9/20/2018
Today from Hiiraan Online:  _
Wararka Maanta- Jimco, Jun 8 , 2018
Sharikado dayuuradeed oo ka hawlgala Soomaaliya oo ay dawladda Kenya kala noqtay ruqsadii duulimaadka.



Jimco, Juun 08, 2018 (HOL) - Waaxda duulista hawada ee dalka Kenya ayaa ruqsadii duulimaadka kala noqotay dhawr sharikadood oo ka dhex-duulo dalka Soomaaliya iyo dalalka dariska la ah dalka Kenya.

Sharikadaha lagala noqday ruqsadda ayaa waxay buuxin waayeen shuruudihii laga rabay in ay soo dhameystiraan ka hor bishii aan soo dhaafnay ee May 31deedii.

Amarkaan ka soo baxay hay’adda duulista hawada ee dalka Kenya ayaa wuxuu farayaa dhammaan sharikadaha lagala noqday ruqsaddii shaqada in ay si deg-deg ah dib ugu soo celiyaan dayaaradooda ku sugan dalalka dibadiisa. Waxaana loo ogolyahay in ay ka duulaan dalka Kenya oo kaliyah.

Sharikadaha laga joojiyey in ay ka hawl-galaan dibadda dalka Kenya ayaa waxay gaarayaan ilaa 41 sharikadood oo sagaal (9) ka mid ah ay si toos ah uga hawl-galaan dalka Soomaaliya.

Sagaalkaas sharikadood ee Soomaaliya ka hawl-gala oo ruqsadii shaqada lagala noqday ayaa waxay kala yihiin:

1) Freedom Airlines Express, 2) Blue Sky Aviation, 3) Safari Express Cargo Ltd, 4) Flex Air Charters 5) Transafrican Air Limited, 6) Rudufu Limited, 7) East African Air Charters, 8) Skyward Express 9) SAC(K) Limited

Sharikadahaas ayaa ka diiwaan gashan dalka Kenya maadaama ay dowladda Soomaaliya awood u lahayn in ay ruqsad siiso sharikadaha ka duula dalka Soomaaliya.

Ruqsad kala noqoshadaan ayaa waxay ku soo beegmeysaa xilli ay hay'adda Qaramada Midoobey u qaabilsan duulista ee ICAO ay ku sameyn doonto baaritaan (AUDIT) hay'adda duulista ee dalka Kenya ee KCAA.

Halkaan hoose  ka aqriso War-Murtiyeedka ka soo baxay hay'adda Duulista ee dalka Kenya.








Click here
6/8/2018 12:59 PM EST
Jimco, June, 08, 2018 (HOL)- Madaxweyne ku-xigeenka Puntland, Cabdixakiim Cabdullaahi Cumar (Camey) wuxuu beeniyay inuu wada hadal u socda Puntland iyo Soomaaliland, markii ay soo baxday in xubno ka mid ah beesha caalamka ay wadaan waan waan ku saabsan siddii loo qaboojin lahaa xiisada colaadeed ee u dhaxeysa.

6/8/2018 10:57 AM EST
Jimco, June, 08, 2018 (HOL)-Qaramada Midoobay ayaa sheegtay in nabad waarta oo laga gaaro colaadda iyo degenaanshaha ay muhiim u tahay Soomaaliya oo wajaheysa caqabado ka hortaagan helista dowlad federali ah oo si wanaagsan u shaqeysa.

6/8/2018 10:14 AM EST
Jimco, Juun 08, 2018 (HOL) -Ciidamo aad u qalabeeysan oo ka tirsan kuwa xoogga dalka qeybta 43-aad ee fadhigeedu yahay Kismaayo oo ay wehlinayeen ciidamada dowlad goboleedka Jubbaland ayaa maanta gelinkii danbe howlgallo qorsheeysan ka bilaabay deegaanada waqooyi ee gobolka J/hoose.

6/8/2018 8:40 AM EST
Jimco, June, 08, 2018 (HOL)- Ra’iisul Wasaaraha xukuummadda Federaalka Soomaaliya, Mudane Xasan Cali Khayre iyo wafdiga uu hogaaminayo ee ku sugan Jabuuti ayaa booqday degmadda Cali-cadde oo ka tirsan gobolka Cali Sabiix ee dalka Jabuuti,halkaas oo ay ku nool yihiin Qaxooti Soomaaliyeed oo ka barakacay colaadihii dalka ragaadiyay.

6/8/2018 4:04 AM EST
Jimco, June, 08, 2018 (HOL)-Golaha ammaanka ee Qaramada Midoobay ayaa ka digey cadaadis ugaga imanaya gudaha iyo dibbada midnimada dalka Soomaaliya waxana uu goluhu walaac ka muujiyay halista uu ururka Al-shabaab ku haya amaanka dalka Soomaaliya.

6/8/2018 2:56 AM EST
Jimco, June, 08, 2018 (HOL-Ra’iisal wasaaraha Itoobiya, Abiy Ahmed ayaa Khamiistii xil ka qaadis ku sameeyay taliye-yaashii militariga iyo sirdoonka dalkaasi, isagoo kuwo cusubna magacaabay.

6/8/2018 2:34 AM EST
Jimco, June, 08, 2018 (HOL) - Wafdi uu hogaaminayo Ra’iisal wasaaraha Xukuumadda Soomaaliya Xassan Cali Khayre oo ku sugan dalka Jabuuti ayaa kulan la qaatay Ra’iisul wasaaraha dalkaas, Cabdiqaadir Kaamil Maxamed iyo qaar kamid ah golihiisa wasiirada.

6/8/2018 2:20 AM EST
Jimco, June, 08, 2018 (HOL)–Faah faahin dheeraad ah ayaa ka soo baxaya weerar xalay xooggag ka tirsan Al-shabaab ku qaadeen saldhigyo ciidamada dowladda iyo kuwa Itoobiya ku leeyihiin degmada Waajid.