Khamiis, Maarso, 15, 2017 (HOL) - Dadweynaha ku nool goboladda
Somaliland ayaa maanta iskugu soo baxay banaanbaxyo ay ku taageerayaan
madaxweynaha Somaliland iyo heshiishka Saddex geesoodka ee dekadda Berbera.
Saaka
waxa magaalada Hargeysa lagu waaberiistay makarofoonno baabuur lagu xidhay oo
heeso wadani saaran yihiin, taas oo dadweynaha loogu sheegayey inay taageeraan
heshiishka Dp World la gashay Somaliland iyo sida ay uga soo horjeedaan
hadaladii ka soobaxay madaxda sare ee Soomaaliya.
Banaanbaxyadana
ayaa dadweynuhu ku dhawaaqayeen in Soomaaliya shacabka Somaliland u ogoleen wax
horumar ah,isla markaana caalamka u dariyeen fariin ah inay Somaliland tahay
dal madax banaan.
Banaanbaxyadan
ayaa saaka ka dhacay gobolada Awdal, Togdheer iyo Maroodi jeex, kuwaas oo
shacab badani iskugu soo baxeen beerta xoriyadda ee magaalooyinka waaweyn.
Dadweynahan
samaynayay banaan-baxyada ee marayay jidadka halbowlayaasha u ah magaalooyinka
Somaliiland ayaa ku dhawaaqay Farmaajo dooni meyno Somaliland ha noolaato,
Farmaajo ha dhaco kheyre doonimeyno iyo erayo kale oo ka soo horjeeda haladii
ka soo yeedhay madaxda Soomaaliya.
Boodhadhka
dadku ay wateen ee ay dariiqyada la marayeen ayaa waxaa ku xardhana waanu
taageersanahay hishiiska saddex geeesoodka ah ee Somaliland, DP.World iyo
Itoobiya.
Barkhad-ladiif M.
Cumar, Hiiraan Online
[email protected]
Hargeysa,
Somaliland.
