Maamulka gobolka Banaadir oo ku dhawaaqay Olole Bille ah oo lagu nadiifinayo caasimada Muqdisho
Khamiis, Maarso, 01, 2018 (HOL) - Guddoomiyaha
gobolka Benaadir ahna duqa Caasimadda Cabdirixmaan Cumar Cusmaan Yarisoow ayaa sheegay in olalihii nadaafadeed ee ugu
ballaarnaa laga sameyn doono magaalada Muqdisho.
Guddoomiyaha ayaa sheegay in Todobaadka Nadaafadda oo bilaabanaya maanta oo
Khamiista ah ee ay ka qeyb qaadanayaan dhammaan hay’adaha Dawladda Federaalka
Soomaaliya iyadoona Olahala Todobadkan xoogga lagu saari doono soo celinta
bilicda degmooyinka, Warta Nabadda, Boondheere Shibis iyo Shangaani.
Duqa Muqdisho oo guddoominayey kulanka todobaadlaha ah ee guddoomiyeyaasha degmooyinka
iyo maamulka Gobolka Benaadir ayaa ugu baaqay dhallinyarada, haweenka,
shaqaalaha dawladda iyo qeybaha kala duwan ee bulshda gobolka in ay si baaxad
leh uga qeyb qaataan olalahan, maadama uu raad wanaagsan ku yelanayo fayo
dhowrka deegaanka
Sidoo kale, guddoomiyaha ayaa warbixinno ku saabsan Maamulka iyo Maaliyadda,
Bilicda, Dakhliga, Amniga iyo Siyaasadda ka dhageystay guddoomiyeyaasha degmooyinka,
Ku xigeennada Goddoomiyaha ee Arrimaha, Maamulka iyo Maaliyadda Xuseen Maxamed Nuur, Amniga iyo Siyaasadda
Maxamed Cabdullaahi Maxamed (Tuulax), Arrimaha Bulshada Marwo Basma Caamir
Axmed iyo Xog-hayaha Guud ee Gobolka Cumar Cabdirisaaq Xusseen.
Maamulka heer gobol iyo heer degmo ayaa si gaar ah uga wada hadlay ilaalinta
amniga iyo xoojinta kaalinta ay ku leeyihiin bulshadu, si looga hortago falalka
ay argagixisau u malageeyan shacabka gobolka.
C/raxmaan Diini,
Hiiraan Online
[email protected].
