3/29/2024
Today from Hiiraan Online:  _
Wararka Maanta- Sabti, Mar 10, 2018
Somaliland oo hakisay wada hadalkii Somaliland iyo Soomaaliya u socday

Sabti, Maarso, 10, 2018 (HOL) – Xukuumada Somaliland ayaaa sheegtay inay hakisay wada hadalkii la filayey in bishan ka bilaabmaan wadanka Jabuuti oo qorshuhu ahaa in labadda madaxweyne ku kulmaan wadankaasi.

Xukuumadda Somaliland ayaa wada hadalkii u socday Soomaaliya iyo Somaliland ee lagu qaban jirey Wadanka Turkiga usoo leexisay wadanka Jabuuti, waxaana la filayey in bishan aynu ku jirno labadda madaxweyne ku kulmaan Jabuuti, haseyeeshee waxa la hakiyey ka dib markii dawladda Soomaaliya ka hor timid heshiishka Dekada Berbera ee saddex geesoodka ah ee Dp World, Somaliland iyo Itoobiya dhexmaray.

Madaxda sare ee Somaliland iyo Soomaaliya ayaa warbaahinta iska marinayey hadalo isku weerarayaan, taasina waxay keentay in wasiirka Arrimaha Dibada Somaliland Sacad Cali Shire uu sheego in la hakiyey wada hadalkaasi la filayey inuu dalka Jabuuti ka bilaabmo.

Wasiirka Arrimaha Dibadda Somaliland Dr;Sacad Cali Shire ayaa sheegay in wada hadalkaasi muddo bil ah ay hakiyeen,isla markaana aanay wakhtigan suurogal ahayn in wada hadalkii dib loo bilaabmo.

“Wada hadalkaasi in aynu la galno Soomaaliya waa arrinkii Baarlamaanku ansixiyey kamaynaan noqonin, laakin wakhtigan xaadirka ah duruuf saamaxaysa inaynu wada hadalno ma jirto, marka muddo bil ah ayaanu dib u dhignay wada hadaladii,, markay bishaasi dhamaatay waynu eegayna hadba duruufta jirta in aanu la bilaabno iyo in kale.”

Wasiirku waxa kale oo uu sheegay in waraaqda ay Soomaaliya u gudbisay Jaamacadad Carabta ay iyaguna mid la mid ah oo mawqifkooda ka cadaynayaan u gudbinayaan.

“Horta waxaan laga hadlaya waa Dekadda Berbera oo Somaliland ku taalla, waxaana xukuma dastuurkeena iyo xeerarkeena, ma xukumo dawlada Soomaaliya cid inagu qabsan kartaana ma jirto, warqadaasi ay Soomaaliya qotay ee dacwadana waan ka war hayaa anna warqad kale ayaan ka daba gaynayaa oo maqwifkeena ku muujinayno, xaqiiqdu waxa weeyi Somaliland waa wadan jira oo dawlad leh.”ayuu yidhi Shire.

Somaliland ayaa ku doodaysa in Soomaaliya ka hor timid horumarinta dekadda Berbera,isla markaana ay hore ugu heshiiyeen labaddii madaxweyne ee hore ee Somaliland Axmed Siilaanyo iyo Soomaaliya Xasan Sheekh in aan la carqaladayn mashruucyada labada dhinac ku horumarinayaan deegaanadoodda, waxaanay Somaliland ku aragtaa inay heshiishkaasi Soomaaliya jabisay, taasina ay sababta u tahay in Somaliland hakiyaan wada hadaladdii dhawrka wareeg qaatay ee u socday Somaliland iyo Soomaaliya.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
3/10/2018 2:02 PM EST
Sabti, Maarso, 10, 2018 (HOL) – Kulan ay maanta ku yeesheen magaalada Muqdisho Wasiirada Maaliyadda Dowladda Soomaaliya iyo kuwa dowlad goboleedyada ayaa kaga hadlay dar-dargelinta arrimaha hanaanka qaadista canshuuraha dalka iyo sidii loo midayn lahaa,iyagoo maanta si gaar ah uga wada hadlay kana heshiiyay mideynta casnhuuraha gadista.

