3/28/2024
Today from Hiiraan Online:  _
Wararka Maanta- Isniin, Mar 12, 2018
Wasaaradda Howlaha guud oo kala shaqeyneysa Hirshabeelle dib u dhiska kaabayaasha dhaqaalaha

 

Isniin, Maarso, 12, 2018 (HOL) - Wasiirka Wasaaradda Howlaha guud iyo dib-u-dhiska dowladda Soomaaliya oo Eng Saadiq Cabdullaahi Cabdi oo safar shaqo ku jooga magaalada Jowhar, ayaa sheegay in wasaaraddiisu kala shaqeyneyso dib-u-dhiska kaabayaasha dhaqaalaha.

Akhriso War-saxaafadeedka Wasaaradda :

Waxaan booqasho ku nimid magaalada Jowhar ee xarunta Dowl-goboleedka Hir-Shabelle, Ujeedada booqashada ayaa ah tallaabo daba socota fulinta mashruuca Tayaynta WasaaradahaHowlaha Guud heer Dowlad-goboleed iyo heer federal (Somalia Strengthening Institution for Public Works Project). Mashruuca waxaa naga kaalmeenaya Bangiga Horumarinta Africa (African Development Bank).

Hiigsiga fog ee bangiga ayaa ah horumarinta kaabayaasha dhaqaalaha dalka isagoo garowsan inay wasaaradaha howlaha guud ay yihiin tiirarka horumarinta kaabayaasha dhaqaalaha dalka.

Mashruuca waxaa fulintiisa nagala shaqeynaya hey’adda UNOPS ee Qaramada Midoobay,Hadafka Mashruucu waa in Hey’adaha Howlaha guud ee wadanka ay mashruucaan kadib iskood Mashaariicda Kaabayaasha Dhaqaalaha u qorsheyn karaan, dhaqaale ugu raadin karaan, dhan dhaqaale iyo maareynba mashruucyada u maamuli karaan isla markaana u kormeeri karaan. Markuu mashruucu dhamaado hey’adaha howlaha guud waxay ahaan doonaan kuwo isku filan oo iskood waajibkooda u guta.

Waxaan hadda wasaaradda howlaha guud ee Hirshabelle u keenay qalab casri ah oo si maqal iyo muuqaal ah wasaaradaha howlaha guud dhexdooda iyo adduunka intiisa kaleba ugu wada xiriiri karaan.

Sidoo kale waxaan goordhow, bil ilaa laba bil gudaheed WHG ee Dowlad Goboleedka u keeni doonaa

qalabka xafiisyada oo ay ku shaqeyn lahaayeen (office furniture) iyo agabyada xafiisyada lagu isticmaalo ee joogtada loogu baahan yahay (office supply), taasoo ka haqabtirkeeda dhowr sano wadi doono si wasaaraddu howlaha ay umadda u heyso u gudato.

Waxaa intaa dheer iney ila socdaan shaqaalaha wasaaraddayda ee qaabilsan fulinta mashruuca ayna sameyn doonaan daraasad ay ku ogaanayaan baahida wasaaradda HG ee Dowlad-goboleedkaan, dhinaca qorshe-dejinta, shaqaalo tayo leh oo wasaaraddu yeelato, tababarada ay u baahan yihiin, qalabka farsamo ee lama huraanka u ah, shuruuc dejinta ay rabaan inay sameeyaan IWM. Baahida ay daraasaddaasi muujiso ayaanuna wax ka qaban doonaa annagoo isticmaaleyna qoondo mashruucu arrimahaas u meeleeyay.

Horumarinta kaabayaasha dhaqaale ee Dowlad-goboleedkaan waa halbowlaha horumarinta kaabayaasha dhaqaalaha dalka guud ahaan, sidaas darted waxaa wasaaradda HG ee federaalka ka go’an xoojinta la shaqeynta Wasaradaha HG ee Dowlad-goboleedkaan si horumarka wadanka guud ahaan loo hurumariyo

C/raxmaan Diini, Hiiraan Online 
[email protected]












Click here
3/12/2018 2:25 PM EST
Isniin, Maarso, 12, 2018 (HOL) – Guddoomiyaha baarlamaanka Soomaaliya Prof Maxamed Cismaan Jawaari oo khubad ka jeedinayay fadhiggii xildhibaannada baarlamaanka Soomaaliya ay ku yeesheen magaalada Muqdisho ayaa si adag uga horyimid talaabada shirkadda DP World oo sida uu tilmaamay ah mid dhaawaceysa Siyaaddada iyo Qarannimada Umadda Soomaaliyeed.

