4/11/2021
Today from Hiiraan Online:  _
Wararka Maanta- Sabti, Mar 17, 2018
Guddida kor u qaadidda Shiling Somaliland “Adeega isku bedelka lacagta mobileka dhexdiisa maanta ugu dambaysay”


 

Sabti, Maarso, 17, 2018 (HOL) - Guddida tayeynta shilinka Somaliland iyo la tacaalidda sicir bararka ayaa sheegay in mudadii dheeraadka ahaa ee la siiyey shirkadaha Isgaadhsiinta ee bixiya adeega lacagta lagu shubto Mobile-ka in boqol dollar wax ka yar aan adeegaasi lagu isticmaalin ay kaga eegtahay caawa 12-ka habeenimo.

Guddidan ayaa sheegay in wixii maanta ka dambeeya aanu shaqayn doonin boqol doolar wixii ka yar iyo in Mobileka laga dhex sarifto lacagta dollar ah ee ku jirta, taas oo shirkada Telesom bilowday adeeg cusub oo ay ku bedeshay isticmaalkii dollar oo ay ka dhex furtay sarifle Mobile-ka dhexdiisa, taas oo lacagtii doolar ee kugu jirtay mobileka aad ku sarifanayso mobileka dhexdiisa oo Shiling Somaliland wax ku iibsanayso, haseyeeshee adeegaasi cusub waxa ka qayiliyey ganacsatada yaryar ee sarifka ka shaqaysto oo u arkay inay meesha ka baxayan hadii adeegaasi loo fasaxo shirkadda Telesom, taasina waxay keentay in gabi ahaanba sarifkaasi laga joojiyey oo shirkadaha waaweyni aanay waxba sarifin, islamarkaana boqol doolar wax ka yar aan lacagta Mobile lagu isticmaali Karin.

Guddidan ayaa hore muddo 45 cisho ah ku siiyey in lagu joojiyo lacagta Mobileka lagu shubto boqol doolar wax ka yar, waxaanay mudadaasi ku eekeed march 13-keedii, haseyeeshee afar cisho ayey mar kale dalbadeen shirkaduhu in loogu daro si dadkii lacagta ugu jirtay u siin lahaayeen, waxaanay afartaasi cisho kaga eeg tahay caawa 12-ka habeneimo.

“Adeega isku bedelka lacagta mobileka dhexdiisa maanta ugu dambaysay, wixii maanta ka dambeeya go’aamadu waxay u fuliyaan sidii hore, guddidu iyagoo hawshoodii sii wadatay waxay ganacsatada iyo shacabka ugu baaqyaan inay isticmaalaan shilinkoodda oo uu noqdo waxa wax lagu qiimaynayaa shilingka Somaliland”ayuu yidhi wasiirka Isgaadhsiinta Abdiweli Suufi oo ka tirsan guddidan.

Gudidan ayaa sheegay in sicir bararka iyo qiimo dhaca lacagta Somaliland ay sabab u tahay isticmaalka wadanka dhexdiisa ee lacagta Doolar ah ee lacagtga Mobileka lagu shubto, waxaana la go’aamiyey in boqolka dollar wixii ka yar gabi ahaanba laga joojiyey wadanka si loo dhiirigaliyo shilling Somaliland.

Barkhad-ladiif M. Cumar, Hiiraan Online

[email protected]

Hargeysa, Somaliland.












Click here
3/17/2018 2:17 PM EST
Sabti, Maarso, 17, 2018 (HOL)–Hey’adda Culimada Soomaaliyeed ayaa bayaan ka soo saartay khilaafka siyaasadeed ee u dhaxeeya Baarlamaanka iyo Xukuumadda, iyadoo ku baaqday inay diyaar u yihiin inay dhex dhexaadiyaan dhinacyada khilaafka u dhaxeeya.

3/17/2018 10:24 AM EST
Sabti, Maarso, 17, 2018 (HOL)–Magaalada Muqdisho waxaa maanta kulan ku yeeshey xildhibaannada mooshinka ka keenay guddoomiyaha Golaha Shacabka, waxaana kulankaa qeyb ka ahaa Wasiiro ka tirsan xukuumadda uu hogaamiyo ra’iisal wasaare Xassan Cali Kheyre.

