11/26/2021
Today from Hiiraan Online:  _
Wararka Maanta- Arbaco, Mar 14, 2018
Aqalka sare oo ku kala aragti duwan doodda xeerkii Golaha shacabka uu ka soo saaray shirkadda DP World

 

Arbaco, Maarso, 14, 2018 (HOL) –Xildhibaannada Aqalka sare ayaa lagu waramayaa in ugu danbeyntii ay kula tageen kulan muddo dheer qaatey oo looga dooddayay go’aanka Aqalka sare uu ka qaadanayo Xeerkii maalin ka hor xildhibaannada Golaha shacabka isku raaceen ee ka dhanka ahaa shirkadda DP World.

Mudanayaasha Aqalka sare ayaa siweyn isugu khilaafay doodda arintan ku saabsan oo markii danbe xitaa isku afgaran waayay waqtiga go’aan ka gaarista qodobka.

Kulanka xidlhibaannada Aqalka sare oo siweyn isha loogu wada hayay ayaa u muuqda mid ku soo dhamaaday natiijo la’aan, iyadoo la filayay in goluhu ku raaci doono baarlamaanka Soomaaliya go’aankii uu qaatay shirkadda laga leeyahay dalka Iskutaga Imaaraadka Carabta ee DP World.

Xildhibaannada qaarkood ayaa soo jeediyay in loo yeero ra'iisal wasaaraha xukuumadda Soomaaliya iyo Wasiirka arrimaha dibeda si arintan wax looga weydiiyo

Guddoonka Aqalka sare ayaa sheegay in ay sii wadi doonaan doodda arintan ku saabsan todobaadyada soo socda.

Golaha Shacabka ayaa Isniintii fadhigooddii ugu horeeyay Kaldhiga Saddexaad waxaa ay isku afgarteen xeerka dhowrista madax-bannaannida iyo Qarannimada Soomaaliya, iyaga oo dhinaca kalana dalka ka mamnuucay shirkadda DP World.

C/raxmaan Diini, Hiiraan Online
[email protected]













Click here
3/14/2018 12:30 PM EST
Arbaco, Maarso, 14, 2018 (HOL) –Guddoomiyaha baarlamaanka Soomaaliya Prof Maxamed Cismaan Jawaari oo ka hadlay mooshin ay ka soo gudbiyeen xildhibaannada baarlamaanka Soomaaliya, ayaa ku baaqay in la ilaaliyo midnimada baarlamaanka, isaga oo dhinaca kalana sheegay in Mooshinkii laga keenay uu buray.

3/14/2018 12:11 PM EST
Arbaco, Maarso, 14, 2018 (HOL) –Xoghayaha guud ee Golaha Shacabka Cabdikariin Xaaji Buux ayaa sheegay in mooshinkii laga keenay guddoomiyaha baarlamaanka Soomaaliya Prof Maxamed Cismaan Jawaari uu ku buray dhinaca sharciga, madaama xildhibaannadu buuxin waayeen tiradii loo baahna.

3/14/2018 9:30 AM EST
Arbaco, Maarso, 14, 2018 (HOL)–Bishii August ee sanadkii hore ee 2017, ayeey aheyd markii weerar bambaano loo geystay Masjid ku yaalla gobolka Minnisota oo lagu magacaabo Daarul Faaruuq.

3/14/2018 7:02 AM EST
Arbaco, Maarso, 14, 2018 (HOL)–Waxaa sii xoogeysanaya khilaafka ka dhashay mooshin xildhibaanno ka tirsan baarlamaanka Soomaaliya ka gudbiyeen guddoomiyaha Golaha Shacabka Prof Maxamed Cismaan Jawaari.

3/14/2018 4:49 AM EST
Arbaco, Maarso, 14, 2018 (HOL) - Iyadoo uu soconayo olole xoog leh oo ka dhan ah guddoomiyaha baarlamaanka Soomaaliya Prof Maxamed Cismaan Jawaari oo ay mooshin ka gudbiyeen tiro ka badan 100 xildhibaan, ayaa dhinaca kale saacadaha soo socda la filayaa in kulan deg deg ah ku yeeshaan xarunta Villa Hargeysa guddiyada joogtada ah ee baarlamaanka.,

3/14/2018 4:30 AM EST
Arbaco, Maarso, 14, 2018 (HOL)-Magaalada Muqdisho waxaa goor dhaw oo maanta soo gaaray qeybtii saddexaad maxaabiis laga keenay dalka, kuwaa oo soo deyntooda dadaal dheeraad ah u ku bixisay dowladda Soomaaliya.

3/14/2018 2:09 AM EST
Arbaco, Maarso, 14, 2018 (HOL)-Danjiraha midowga Africa ee Soomaaliya Francisco Madeira ayaa maamul goboleedyada Soomaaliya ugu Baaqay in ay kordhiyaan Dagaalka ka dhan ka ah Al-shabaab.

3/14/2018 1:53 AM EST
Arbaco, Maarso, 14, 2018 (HOL)-Wasiirka Wasaaradda Waxbarashada Soomaaliya Cabdiraxmaan Daahir Cismaan ayaa ka qeybgalay munaasabad ay heshiis kula saxiixanayeen maamulka gobolka Banaadir, sidoo kale waxaa munaasabada ka qeybgalay guddoomiyaha gobolka Banadir C/raxmaan Cumar Cusmaan Yarisoow.

3/14/2018 1:29 AM EST
Arbaco, Maarso, 14, 2018 (HOL)-Faah faahin dheeraad ah ayaa ka soo baxaya dagaal u dhaxeeyay ciidamada dowladda iyo Al-shabaab ku dhaxmaray deegaanno hoostaga gobolka Bakool, gaar ahaan deegaanka Dudumaale oo 30-KM u jira degmada Xudur.

3/14/2018 1:11 AM EST
Arbaco, Maarso, 14, 2018 (HOL)-Xildhibaanno ka tirsan Golaha Shacabka ayaa mooshin ka dhan ah guddoomiyaha baarlamaanka Soomaaliya Prof Maxamed Cismaan Jawaari u gudbiyay guddoomiye ku-xigeenka koowaad ee baarlamaanka.

3/14/2018 12:59 AM EST
Arbaco, Maarso, 14, 2018 (HOL)-Mudanayaasha golaha Aqalka sare ee Soomaliya ayaa lagu wadaa in fadhigooda ay maanta uga doodaan xeerkii maalin ka hor soo meelmariyeen Xildhibaanada Golaha Shacabka ee ku aadanaa in dalka laga mamnuucay Shirkadda DP World.