Khamiis, Maarso, 01, 2018 (HOL) - Danjire
Francisco Madeira Wakiilka gaarka ah ee howlgalka midowga Africa AMISOM ayaa ugu mahad ciliyay Dowladda Mareykanka
qalab shalay ay gudoonsiiyeen, qalabkaas oo ciidamada AMISOM ka caawin doono
sahanka iyo arimo kale.
Madeira ayaa hadalkan ka sheegay munaasabad uu ku guudoomayay qalab cusub oo
ay ugu deeqday dowladda Mareynka oo lagu
daahfurayay garoonka diyaaradaha militariga ah ee Balidoogle, ee gobolka
Shabeellaha Hoose, halkaas oo shalay howgalka AMISOM lagu gudoonsiiyay qalab la
sheegay in uu ka saacidi doono helida xogta
Qalabkan ayaa ah diyaaradda nooca aan duuliyaha laheyn ee loo adeegsado war
doonka iyo sahanka, waxaana la sheegay in ay la socon karto dhaq dhaqaaqa illaa
70 Mile,
Qalabkaan shalay la gudoon siiyay hogaanka ciidamada AMISOM ayaa imaaneysa
xili dhowr jeer ay horay hogaanka ciidamada nabad ilaalinta u jooga Soomaaliya
ee AMOSOM ay codsadeen in laga caawaayo qalab xoojiya ciidamada si ay meesha
uga saaraan Al-shabaab.
Madaxa howlgalada Mareykanka ee Soomaaliya, Martin Dale, oo hadal kooban ka
jeediyay munaasabada hogaanka AMISOM kula wareegayeen qalabkaan ayaa
carrabka ku adkeeyay sidii ay dowladda Mareykanka uga go’an tahay in ay caawiso
Midowga Afrika, waddamada ciidamada qaybta ka ah AMISOM wuxuuna sidoo kale
sheegay in ay dadaal ugu jiraan sidii ay Soomaaliya nabad heli u laheyd.
C/raxmaan Diini,
Hiiraan Online
[email protected].