3/17/2018 9:07 AM EST
Sabti, Maarso, 17, 2018 (HOL)-Maalmihii u dambeeyey waxa jiray Buuq ka dhashay gabay ku jiray buug uu qoray wasiirka Warfaafinta Somaliland C/raxmaan Gurey Barwaaqo oo toddobo sanno ka hor buug uu daabacay.

3/17/2018 8:25 AM EST
Sabti, Maarso, 17, 2018 (HOL)-Aqalka sare ayaa goor dhaw guddi u saaray khilaafka ka dhax taagan Golaha Shacabka kaddib Mooshin laga keenay guddoomiyaha Baarlamaanka Soomaaliya.

3/17/2018 5:59 AM EST
Sabti, Maarso, 17, 2018 (HOL)-Ragga maxkamada la hor keenay oo kala ah Maxammed Cabdiraxmaan Maxmuud,Jamaal Maxammed Cali Cabdi iyo Axmed Aadan weerar Dhagaxow,ayaa ku eedeysan in ay ka tirsan yihiin Ururka Al-shabaab.

3/17/2018 5:40 AM EST
Sabti, Maarso, 17, 2018 (HOL)-Ku dhawaad ilaa 100 Askari oo ka tirsan Howlgalka Midowga Africa ee AMISOM ayaa lagu wareejiyay Sugida Amaanka dhismaha Xarunta Golaha Shacabka Soomaaliya.

3/17/2018 4:59 AM EST
Sabti, Maarso, 17, 2018 (HOL)-Rag hubeysan ayaa goor dhaw magaalada Muqdisho ku toogtay Nabadoon Axmed Cabdulle Jimcaale oo ka mid ah Nabadoonnada siweyn looga garanayo guud ahaan gobolka Hiiraan.,

3/17/2018 2:40 AM EST
Sabti, Maarso, 17, 2018 (HOL) – War ka soo baxay Qaramada Midoobey, Midowga Yurub, Midowga Afrika, Jaamacadda Carabta, Talyaaniga, Mareykanka, Ingiriiska, Sweden iyo Itoobiya waxay walaac xooggan kaga muujiyeen xiisada siyaasadeed ee ka soo cusboonaatay Soomaaliya.

3/17/2018 1:56 AM EST
Sabti, Maarso,17,2018 (HOL)–Guddoomiyaha Baarlamaanka Soomaaliya Prof Maxamed Cismaan Jawaari oo ay Mooshin ka keeneen tiro ka badan 100 xildhibaan ayaa sheegay in sharci ahaan uu jabey Mooshinkii la soo gudbiyay, laakiin isaga oo u daneynaya badbaadinta Golaha Shacabka ogolaanayo in xildhibaannada ka soo horjeeda soo dhameystiraan xubnaha ka dhiman si uu sharci u noqdo mooshinka.

3/17/2018 1:47 AM EST
Sabti, Maarso, 17, 2018 (HOL)–Taliska ciidamada xoogga dalka Soomaaliyeed ee gobolka Hiiraan ayaa faahfaahin ka bixiyay dagaal culus oo ciidamada dowladda iyo Al-Shabaab ku dhexmaray deegaanno ka tirsan gobolka Hiiraan.

3/17/2018 1:38 AM EST
Sabti, Maarso, 17, 2018 (HOL) – Iyadoo aad moodo in ay cirka isku shareertey xiisada siyaasadeed ee Baarlamaanka Soomaaliya iyo Xukuumadda ayeey ugu baaqeen xildhibaanno ka tirsan Golaha Shacabka madaxweynaha Soomaaliya Maxamed Cabdullaahi Farmaajo in uu deg deg arinta u soo faragaliyo.

3/17/2018 1:26 AM EST
Sabti, Maarso, 17, 2018 (HOL) - Wasaaradda Amniga Gudaha ee Xukuumadda Soomaaliya iyo Taliska Booliska oo ka hadlay la wareegista xarunta golaha shacabka ayaa sheegay in ciidamo booliis ah ku xoojiyeen oo kaliya ciidamadii horey horey u sii jooogay, iyaga oo meesha ka saaray in ciidamo ka tirsan kuwa Koofi Gaduud iyo ciidamada Xasilinta ay la wareegeen.