Khamiis, Maarso, 01, 2018 (HOL) – Afhayeenka
Wasaaradda Amniga Soomaaliya Cabdicasiis Xildhibaan oo la hadlay Hiiraan Online ayaa
faah faahin ka bixiyay Hoobiyayaal lagu soo tuuray qeybo ka mid ah magaalada
Muqdisho iyo qarax ismiidaamin ah oo ka dhacay duulleedka magaalada Muqdisho.
Afhayeenka ayaa sheegay in labo Hoobiye oo ay soo tuureen sida uu hadalka u
dhiggay Al-shabaab mid ka mid ah oo ku dhacay Xaafadda Baar-Ayaan uu sababay dhaawaca ilaa Shan ruux kaddib
markii uu ku dhacay gurigii ay ku jireen, halka kan kalana uu meel cidlo
ah ku dhacay wax khasaare ahna sababin.
Afhayeenka oo dhinaca kale faah faahin ka bixiyay Qarax ismiidaamin ah oo ka
dhacay dulleedka Muqdisho ayaa sheegay in gaari yar oo laga soo buuxiyay waxlaha
qarxa uu weerar ismiidaamin ah ka geystay deegaanka Siinka Dheer, gaar ahaan
Barkoontarool oo ay ciidamadu ku sugnaayeen.
Weerarkaasi ayuu sheegay in uu sababay dhimashada Askari ku sugnaa goobta uu
qaraxa ka dhacay qofkii Ismiidaaminta geystay.
Dhinaca waxaa uu sheegay in ciidamada dowladda iyo kuwa AMISOM deegaanka
Carbiska ku soo bandhiggeen hub iyo walxaha qarxa oo laga soo qabtay sida uu
hadalka u dhigay Al-shabaab.
C/raxmaan Diini, Hiiraan Online
[email protected].