Xisbiga WADDANI oo soo jeediyey in la kala diro Guddida doorashooyinka Somaliland
Khamiis, Maarso, 22, 2018 (HOL) - Xisbiga mucaaradka ah ee WADDANI ayaa
sheegay in kalsoonidii kala noqday Guddida doorashooyinkii Somaliland,isla
markaana soo jeediyey in la kala diro komishankaasi.
Gudoomiyaha
Mucaradka ah ee WADDANI C/raxmaan Maxamed C/laahi Cirro ayaa sheegay in qoraal
ay kaga hadlayeen dhaliilihii ay ku arkeen doorashooyinkii dhacay ay u
gudbiyeen madaxweynaha Somaliland.
“Inaan
idinku wargaliyo in madaxweynaha Somaliland u gudbinay qoraal aan ku soo
ururinay dhaliilihii doorashadda madaxtooyadda ee dalka ka qabsoontay bishii
November 13-keeddii,2017, iyo gefafkii laga galay xeerarka diiwaanglinta iyo
doorashooyinka, waxaad ka war qabteen in xisbiga WADANI bilowgii uu muujiyey
sida loo maamulay doorashadii iyo natiijaddii uu komishanku ka soo
saaray laakiin xisbiga WADDANI ku liqay tudhaale uu u qabo
dadkiisa.”ayuu yidhi Gudoomiye Cirro
Waxaanu
intaas ku daray “Qoraalkaasi aan saaka gudbinay waxa uu xisbiga WADDANI ku
muujiyey in aan wax kalsooni oo doorasho dambe ku qabto komishanka
doorashooyinka waxaanu codsaday in komishanka la kala diro, komishan cusubna si
dhakhso ah loo dhiso, si doorashooinkii soo socdaana wakhtigoodii u qabsoonto.”
Dhinaca
kale, Xisbiga mucaaradka ah ee UCID Eng;Faysal Cali Waraabe ayaa isagu sheegay
in aanu arrintaasi la qabin,isla markaana xusay in aanu jirin khalad ka dhacay
doorashadda oo lagu qanci karo.
Faysal
Cali Waraabe oo arrintaasi ka hadlaya waxa uu yidhi “ markii tirada socotay
ayey ahayd inay sheegaan oo ay tilmaamaan wixii khalad ah ee jira , hadii ay na
taabsiiyaaan wixii khalad ah ee jira anaguba maanu ogalaanayn in lagu dhowaaqo
natiijadda, laakiin maanta in la sheego waxa ka muuqda habsan badan, marka wax
la bedelayaa ma jirto ee baarlamaanka iyo dawladaha hoose ayaa la bedelayaa.”
Barkhad-ladiif M. Cumar, Hiiraan Online
[email protected]
Hargeysa, Somaliland