4/11/2021
Today from Hiiraan Online:  _
Wararka Maanta- Sabti, Mar 17, 2018
Buuq ka dhashay gabay ku jiray Buug uu qoray toddobo sanno ka hor wasiirka Warfaafinta Somaliland


 

Sabti, Maarso, 17, 2018 (HOL) - Maalmihii u dambeeyey waxa jiray Buuq ka dhashay gabay ku jiray buug uu qoray wasiirka Warfaafinta Somaliland C/raxmaan Gurey Barwaaqo oo toddobo sanno ka hor buug uu daabacay.

Buugaasi uu wasiirka warfaafintu qoray oo magaciisa la yidhaahdo Sooyaal ayaa waxa ka cadhooday Gabay ku jira buugaasi oo lagu aflagaadeeyey dumar ka mid ah beelaha reer Somaliland, waxaanay dumarkaasi ku doodeen in buugaasi dib loo soo ururiyo oo la gubo,isla markaana wasiirka uu wasiirku xaal ka bixiyo gabaygaasi dumarka lagu aflagaadeeyey ee buugiisa ku qoran.

Suugaanta buugaasi ku jira waxa soo bandhigay oo macalin af soomaaliga dhiga oo la yidhaahdo Maxamed Bedel oo wasiirka ku eedeeyey inuu shaqadiisa ka joojiyey, isla markaana dumarka ku kiciyey, taasina waxay gaadhay in haween badani warbaahinta ka dhaliilaan wasiirka oo ay gabayo badan u tiriyaan.

Khilaafka ka dhashay buugaasi ayaa meel sare gaadhay, waxaana sababtay in wasiirka Warfaafinta Cabdiraxmaan Guray-barwaaqo iyo suldaanka ay ka soo jeedaan dumarkaasi eedaha usoo jeediyey ee wasiirka naqdiyey ay warbaahinta la hadleen, waxaanay sheegeen in buugaasi wakhtigii la qoray lagu soo bandhigay jaamacadda Hargeysa, haseyeeshee uu macalinkaasi Jaamacada Hargeysa af soomaaliga ka dhigi jirey uu si khaldan ugu turjumay gabay ku yaala buugaasi oo uu sheegay in hablaha beelo ka mid ah Somaliland wax laga sheegay, waxaanu wasiirku raaligalin ka bixiyey qoraalka buugaasi ku jirey ee sida khaldan loo turjumay.

“buugaasi waxaan qoray toddobo sanno ka hor, waxaana lagu daabacay Hargeysa, ujeedadayduna waxay ahayd sida dumarka loo qiimayn jirey inaan soo bandhigo, gabaygan ku qoran buuga ee ninkaasi sida khaldan u faafiyey waxay ahayd Abwaan gabay aflagaado ah dumarka wax kaga sheegay in laga mamnuucay inuu dib dambe u qabyo, waxaana berber dhigayey Sayid Cabdalle Xasan oo isna gabayo badan leh oo uu dumarka wax kaga sheegayo in aan isaga waxba lagu xukumin, taasina ay ka soo horjeeday dhaqanka Soomaalida, waxaana anigu taageerayey dumarka Soomaaliyeed oo aan u hiilinayey, waayo ninkii gabaygaasi tiriyey xaalna waa laga qaaday gabaygiina waa laga xayirey ”ayuu yidhi Guri Barwaaqo.

Sidoo kale, Suldaanka Maxamed Suldaan Cabdiqaadir oo hablaha wasiirka eedeynayey suldaan u ah ayaa sheegay in fidmadan uu kiciyey macalin Bedel oo wasiirka arrimo isku hayey, taasina uu ka dhigay in wasiirku dumarka caayey, waxaanu sheegay in aanay fiicnayn in fidmo la kiciyo oo dumarka lagu kiciyo.

Si kastaba ha ahaatee, Buuga qayladan kiciyey ayaa la yidhaahda Sooyaal, waxaanu kaga hadlayey sida aanu dhaqanka iyo diintu uga soo horjeeday in haweenka wax laga sheego, waxaanu soo bandhigay abwaano gabayga laga xayirey ka dib markii ay dumarka ku aflagaadeeyeen.

Gabaygan ku qoran Buugan Sooyaal ee dumarka lagu aflagaadayanayey ayaa la sheegay inuu tiriyey Abwaan Dalaayad, haseyeeshee uu ku wanjalay abwaan Guuleed Doolla yare, ka dibna uu Guuleed Dhoola yare iska fogeeyey inuu gabaygaasi leeyahay, markii cidii tirisay gabaygaasi la isku qabqabsaday waxa madal ay iskugu yimaadeen abwaano Soomaaliyeed uu abwaankii lagu wanjalay ee Guuleed Dhoolayare ku dhaartay in aanu tirin, haseyeeshee waxa isagu goobtaasi ka cadeeyey inuu tiriyey Abwaan Dalaayad oo sheegay inuu ula jeeday kaftan iyo inuu ku xumeeyo Abwaan Dhoola yare oo dumarka la aflagaadeeyey afar xaas ka qabay, isla markaana waxa uu dhalan rogay gabay uu Abwaan Dhoola yare ku amaanayey dumarka uu qabay reerka ay ka soo jeedaan oo uu ka dhigay gabay cay ah, waxaana halkii lagu xukumay Abwaan Dallaayad in aanu dib dambe wax gabay ah u tirin, iyadoo Abwaan Dhoola yare iyo Abwaan Dalaayadba ay labaduba xaal lacageed ka bixiyeen gabaygaasi la isku qabqasaday ee dumarka lagu aflagaadayanyey oo Gabaygiina loo bixiyey gabaygii xaalka, sida uu sheegay Ibaaraahm Xaaji Yuusuf Xaaji Guuleed oo uu awoow u ahaa Abwaan Dhoola yare, waxaanay ahayd wakhtigaasi wakhti hore oo lagu qiyaasay lixdamaadkii.