3/10/2018 9:15 AM EST
Sabti, Maarso, 10, 2018 (HOL)–Afhayeenka golaha shacabka Soomaaliyeed Maxamed Cismaan Jawaari oo maanta ka hadlayay furitaanta kalfadhiga 3aad ee Baarlamanka Soomaaliya ayaa xukuumadda federaalka ka codsaday inay dardar geliso ballan qaadyo dhowr ah oo ay soo jeediyeen kal fadhigii kan ka horreeyay.

3/10/2018 9:03 AM EST
Sabti, Maarso, 10, 2018 (HOL)–Koox Caafimaad ayaa u dhaqaaqa Guud agaan gobolka Sool si ay is-bedel ugu sameeyaan xanuunka Jadeecada oo waxyeelo badan ku haya guud ahaan gobolka.

3/10/2018 7:51 AM EST
Sabti, Maarso, 10, 2018 (HOL) – Madaxweynaha dowladda Soomaaliya Maxamed Cabdullaahi Farmaajo oo khudbad ka jeediyay furitaankii Kalfadhiggii saddexaad ee labada Aqal ee Soomaaliya ayaa soo hadal qaaday arrimo dhowr ah, isaga oo digniin u diray dowladdaha iyo Shikaddaha Shisheeye.

3/10/2018 6:38 AM EST
Sabti, Maarso, 10, 2018 (HOL)–Maamulka degmada Mandera ee gobolka Waqooyi Bari Kenya ayaa gabi ahaanba xiray xadka uu la wadaago Soomaaliya gaar ahaan dhinaca degmada Beled-Xaawo ee gobolka Gedo.

3/10/2018 5:57 AM EST
Sabti, Maarso, 10, 2018 (HOL) -Degmada Afmadow oo ka tirsan gobolka J/hoose ayaa laga soo sheegayaa xaalado biyo la’aaneed oo saameeyay dadka iyo duunyada ku dhaqan halkaasi.

3/10/2018 3:32 AM EST
Sabti, Maarso, 10, 2018 (HOL) - Mid ka mid ah dalalka Carbeed oo xubin firfircoon ku leh Jaamacadda Carabta ayaa dhex dhexaadin doona dowladaha Soomaaliya iyo Imaaraadka Carabta oo markii u horeysay muddo rubuc qarni uu mad-madow soo kala dhex galay xiriirka labada dal u dhaxeeya.

3/10/2018 1:20 AM EST
Sabti, Maarso, 10, 2018 (HOL)-Waxaa Maanta lagu waddaa in Magaalada Muqdisho uu ka furmo kalfadhiga 3-aad Labada Aqal ee Soomaliya.

3/10/2018 1:16 AM EST
Guddiga Madaxa-bannaan ee Doorashooyinka Qaranka oo maal-mahaan wadatashiyo ku aadan sidii loo abbuuri lahaa wacyi-galin guud oo ku aadan suura galnimada u diyaar garowga qabashada geedi socodka qof Iyo Cod

3/10/2018 1:12 AM EST
Sabti, Maarso, 10, 2018 (HOL)-Qaxootiga Soomaaliyeed ee ku nool xerradda IFO ee dalka Kenya ayaa waxaa ay sameeyeen dibadbax ballaaran oo ay kaga soo horjeeddaan Hay’adda UNHCR.

3/10/2018 1:02 AM EST
Sabti, Maarso, 10, 2018 (HOL)-Warka ku saabsan kulanka labada hogaamiye ee Mareykanka iyo Waqooyiga Kuuriya oo ah mid hadal heyn weyn ka dhalisay dunida inteeda kale, ayaa waxaa soo baxaya in Mareykanku sharuud ku xirayo qabsoomida wada hadalladaas.

3/10/2018 12:52 AM EST
Sabti, Maarso, 10, 2018 (HOL)-Wararka naga soo gaaraya gobolka Shabeellaha dhexe ayaa sheegaya in ciidamada dowladda Soomaaliya ayaa saakay la wareegay deegaanka Gamboole oo qiyaastii 50KM dhanka Galbeed ka xiga magaalada Jowhar.

3/10/2018 12:44 AM EST
Sabti, Maarso, 10, 2018 (HOL) - Wasiirka Wasaaradda arrimaha dibedda iyo Iskaashiga caalamiga ah ee dowladda Soomaaliya ayaa si adag uga hadlay heshiiskii saddex geesoodka ahaa dekedda Berbera, kaa oo muran iyo khilaaf cusub ka dhax abuuray dowladda iyo shirkadda laga leeyahay dalka Iskutaga Imaaraadka Carabta ee DP World.