Axad, Maarso, 25, 2018, (HOL) – Ugu yaraan Shan
ruux oo ay ka mid ahaayeen Askari ka tirsan ciidamada dowladda iyo qof
ismiidaamiye ah ayaa ku dhintay Qarax galabta ka dhacay Isgoyska
Sayidka magaalada Muqdisho.
Goob jooge ayaa sheegay in Qaraxan uu dhacay xili
ciidamada ku sugnaa Isgoyska ku howlanaayeen baaritaanka gadiidka Waddadaasi
isticmaala, waxaana la sheegay in Askariga dhintay uu waqtiga ku guda-jiray
baarista gadiid uu ka mid ahaa gaariga is qarxiyay.
Toddobaadkii hore ayeey
ahayd markii qarax ka dhacay agagaarka
Hoteelka Weheliye ay ku nafaayeen dad ka badan 17 qof.
Qaraxan galabta ka dhacay Muqdisho ayaa lagu soo
beegay isla maanta markii uu Qaraxa kale ka dhacay dulleedka Muqdisho kaddib
markii gaari ay daba joogeen ciidamada Booliiska uu ku qarxay meel aan ka
fogeyn degmada Kaxda.
Ciidamada dowladda ayaa heegan buuxa ku jira,
waxaana lagu arkayaa dhamaan isgooysyada caasimada iyo koontaroolada ka baxsan
ciidamo si gaar ah ula socda dhaqdhaqaaqa gadiidka, walow haddana dhinaca kale
ay sii socdaan Qaraxyada.
C/raxmaan Diini,
Hiiraan Online
[email protected]