Sabti, Maarso, 17, 2018 (HOL) – Taliska ciidamada xoogga
dalka Soomaaliyeed ee gobolka Hiiraan ayaa faahfaahin ka bixiyay dagaal culus oo
ciidamada dowladda iyo Al-Shabaab ku dhexmaray deegaanno ka tirsan gobolka
Hiiraan.
Taliyaha ciidamada xoogga dalka Soomaaliyeed ee qeybta 52aad Axmed Maxamed
Maxamuud Tareedisho ayaa sheegay in
dagaalkaasi ay ku dileen xubno badan oo ka tirsan Al-shabaab.
Taliyaha ayaa intaa ku daray in meydadka Al-Shabaab la keenay degmada
Maxaas, islamarkaana ay dhawaan u soo bandhigi doonaan warbaahinta.
Wuxuu xusay in marka hore dagaalka uu ka bilaawday Al-Shabaab iyo dadka
deegaanka oo u badnaa xoolo dhaqato, laakiin markii danbe ay ku biireen
ciidamada dowladda oo gacan siinayay dadka deegaanka.
Khasaare isugu jira dhimasho iyo dhaawac ayaa ka dhashay dagaalkan, maadaama
uu socday muddo saacado ah la iskuna adeegsaday hubka nuucyadiisa kala duwan.
C/raxmaan Diini, Hiiraan Online
[email protected]