5/18/2021
Today from Hiiraan Online:  _
Wararka Maanta- Arbaco, Mar 21, 2018
Guddiga joogtada ee Aqalka sare oo war ka soo saaray khilaafka Golaha Shacabka


 

Arbaco, Maarso, 21, 2018 (HOL) – Guddigii loo saaray xalinta khilaafka Golaha Shacabka ayaa maanta soo saaray go’aano dhowr qodob ka kooban, kaddib markii ay la kulmeen dhinacyada uu khilaafka u dhaxeeyo iyo Madaxda dowladda sida madaxweynaha iyo ra’iisal wasaaraha.

Waxaa ay sheegeen in ay la kulmeen Guddoomiye Jawaari iyo Guddoomiye kuxigeenka labaad Mahad Cawad, iyagoo kala hadlay arrinta khilaafka, islamarkaana ugu dambeyn ku qanciyeen guddoomiyaha in uu aqbayo mooshinka.

Guddiga ayaa soo saaray qodobadan :

1. Gudiga waxaa uu ka codsanayaa labada dhican ee qilafka soo kala dhaxgalay ee Golaha Shacabka in ay joojiyaan dhamaan ololayaasha siyaasadeed iyo fariimaha ay warbaahinta ay isku waydaarsanayaan inta xal laga gaarayo arrimaha kale ee qilaafka.

2. Gudiga waxaa ay soo dhaweynayaa Aqbalaada Gudoomiye Jawaari uu Aqbalay 03/18/2018 sharciyada Mooshinka Khilaafka dhaliyay

3. Gudiga waxaa uu ugu Baaqayaa Gudoonka Golaha Shacabka in la qabto Shirka Gudiga joogtada ah sida ugu dhaqsiyaha badan si loo Agaasimo Habraaca Mooshinka ka yaalo Gudoomiyaha Golaha Shacabka

4. Gudiga Aqalka sare ee ka qeyb qaadanayo Xalinta Khilaafka Golaha Shacabka waxaa uu bala qaadayaa in uu diyaar u yahay in uu kor jooge ahaan uga qeyb qaato shirka gudiga guurtada

5. Gudiga waxaa uu soo jeedinayaa in Mooshinka Maamulkiisa loo maro si Waafaqsan Qodobka 65aad Farqadiisa 4aad Dastuurka Soomaaliya iyo qodobka 9aad Farqadiisa 4aad ee Xeer Hoosaadka Golaha Shacabka ee Baarlamaanka Soomaaliyeed.

Ilyaas Axmed Cilmi, Hiiraan Online
Mogadishu, Somalia












Click here
3/21/2018 4:03 PM EST
Arbaco, Maarso, 21, 2018 (HOL) – Taliyaha Militariga Soomaaliya Sareeye Gaas Cabdiwali Jaamac Xusseen Gora doo ka hadlay iska horimaad maanta ka dhacay magaalada Muqdisho ayaa waxba kama jiraan ku tilmaamay in ay jiraan ciidamo lagu magacaabo ku Imaaraadka oo ka howlgala magaalada Muqdisho.

3/21/2018 12:21 PM EST
Arbaco, Maarso, 21, 2018 (HOL)-Wasiirka Maaliyadada Dowlada Goboleedka Hirshabelle Maxamed Maxamuud Cabdulle (Max’ed Dheere) oo wareysi gaar ah siiyay Hiiraan Online ayaa ka war bixiyay arrimo badan oo Dhinaca Maaliyad ah ee Maamulka Hirshabelle.

3/21/2018 11:48 AM EST
Arbaco, Maarso, 21, 2018 (HOL)-Baarlamaanka reer Yurub ayaa shalay waxaa ay dhageysteen warbixin iyo marag fur ku aadan xadgudubyada ka dhan ah xuquuqul insaanka ee ka dhaca Soomaaliya, gaar ahaan kuwa loo geysto suxufiyiinta Soomaaliyeed, xoriyatul qowlka, iyo xoriyada in muwaadiniinta sameystan ururo madax-banaan isla markaana ay u shiri karaan si xor ah oo aan laga hor istaagin.

