9/28/2021
Today from Hiiraan Online:  _
Wararka Maanta- Khamiis, Mar 15, 2018
Qarashaadkii ku bixi jiray guurka ka dhaca degmada Luuq oo hoos loo dhigay
Khamiis, Maarso, 15, 2018 (HOL)–Wareegto kasoo baxay maamulka degmada Luuq ee gobolka Gedo ayaa looga mamnuucay shacabka ku dhaqan degmadaasi, gaar ahaan lamaaneyaasha doonaya in ay is guursadaan in maharkooda aysan ku qabsan Karin xaafadaha oo ay yimaadaan maxkamadda demgadaasi, halkaa oo uu maamulku sheegay in guurkoodu ka dhici doono.

Wareegtan oo uu qaar kamid ah shacabka degmadaasi u aqriyay gudoomiyaha degmada Mudane Max'ed Xuseen Cismaan (Ganeey) ayuu sheegay in maanta wixii ka danbeeya aan la ogolaan doonin in qarashaad badan lagu bixiyo xafladaha guurka.

Gudoomiyaha ayaa sheegay in lacagaha ku baxa maharka ay noqon doonaan 3,000,000 Sh. Som.  oo u dhiganta wax ka yar $150, mahar iyo aroosna ay halmar dhici doonaan oo aan la ogolaan doonin in maharka waqti laga dhigo arooskana waqti kale.

Gudoomiyaha ayaa sidoo kale sheegay in alaabta loo dhigayo gabadha ay fududeeyaan, isagoo xusay in alaabta loo yaqaan Laba Sheeyga, oo ah Jiif qura la dhigi doono, oo ay meesha ka bixi doonto in ragga guur doonka ah lagu xujeeyo in ay jiif iyo fadhi dhigaan xilliga ay guursanayaan.

Gudoomiyaha ayaa sheegay in amarkan ay soo saareen kadib markii ay arkeen cabashooyinka dhalinyarta ee ku aadan dhanka guurka.

Sida caadiga ah, wiilka iyo gabadha is guursanaya ayaa ka heshiin jiray nooca ay noqoneeyso xafladda arooskooda iyo weliba alaabta la dhigayo guriga, ayadoo marka la gaaro xafladda maharka ay ehelka wiilka bixin jireen lacago Sooryo ah, oo hadba la eg inta ay isku afgartaan labada reer.

Bulshada ku dhaqan degmadaasi ayaa siyaabo kala duwan uga hadlay amarka kasoo baxay maamulka, ayadoo qaar kamid ah dadka ku dhaqan degmadaasi ay soo dhaweeyeen, halka qaar kalena ay sheegeen in ay tahay mid xad gudub ku ah xoriyadooda.

Xasan Nuur, Hiiraan Online
[email protected]
Kismaayo-Soomaaliya.














Click here
3/15/2018 11:55 AM EST
Khamiis, Maarso, 15, 2017 (HOL)- Madaxweynaha dowlad Goboleedka Hirshabeelle Dr Maxamed Cabdi Waare ayaa kulan Magaalada Jowhar ee xarunta dowladda Hirshabelle kula qaatay Wafdi sare oo ka socda Midowga Yurub, kuwaasi oo maanta soo gaaray Magaalada, waxaana ay ka wada hadleen arrimo kale duwan oo la xiriira Horumarinta iyo taageerada ay ugu baahantahay Midowga Yurub.

3/15/2018 11:12 AM EST
Khamiis, Maarso, 15, 2017 (HOL)-Dadweynaha ku nool goboladda Somaliland ayaa maanta iskugu soo baxay banaanbaxyo ay ku taageerayaan madaxweynaha Somaliland iyo heshiishka Saddex geesoodka ee dekadda Berbera.

3/15/2018 8:24 AM EST
Khamiis, Maarso, 15, 2018 (HOL)–Xildhibaannada Aqalka sare ayaa kulan ay maanta ku yeesheen magaalada Muqdisho, waxay cod aqlabiyad leh ku ansixiyeen in shirkadda DP World aysan dalka Soomaaliya ka howlgali karin.

3/15/2018 7:38 AM EST
Khamiis, Maarso, 15, 2018 (HOL)–Golaha wasiirada dowlad goboleedka Jubbaland oo maanta yeeshay kulankoodii khamiislaha ahaa oo uu shir gudoomiyaha madaxweynaha Jubbaland Mudane Axmed Max'ed Islaam ayaa diiradda lagu saaray....

3/15/2018 6:51 AM EST
Khamiis, Maarso, 15, 2018 (HOL)–Madaxweynaha Somaliland Muuse Biixi Cabdi kulan kula yeeshay magaalada Abu Dhabi ra’iisul wasaare ku-xigeenka Imaaraadka Carabta ahna Wasiirka Madaxtooyada Sheekh Mansoor Bin Zayed.

3/15/2018 5:43 AM EST
Khamiis, Maarso, 15, 2018 (HOL)-Waa kulankii labaad ee xildhibaannada Aqalka sare Kalfadhigoodii saddexaad, waxaana jooga oo fadhiya kulanka kooromkii loogu tala-galay.

3/15/2018 5:35 AM EST
Khamiis, Maarso, 15, 2018 (HOL)-Maamulka degmada Mandera ee gobolka Waqooyi Bari Kenya ayaa shalay bulshada Soomaalida ka dalbaday in la wadagaan macluumaadka la xiriira dhinaca Amniga.

3/15/2018 3:06 AM EST
Khamiis, Maarso, 15, 2018 (HOL)-Iyadoo aad moodo in uu cirka isku sii shareeray khilaafka ka dhashay Mooshinka ka dhanka ah guddoomiyaha Baarlamaanka Prof Jawaari, ayaa waxaa soo baxaya eedeymo loo jeedinayo Xukuumadda Soomaaliya oo la xiriira kala qeybsanaanta baarlamaanka.

3/15/2018 1:35 AM EST
Khamiis, Maarso, 15, 2018 (HOL)-Dowladda Libya ayaa amartay xarigga 205 qof oo u isugu jira dad u dhashay dalkaasi iyo ajaanib looga shakisan yahay inay ku lug lahaayeen shabakad dadka u tahriibisa Yurub.

3/15/2018 1:28 AM EST
Khamiis, Maarso, 15, 2018 (HOL) – Xildhibaanno ka tirsan Baarlamaanka Soomaaliya oo shir ku yeeshey magaalada Muqdisho ayaa arin sharci darro ah ku tilmaamay go’aankii guddiga joogtada ee baarlamaanka uu ku laaley mooshinkii laga keenay guddoomiyaha Golaha Shacabka Prof Jawaari.

3/15/2018 1:14 AM EST
Khamiis, Maarso, 15, 2018 (HOL)–Guddoomiye ku-xigeenka koowaad ee baarlamaanka Soomaaliya Cabdiwali Sheekh Muudeey oo warbaahinta la hadlay ayaa sheegay in uu sharci yahay mooshinka laga keenay guddoomiyaha baarlamaanka Prof Jawaari, sidaana uu ku dhaqan galay.