u eegey saameynta uu yeelan karay kulanka maanta oo dad badan u
arkayeen uu ahaa mid halis siyaasadeed ku keeni karay guud ahaanba dalka.
Dadka reer Muqdisho oo saakay
ku soo toosay ciidamo taagan dhamaan isgoyska caasimada, ayaa mar kaliya uun ka
war helay war ku saabsan in madaxweynuhu dib u dhigay kulanka, taasoo keentay
in dhaqdhaqaaqi magaalada iyo isku socodkii dadweyuhu dib u soo laabto.
Xaaladu hadda waa ay degan
tahay hasse ahaatee wali lama hayo war ku saabsan tallaabada xigta iyo halka
looga dhaqaaqayo marxalada hadda taagan ee ah
mooshinka ka dhanka ah guddoomiyaha Golaha Shacabka.
Hasse ahaatee dad badan ayaa
qaba in go’aanka madaxweynuhu uu ku baajiyay kulanka uu muuqaal guud ka
bixinayo in marka madaxdu diyaar u tahay dhameynta khilaafkan oo muddaba soo
jiitamay si markii dib loogu bilaabo howlihii dowladda oo maalmihii ugu
danbeeyayba hakad ku jiray.
C/raxmaan Diini,
Hiiraan Online
[email protected]