3/21/2018 9:22 AM EST
Arbaco, Maarso, 21, 2018 (HOL)–Shirgudoonka golaha Wakiiladda Somaliland ayaa golahoodda ugu yeedhay wasiirka warfaafinta ee laga cabanayo buugga uu qoray iyo dadka muduciga ku ah ee buugaasi ka soo horjeedda.

3/21/2018 7:51 AM EST
Arbaco, Maarso, 21, 2018 (HOL)-Suuqyadda magaaladda Hargeysa waxa ka jira jahawareer uu sababay lacagtii Mobiladda ee loo bedelay Shiling Somaliland ka dib markii dadkii ganacsatadda diideen in wax lacag ah dadka kaga iibiiyaan lacagta Mobile-ka.

3/21/2018 6:22 AM EST
Arbaco, Maarso, 21, 2018 (HOL)-Diyaaradaha dagaalka Mareykanka ayaa lagu waramayaa in ay duqeyn ka geysteen gobolka Shabeellaha hoose waxaa lagu waramayaa in ay ku dileen labo xubnood oo ka tirsanaa Ururka Al-shabaab.

3/21/2018 5:21 AM EST
Arbaco, Maarso, 21, 2018 (HOL)-Gudoomiye ku-xigeenka koowaad ee Golaha Shacabka Cabdiwali Sheekh Ibraahim Muudeey ayaa u yeeray xildhibaannada Soomaaliya ee ku maqan dalka dibediisa, iyadoo dhawaan la filayo in loo codeeyo mooshinka ka dhanka ah guddoomiyaha Baarlamaanka.

3/21/2018 3:36 AM EST
Arbaco, Maarso, 21, 2018 (HOL)– Warar dheeraad ah ayaa ka soo baxaya iska horimaadka ka dhacay Agagaarka Tarbuunka degmada Hodan ee gobolka Banaadir oo u dhaxeeya ciidamo ka kala tirsan nabad-sugida iyo ciidamada uu tababaro Imaaraadka.

3/21/2018 3:07 AM EST
Arbaco, Maarso, 21, 2018 (HOL)– Rasaas culus oo u muqata in leys weydaarsanayo ayaa waqtiga laga maqlayaa Agagaarka Tarbuunka degmada Hodan ee gobolka Banaadir.

3/21/2018 2:11 AM EST
Arbaco, Maarso, 21, 2018 (HOL)–Xubnaha guddiga joogtada ah ee Aqalka sare ayaa maanta lagu wadaa in ay warbixin ka dhageystaan guddi dhawaan loo saaray xalinta khilaafka ka dhax oogan baarlamaanka Soomaaliya.

3/21/2018 1:37 AM EST
Arbaco, Maarso, 21, 2018 (HOL)– Wafdi ka socda hay’adda socdaalka u qaabilsan Qaramada Midoobey ee IOM ayaa booqday xarumaha lagu dhaqan celiyo xubnaha ka soo goosta Al-shabaab.

3/21/2018 1:25 AM EST
Arbaco, Maarso,21,2018(HOL)–Guddoomiye ku-xigeenka maamulka iyo maaliyada gobolka Shabeellaha hoose Cabdifitaax Cabdulle ayaa sheegay in howlgal ay sameeyeen ciidamada lagu soo qabtay labo saraakiil oo ka tirsanaa Al-shabaab.

3/21/2018 1:05 AM EST
Arbaco, Maarso, 21, 2018 (HOL) –Sarkaal Maxamed Nuur oo ka tirsanaa Booliiska magaalada Minneapolis ayaa Talaadadii shalay loo xirey in uu ula kac dilay Justine Damond oo aheyd Haweeney u dhalatay dalka Australia, nin ay saaxiibo ahaayeena kula nooleyd Magaalada Minneapolis.