Dowladda Soomaaliya oo sheegtay in xaalad biyo la’aaneed oo adag ay ka jirto qeybo ka mid ah dalka
Khamiis, Maarso,
01, 2018 (HOL)-Dowlada Soomaalia ayaa sheegtey in xaalad adag oo biyo yari ah
ay ka jirto magaalooyinka qaarkood iyo dhulka baadiyaha ah, ayna ku talo jirto
mustaqbalka dhow in dadka qaarkood loo sameeyo biyo dhaamin iyo ceelal qodis si
looga hortago dhibaato ka dhalankarto biyo la’aan.
Wasiirka
Khayraadka iyo biyaha Somalia Saalim Caliyow Ibrow ayaa u joogo magaalada
Washington shirka sanadlaha ah ee
arrimaha tamarta dalalka Africa ( Power in Africa)
Wasiirka oo la hadlay VOA-da ayaa sheegay in Wasaaraddu
wado qiimeyn ku saabsan dhulalka ay biyaha ku badan yihiin, kadibna halkaasi ay
ka qodaan ceelal, si ay uga faa’ideystaan dadka ay Biyo yarida heyso.
Saalim Caliyow Ibroow ayaa ugu baaqay hay’addaha ka
shaqeeya arrimaha samafalka ee ka hawlgala Soomaaliya in ay gacan ka gaystaan
sidii wax looga qaban lahaa dhibaatooyinka ka dhashay Biyo la’aanta ee ka jira
dalka.
Waxaa lagu tala jiraa mustaqbalka dhow in dadka qaarkood
loo sameeyo biyo dhaamin iyo ceelal qodis, maadaama magaalooyin waa weyn oo ay
ka mid tahay Baydhabo xilligan ay ka jiraan Biyo yari.
C/raxmaan Diini,
Hiiraan Online
[email protected].