Jimco. Maarso, 02, 2018 (HOL)-Garoonkii ugu horeyay oo ay dhisteen maamulka iyo dadka ku nool degmada Jalalaqsi ee gobolka Hiiraan oo gacan ka helaayo ciidamada nabad ilaalinta AMISOM gaar ahaan kuwa dalka Jabuuti ayaa laga hergaliyay degmada.
Dhismaha garoonka diyaaradaha
ayaa yimid kadib markii xoogaga Al-shabaab ay godoomiyeen dagmada Jalalaqsi
waxaana intaa kadib ay bilaabeen dadka degaanka iyo maamulka oo
gacan ka helaayo ciidamada Jabuuti oo ka howlgalo degmada Jalalaqsi ee gobolka Hiiraan
.
Diyaaradan oo
aheyd diyaaradaha qaada rakaab tiradooda ay gaareyso ilaa 50 ayaa waxay ka
duushay garoonka diyaradaha magalada Muqdisho, waxaana halkaas ay geysay rakaabkii ugu horeyay oo shacab ah kuwaas oo dhinaca ka dega degmada Jalalaqsi.
Qaar ka mid ah
rakaabkii saarnaa diyaaradii tagtay degmada Jalalaqsi ayaa siweyn
uso dhaweyay dulimaadka cusub ee ka bilaawday degmada Jalalaqsi ee gobolka Hiiraan.
Cumar Cabdi Maxamed oo ka mid ah rakaabkii maanta lagu bilaabay dulimaadka cusub ee ka
bilaawday Jalalaqsi ayaa shegeay in uu in muda ah ka maqnaa
dagmadiisa balse uu maanta dib ugu so laabtay cumar ayaa intaa
raaciyay in ay farxad u tahay shacabka ku nool Jalalaqsi ee Gobolka Hiiraan.
Gudoomiyaha
degmada Jalalaqsi Maxamed Cabdulle Fiidoow oo goob-joog ka ahaa dulimaadkii ugu
horeyay ee ka bilaawday garoonka diyaradaha Jalalaqsi ayaa shegay in ay
ka baxday godoonkii sarnaa mudo ka badan 3 sano.
Dulimaadkan
cusub ee ka bilaawday degmada Jalalaqsi waxaa uu dhiiri-gilinayaa shacabka iyo
hayada samafalka oo horay dhib ugu qabay tagista magalada Jalalaqsi
oo aheyd mid ay go doomiyeen Xarakada Al-shabaab oo sanado kahor laga
saaray degmada’’ayuu yiri gudoomiye Fiidoow,
Jalalaqsi waa magaalo
ay xiran yahiin wadooyinka soo gala iyo kuwa ka baxo degmadaasi waxaana tani sahleysa
in gar gaar la gaarsiiyo shacabka ku nool degmada Jalalaqsi ee gobolka Hiiraan.
C/raxmaan Diini,
Hiiraan Online
[email protected]
