Axad, Maarso, 11, 2018 (HOL) –Guddoomiyaha
maamulka maamulka Hirshabeelle Cismaan Barre Maxamed ayaa codsaday in gacan
laga siiyo dagaalka ka dhanka ah Al-shabaab, madaama ayuu yiri bilihii ugu
danbeeyay Al-shabaab weerarro culus ka geysanayeen deegaanno ka tirsan gobolka
Shabeellaha Dhexe.
Guddoomiye Barre ayaa intaa ku darray in ay hadda adag tahay isku socodka
waddada isku xirta degmooyinka Balcad iyo Jowhar oo meelaha qaar fariisimo ka
dhigtaan xoogagga Al-shabaab.
‘’Dowladda Soomaaliya waxaa ka codsaneynaa in ay gacan naga siiso dagaalka
Al-shabaab oo fariisimo cusub ka sameystay qeybo ka mid ah gobolka Shabeellaha
Dhexe’’ ayuu yiri guddoomiyaha baarlamaanka maamulka Hirshabeelle.
Wuxuu sheegay in ay hareereeyeen deegaannada uu maamulka ka arrimiyo
dagaalyahanno ka tirsan Al-shabaab oo isaga kala yimid qeybaha kala duwan ee
dalka, taasoo ka dhigeysa mid ka baxsan awood maamulka, loona baahan yahay
dowladda federaalka in ay arintan gacan ka geysato.
Al-Shabaab ayaa mudooyinkii dambe xoojiyay weerarrada ay ka geysanayaan deegaanada
Hirshabeelle, waxaana labadii todobaad ee la soo dhafay weerar ay ku qaadeen
saldhigyada ciidamada dowladda iyo kuwa AMISOM ay ku leeyihin Hirshabeelle.
C/raxmaan Diini, Hiiraan Online
[email protected]
