9/28/2021
Today from Hiiraan Online:  _
Wararka Maanta- Sabti, Mar 3 , 2018
Kenya oo lagu eedeeyay in ay burburisay xaruntii isgaarsiinta Hormuud ee degmada CeelWaaq

 

Sabti, Maarso, 03, 2018 (HOL) – Saraakiisha gobolka Gedo ayaa ku eedeeyay ciidamada Kenya in ay burburiyeen xaruntii Isgaarsiinta Hormuud Telecom ee deegaanka Dhamase oo qiyaastii 60KM u jira degmada Ceelwaaq.

Col. Aadan Xirsi Rufle oo ka tirsan Saraakiisha ciidanka xoogga dalka ayaa xaqiijiyay in ciidamada Kenya ay miinooyin ku xireen xaruntan, isla markaana ay gebi ahaanba dhulka la simeen.

“Waxaa Burburay Dhismihii Isgaarsiintii dhexe ee Dhamase oo xiriirineysay degmooyinka Baladxaawo iyo Ceelwaaq, sidoo kale waxa ay amar ku bixiyeen in la damiyo Xaruntii Isgaarsiinta Hormuud ee Buusaar oo xiriirineysay degmooyinka Ceelwaaq iyo Baardheere, waxaa kaloo la damiyay Isgaarsiintii Ceelcade oo isku xireysay degmooyinka Garbahaareey iyo Ceelwaaq” sidaas waxaa yiri Col Aadan Xirsi Rufle.

Col. Rufle ayaa sheegay inay go’doonsan yihiin kumanaan qof oo Soomaaliyeed oo ku nool Gobolka Gedo, kuwaasoo Noloshooda ay ku tiirsaneyd Isticmaalka Adeega EVC Plus-ka ee ay bixiso Shirkadda Hormuud Telecom.

Dhowr jeer oo hore ayay Ciidamada Kenya u burburiyeen dhowr xarumood oo shirkadda Isgaarsiinta Hormuud ku leedahay deegaano ka mid ah gobolka Gedo, sida deegaanada Khadiijo Xaaji, Ceelbaande iyo Dhegalaab oo dhammaan ka wada tirsan Gobolka Gedo.

Ciidanaka Kenya ayaan weli ka hadlin sababta ay u bartilmaameedsanayaan Isgaarsiinta Gobolka Gedo, waxaase arrintan jab ku ah shuruucda caalamiga ah, maadaama ay tahay Hay’ad rayid ah oo ka shaqeysa adeeg bulsho.

Mustafa Hussein
[email protected]













Click here
3/3/2018 9:19 AM EST
Sabti, Maarso, 03, 2018 (HOL) -Wasiirka Warfaafinta iyo Wacyigalinta Somaliland C/raxmaan Guri barwaaqo, ayaa ka jawaabay hadal ka soo yeedhay Ra’isal wasaaraha Soomaaliya Xasan Khayre oo ka hor yimid heshiishka saddex geesoodka ah ee Somaliland, Itoobiya iyo DP Wolrd ee lagu maalgalinayo dekadda Berbera.

3/3/2018 8:32 AM EST
Sabti, Maarso, 03, 2018 (HOL) -Dadkan maanta u fariistay Imtixaanka ayaa isugu jira rag iyo dumar, kuwaa oo u tartami doona boosaska shaqaale gaaraya 10 qof oo ay wasaaradda gaadiidka iyo duulista hawada Soomaaliya qorsheeyneyso in ay tababar ugu dirto dalka Turkiga si ay usoo qaataan tababarro ku saabsan duulista hawada.

3/3/2018 6:22 AM EST
Sabti, Maarso, 03, 2018 (HOL)-Xog-hayaha Arrimaha Dibadda Mareykanka Rex Tillerson ayaa booqasho ku kala bixin doona dalal ka tirsan Qaaradda Afrika, si uu u xoojiyo cilaaqaadka iyo iskaashiga Mareykanka la leeyahay Afrika.

3/3/2018 4:06 AM EST
Sabti, Maarso, 03, 2018 (HOL)–Ciidamada dowladda Soomaaliya ayaa maanta howlgallo waxa ay ka wadaan degmada Afgooye ee gobolka Shabeelaha Hoose sida ay warbaahinta u sheegeen dadka degmada.

3/3/2018 3:08 AM EST
Sabti, Maarso, 03, 2018 (HOL) -Tartankan oo ay iska kaashadeen wasaaradda dhalinyarada iyo cayaaraha Jubbaland iyo hay'adda Qaramada Midoobay u qaabilsan badbaadada carruurta ee (Save The Children) ayaa waxaa ku loolamaya ilaa 14 Iskuul oo kamid ah iskuulaadka sare ee Kismaayo.

3/3/2018 12:59 AM EST
Sabti, Maarso, 03, 2018 (HOL)-Madaxweynaha Soomaaliya Maxamed Cabdullaahi Farmaajo ayaa shir gaar ah la yeeshay Madaxweyne Kuxigeenka Koowaad ee Burundi Mudane Gaston Sindimwo oo ka qeyb galayey shirka dalalka ciidamadooda joogaan Soomaaliya (AMISOM).

3/3/2018 12:49 AM EST
Sabti, Maarso, 03, 2018 (HOL)-Dowladda Burundi ayaa xaqiijisay in ku dhawaad 5 Askari looga dilay weerarkii shalay Al-Shabaab ay ku qaadeen degmada Balcad ee gobolka Shabeelaha Dhexe.

3/3/2018 12:38 AM EST
Sabti, Maarso, 03, 2018 (HOL)-Ra’iisal wasaaraha Soomaaliya Xasan Cali Khayre ayaa sheegay dhowaan magaalada Muqdisho in ay ka bilaaban doonaan Howlgallo culus oo ammaanka lagu sugayo.

3/3/2018 12:27 AM EST
Sabti, Maarso, 03, 2018 (HOL) - Shirka Madaxda Dalalka Ciidamadoodu ka joogaan Soomaaliya (AMISOM) iyo Dowladda Federaalka Soomaaliya ayaa ka dhacay 2-da Maarso 2018 magaalada Kampala ee Uganda, waxaana martigeliyey Madaxweynaha Uganda Mudane Yoweri Kaguta Musaveni.