4/13/2021
Today from Hiiraan Online:  _
Wararka Maanta- Jimco, Mar 16, 2018
Ra’iisal wasaare Kheyre oo xalay kormeeray degmada Hilliwaa


 

Jimco, Maarso, 16, 2018 (HOL) – Ra’iisul Wasaaraha Xukumadda Federaalka Soomaaliya  Xasan Cali Khayre iyo Guddoomiyaha Gobolka Banaadir ahna Duqa Magaalada Muqdisho Cabdiraxmaan Cumar Cusmaan Yariisoow ayaa xalay waqti dambe kormeer amni ku tagay degmada Hilliwaa ee gobolka Banaadir.

Kormaarka Ra’iisul Wasaaraha sidoo kale waxaa qeyb ka ahaa taliyaha ciidamada Booliska Soomaaliya, qaar ka tirsan guddoomiyeyaasha degmooyinka oo uu ugu horeeyo guddoomiyaha degmada Hilliwaa iyo Saraakiil kale oo ciidan.

Ka hor inta uusan Ra’iisul Wasaaraha bilaabin kormeerkiisa ayaa waxaa ciidamo badan oo ka tirsan dowladda federaalka lagu daadiyay dhammaan xaafadaha ay ka kooban tahay degmada iyo wadooyinka waa-weyn, kuwaasi oo ammaanka xaqiijinayay inta uu kormeerka socday, si aysan u dhicin arbushaad.

Ra’iisul Wasaaraha Soomaaliya iyo guddoomiyaha gobolka Banaadir ayaa kormeer ku tagay baraha Kontorool ee ciidamada dowladda ay ku leeyihiin gudaha degmadaasi iyo xarunta degmada, waxayna ciidamada xilligaasi ku guda jireen howlahooda shaqo.

“In Habeen Saq-dhexe ah aan joogno degmada Hilliwaa waxa ay ka dhigan tahay nabadda oo ku sii baaheysa guud ahaan dalka, waxaan diyaar u nahay in har iyo habeen aan u shaqeyno shacabka Soomaaliyeed, Saraakiisha iyo ciidamada waxaan ku dhiiragelinayaa in ay kordhiyaan waajibaadkooda, maxaa yeelay shacabka adinka ayay idinku seexdaan” ayuu yiri Khayre.

Raiisul Wasaaraha Soomaaliya Xassan Cali Khayre, ayaa 14-kii bishan xilli habeen ah ka baaqday kormeer uu doonayay inuu ku maro Isgoysyo ka mid ah magaalada Muqdisho, kaddib markii ay soo kordheen arrimo xasaasi ah oo Siyaasadeed.

Khayre ayaa balamiyay Suxufiyiinta, waxaana loo sheegay Wariyeyaasha in uu Kormeer sameynayo Khayre, sidaasi awgeedna 12:00 habeenimo ayaa Suxufiyiinta la isugu geeyay Daljirka Daahsoon, halkaasi oo lagu diyaariyay gaadiid badan oo qayb ka noqon lahaa kormeerka Ra’iisul Wasaare Khayre.

Intaasi kaddib ayaa Suxufiyiinta waxaa loo sheegay saacad kadib inuu baaqday kormeerkii Ra’iisul Wasaaraha, kaddib markii la helay xogta ku aadan xildhibaano waday abaabul Mooshin ah.

C/raxmaan Diini, Hiiraan Online 
[email protected]












Click here
3/16/2018 1:33 PM EST
Jimco, Maarso, 16, 2018 (HOL)–Guddoomiyaha baarlamaanka Soomaaliya oo goor dhaw shir jaar’id qabtay ayaa sheegay in Ciidamo ka amar qaata ra’iisal wasaaraha xukuumadda Soomaaliya Xassan Cali Kheyre uu xoog kula wareegeen xaruntii Golaha Shacabka.

3/16/2018 12:28 PM EST
Jimco, Maarso, 16, 2018 (HOL)–Ciidamada ka tirsan dowladda Soomaaliya ayaa goor dhaw la wareegey xarunta Golaha Shacabka sida uu Hiiraan Online u sheegay goor dhaw Xog-hayaha guud ee baarlamaanka Cabdikariin Xaaji Cabdi Buux.

3/16/2018 11:11 AM EST
Jimco, Maarso, 16, 2018 (HOL)–Inta la xaqiijinayo 7 ruux oo dhinacyadii dagaaalamay ka kala tirsan ayaa ku dhintay tiro kalena waa ay ku dhaawacmeen, kadib markii uu dagaal ku dhex maray qeybo ka mid ah gobolka Hiiraan Al-Shabaab iyo dad xoolo dhaqto u badnaa.

3/16/2018 10:51 AM EST
Jimco, Maarso, 16, 2018 (HOL)–Ciidamada dalka Kenya ayaa gacanta ku dhigay Hub, Walxaha qarxa iyo qaar ka mid ah Raggii watay oo la sheegay in ay ka tirsan yihiin Ururka Al-Shabaab.

3/16/2018 10:04 AM EST
Jimco, Maarso, 16, 2018 (HOL) – Xarunta Villa Hargeysa ayaa maanta kulan ku yeeshey xildhibaanno ka tirsan Golaha shacabka iyo guddiga joogtada baarlamaanka oo su’aalo laga weydiinayay sida ay ku buriyeen mooshinkii laga keenay guddoomiye Maxamed Sheekh Cismaan Jawaari.

3/16/2018 7:39 AM EST
Jimco, Maarso, 16, 2018 (HOL)–Dawladda Sacuudi Carabiya ayaa ku goodiday in ay samaysan doonto hub nukliyeer ah haddii Iiraan oo ay gobolka isku hayaan ay samaysato hubkaas.

3/16/2018 5:19 AM EST
Jimco, Maarso, 16, 2018 (HOL)–Qiimeyn ay sameysay hay’adda Qaramada Midoobey ee International Happiness ayaa lagu sheegay in Soomaaliya kaalinta Lixaad uga jirto guud ahaan Qarada Africa wadamada dadkeedu ugu farxada badan yihiin, halka dunida oo dhanna Soomaaliya ay kaga jirto kaalida 98aad.

3/16/2018 3:00 AM EST
Jimco, Maarso, 16, 2018 (HOL)–Rwanda ayaa ka mamnuucday Maasjida caasimada Kigali codbaahiyaha xiliga Salaada guud ahaan Maasjida caasimada, iyaga oo arintaan ku micneeyay in ay dhibaato ku tahay dadka deegaanka.

3/16/2018 2:02 AM EST
Jimco, Maarso 16, 2018 (HOL) – Dowladda Qatar ayaa khamiistii warqad cabasho ah u gudbisay golaha ammaanka ee Qaramada Midoobay, taa oo ay uga cabanayeen in dalka isu tagga imaaraadka Carabta uu ku xad gudbay hawadooda.

3/16/2018 1:56 AM EST
Jimco, Maarso, 16, 2018 (HOL) – Sida lagu daabacay Wakaalada Wararka Reuters dowladda Imaaraadka Carabta ayaa lagu wadaa in ay tababar siiso ciidamada Somaliland, arintan oo qeyb ka ah sida uu sheegay madaxweyne Muuse Biixi heshiiska lagu dhisayo Saldhigga Milateri ee Imaaraadka Carabta ka sameynayo Berbera.

3/16/2018 1:40 AM EST
Jimco, Maarso, 16, 2018 (HOL)–Warar ka imanaya magaalada Boosaaso ee gobolka Bari ayaa sheegaya in kooxo aan la garaneynin Bamgacmeed ku weerareen ciidamo ka tirsanaa ilaalada Dekedda.