3/12/2018 8:10 AM EST
Isniin, Maarso, 12, 2018 (HOL)–Masuliyiinta mamulka Degmada Baladxaawo ee gobolka Gedo ayaa maanta meel fagaare ah ku gubay qaad gaaraya ilaa 25 Jawaan, kaa oo la doonayay in loo gudbiyo degmooyinka gobolka Gedo sida Doolow, Luuq iyo ...

3/12/2018 7:06 AM EST
Isniin, Maarso, 12, 2018 (HOL) -Ciidamada ilaalada madaxtooyada Soomaaliya ee fariisinka ku leh agagaarka Isgoyska Taalada Sayidka ayaa maanta barqadii rasaas ku furay gaari uu lahaa Hanti-dhowrk guud ee Qaranka Maxamed Cali Afgooye.

3/12/2018 6:13 AM EST
Isniin, Maarso, 12, 2018 (HOL)–Kulan xasaasi ah oo xildhibaannada Golaha Shacabka ku yeesheen magaalada Muqdisho maanta oo Isniin ah ayeey ka soo saareen xeer dhowraya gobannimada iyo madax-bannaanida Soomaaliya, iyaga oo dhinaca kalana ka mamnuucay shirkadda DP World in ay ka howlgasho guud ahaanba Soomaaliya.

3/12/2018 3:41 AM EST
Isniin, Maarso, 12, 2018 (HOL)–Madaxweynaha Somaliland Muuse Biixi Cabdi oo Wareysi gaar ah siinayay TV Hon Cable ayaa sheegay in xiligan munaasab ku aheyn wadahadal ay la galaan Soomaaliya.

3/12/2018 2:42 AM EST
Isniin, Maarso, 12, 2018 (HOL)–Dhawaan waxaa soo baxay warar sheegaya in Al-shabaab ku amreen milkiilayaasha garoomada Salaxa ah ee xiliyada habeenkii lagu cayaaro Kubadda Cagta, ayaa waxaa arintaa jawaab ka bixisay Wasaaradda Amniga xukuumadda Soomaaliya.

3/12/2018 2:12 AM EST
Isniin, Maarso, 12, 2018 (HOL)–Wararka naga soo gaaraya degmada Jowhar ee gobolka Shabeellaha dhexe ayaa sheegaya in ciidamada Booliiska xabsiga dhigeen ganacsato sida lagu waramayo la balansanaa Al-shabaab.

3/12/2018 1:59 AM EST
Isniin, Maarso, 12, 2018 (HOL)–Askari ka tirsan ciidamada dowladda Soomaaliya ayaa lagu waramayaa in uu ku dhintay iska horimaad xalay degmada Kaxda ee gobolka Banaadir ku dhaxmaray ciidamo ka tirsan dowladda iyo Al-shabaab.

3/12/2018 1:48 AM EST
Isniin, Maarso, 12, 2018 (HOL) – Madaxweynaha Ruushka Vladamir Putin ayaa sheegay in uu isaga shaqsiyan amray in lasoo rido diyaarad shacab ah sanadkii 2014-kii, maadaamaa ay wadday bam lagu qarxin lahaa ciyaarihii olimbikada magaalada Sochi ee dalkaasi ka dhacayay.

3/12/2018 1:43 AM EST
Isniin, Maarso, 12, 2018 (HOL)–Maanta oo Isniin ah ayaa lagu wadaa in xildhibaannada Golaha Shacabka yeeshaan fadhiggoodii ugu horeeyay Kalfadhigga Saddexaad, waxaana lagu waramayaa in kulanka maanta noqonayo mid xasaasi ah oo xildhibaannadu dood adag ka yeelan doonaan heshiiskii Dekedda Berbera.

3/12/2018 1:29 AM EST
Isniin, Maarso, 12, 2018 (HOL)-Ra’iisul Wasaare ku xigeenka dalka Mahdi Maxamed Guuleed Khadar ayaa magaalada New Dalhi ee dalka India kulan gaar ah kula yeeshay Ra’iisul Wasaaraha dalka India Narendra Modi.