Barkhad-ladiif M. Cumar, Hiiraan Online

[email protected]

Hargeysa, Somaliland












Click here
3/17/2018 2:17 PM EST
Sabti, Maarso, 17, 2018 (HOL)–Hey’adda Culimada Soomaaliyeed ayaa bayaan ka soo saartay khilaafka siyaasadeed ee u dhaxeeya Baarlamaanka iyo Xukuumadda, iyadoo ku baaqday inay diyaar u yihiin inay dhex dhexaadiyaan dhinacyada khilaafka u dhaxeeya.

3/17/2018 10:24 AM EST
Sabti, Maarso, 17, 2018 (HOL)–Magaalada Muqdisho waxaa maanta kulan ku yeeshey xildhibaannada mooshinka ka keenay guddoomiyaha Golaha Shacabka, waxaana kulankaa qeyb ka ahaa Wasiiro ka tirsan xukuumadda uu hogaamiyo ra’iisal wasaare Xassan Cali Kheyre.

3/17/2018 9:12 AM EST
Sabti, Maarso, 17, 2018 (HOL) - Guddida tayeynta shilinka Somaliland iyo la tacaalidda sicir bararka ayaa sheegay in mudadii dheeraadka ahaa ee la siiyey shirkadaha Isgaadhsiinta ee bixiya adeega lacagta lagu shubto Mobile-ka in boqol dollar wax ka yar aan adeegaasi lagu isticmaalin ay kaga eegtahay caawa 12-ka habeenimo.

3/17/2018 8:25 AM EST
Sabti, Maarso, 17, 2018 (HOL)-Aqalka sare ayaa goor dhaw guddi u saaray khilaafka ka dhax taagan Golaha Shacabka kaddib Mooshin laga keenay guddoomiyaha Baarlamaanka Soomaaliya.

3/17/2018 5:59 AM EST
Sabti, Maarso, 17, 2018 (HOL)-Ragga maxkamada la hor keenay oo kala ah Maxammed Cabdiraxmaan Maxmuud,Jamaal Maxammed Cali Cabdi iyo Axmed Aadan weerar Dhagaxow,ayaa ku eedeysan in ay ka tirsan yihiin Ururka Al-shabaab.

3/17/2018 5:40 AM EST
Sabti, Maarso, 17, 2018 (HOL)-Ku dhawaad ilaa 100 Askari oo ka tirsan Howlgalka Midowga Africa ee AMISOM ayaa lagu wareejiyay Sugida Amaanka dhismaha Xarunta Golaha Shacabka Soomaaliya.

3/17/2018 4:59 AM EST
Sabti, Maarso, 17, 2018 (HOL)-Rag hubeysan ayaa goor dhaw magaalada Muqdisho ku toogtay Nabadoon Axmed Cabdulle Jimcaale oo ka mid ah Nabadoonnada siweyn looga garanayo guud ahaan gobolka Hiiraan.,

3/17/2018 2:40 AM EST
Sabti, Maarso, 17, 2018 (HOL) – War ka soo baxay Qaramada Midoobey, Midowga Yurub, Midowga Afrika, Jaamacadda Carabta, Talyaaniga, Mareykanka, Ingiriiska, Sweden iyo Itoobiya waxay walaac xooggan kaga muujiyeen xiisada siyaasadeed ee ka soo cusboonaatay Soomaaliya.

3/17/2018 1:56 AM EST
Sabti, Maarso,17,2018 (HOL)–Guddoomiyaha Baarlamaanka Soomaaliya Prof Maxamed Cismaan Jawaari oo ay Mooshin ka keeneen tiro ka badan 100 xildhibaan ayaa sheegay in sharci ahaan uu jabey Mooshinkii la soo gudbiyay, laakiin isaga oo u daneynaya badbaadinta Golaha Shacabka ogolaanayo in xildhibaannada ka soo horjeeda soo dhameystiraan xubnaha ka dhiman si uu sharci u noqdo mooshinka.

3/17/2018 1:47 AM EST
Sabti, Maarso, 17, 2018 (HOL)–Taliska ciidamada xoogga dalka Soomaaliyeed ee gobolka Hiiraan ayaa faahfaahin ka bixiyay dagaal culus oo ciidamada dowladda iyo Al-Shabaab ku dhexmaray deegaanno ka tirsan gobolka Hiiraan.

3/17/2018 1:38 AM EST
Sabti, Maarso, 17, 2018 (HOL) – Iyadoo aad moodo in ay cirka isku shareertey xiisada siyaasadeed ee Baarlamaanka Soomaaliya iyo Xukuumadda ayeey ugu baaqeen xildhibaanno ka tirsan Golaha Shacabka madaxweynaha Soomaaliya Maxamed Cabdullaahi Farmaajo in uu deg deg arinta u soo faragaliyo.

3/17/2018 1:26 AM EST
Sabti, Maarso, 17, 2018 (HOL) - Wasaaradda Amniga Gudaha ee Xukuumadda Soomaaliya iyo Taliska Booliska oo ka hadlay la wareegista xarunta golaha shacabka ayaa sheegay in ciidamo booliis ah ku xoojiyeen oo kaliya ciidamadii horey horey u sii jooogay, iyaga oo meesha ka saaray in ciidamo ka tirsan kuwa Koofi Gaduud iyo ciidamada Xasilinta ay la wareegeen.