Isniin, Maarso, 19, 2018 (HOL) – Faah faahin
dheeraad ah ayaa ka soo baxaya Dab khasaare xoogan geystay oo ka kacey guri ku
yaala degmada Yaaqshiid ee gobolka Banaadir, kaa oo sababay geerida Hooyo
Soomaaliyeed iyo 5 carruur ah oo ay dhashay.
Guddoomiye ku-xigeenka Amniga iyo Siyaasada
maamulka gobollka Banaadir Maxamed Cabdullaahi Tuulax ayaa warbaahinta u
sheegay in ay u gurmadeen guriga, hasse ahaatee nasiib darro ay geeriyoodeen
dhamaanba dadkii degenaa.
Aabaha dhaley carruurta ku geeriyootay dabka ayaa la sheegay in uu waqti
danbe ku baraarugay dabka qabsaday guriga, isaga oo markiiba isku dayay in uu
ka saaro qoyska intiisa kale oo ay ugu horeysay hooyada carruurta dhashey, balse
Hooyada ayaa la sheegay in ay ka diidey iyada oo isku dayeeysa in ay guriga
ka saarto carruurta taasoo keentay in ay ku wada geeriyoodaan.
Ilaa iyo hadda lama oga sababta ka danbeysa dabka balse waxaa u soo gurmaday dadkii deriska la ahaa qoyska waxaana sidoo kale ka qeybgalay deminta
dabka gaadiidka dab-demiska ah ee maamulka gobolka Banaadir.
C/raxmaan Diini, Hiiraan Online
[email protected]
