11/19/2018
Today from Hiiraan Online:  _
Wararka Maanta- Jimco, Jun 8 , 2018
Qaramada Midoobey oo sheegtay in khatar ay ku jirto midnimada siyaasada Soomaaliya


 

Jimco, June, 08, 2018 (HOL)- Golaha ammaanka ee Qaramada Midoobay ayaa ka digey cadaadis ugaga imanaya gudaha iyo dibbada midnimada dalka Soomaaliya waxana uu goluhu walaac ka muujiyay halista uu ururka Al-shabaab ku haya amaanka dalka Soomaaliya.

Golaha oo shalay kulan yeeshay ayaa waxaa lagu ansixiyay qoraal uu soo hordhigay shir guddoonka golaha ammaanka kaasoo ay ansixiyeen dhammaan xubnaha joogtada ah ee ka kooban 15ka xubnood waxana uu goluhu ku baaqay in sare loo qaado dadaalada lagu doonayo in loogaga hortago saameynta ay ku yeelanayso shaqaaqooyinka siyaasadeed ee ka jira gobolka kuwaasoo ku qulqulaya dalka Soomaaliya islamarkaana la taageero habka federalka ah.

Warkan ka soo baxay Golaha Ammaanka ayaa ku soo beegmay booqasho ay shalay ku tagtay dalka Soomaaliya kaaliyaha xoghayaha guud ee arrimaha Siyaasada Rosemary DiCarlo iyadoo la kulantay madaxda sare ee dowlada Soomaaliya.

Afhayeen u hadlay Qaramada Midoobay Stephane Dujarric ayaa sheegay in DiCarlo ay u cadeysay madaxda Soomaaliyeed in Qaramada Midoobay ay taageerayso dowlada iyadoo sheegtay in midnimada dalka Soomaaliya ay muhiim u tahay horumarka federaalaynta, yareynta rabshadaha,ka guuleysiga xagjirnimada iyo in lala tacaalo arrimaha badi’aanimada si horumar dhab ah ay bulshada u gaarto.

Qoraalka uu soo saaray Golaha Ammaanka ayaa lagu sheegay doorka AMISOM ee ah in ay ku wareejiso ammaanka dalka Soomaliya ciidamo Soomaali ah,taasuu goluhu ku tilmaamay inay qatar ku jirto.

Goluhu waxaa uu soo dhaweeyay doorashadii sida nabada ah ku dhacday ee afhayeenka baarlamaanka iyo dib u howlgalid baarlamaanka federalka.

Sidoo kale goluhu waxa uu hoosta ka xariiqay baahida loo qabo in dowlada iyo Baarlamaanka iyo dowlad goboleedyada ay si wadajir ah ugaga shaqeeyaan danaha dhammaan shacabka Soomaaliyeed,waxana uu goluhu xusay dagaaladii dhowaan dhex maray ciidamada maamulada Puntland iyo Somaliland kaasoo ka dhashay khilaafka ka jira gobolka Sool.

Warka ka soo baxay Golaha Ammaanka ayaa waxaa lagu qeexay in dowlada iyo maamul goboleedyada loogaga baahan yahay in ay horumar ka sameeyaan dhinacyada qeybsiga awoodaha, kheyraadka, dib u eegista dastuurka iyo u diyaargarowga doorashada qof iyo cod ee sanadka 2020.

C/raxmaan Diini, Hiiraan Online
[email protected]







Click here
6/8/2018 12:59 PM EST
Jimco, June, 08, 2018 (HOL)- Madaxweyne ku-xigeenka Puntland, Cabdixakiim Cabdullaahi Cumar (Camey) wuxuu beeniyay inuu wada hadal u socda Puntland iyo Soomaaliland, markii ay soo baxday in xubno ka mid ah beesha caalamka ay wadaan waan waan ku saabsan siddii loo qaboojin lahaa xiisada colaadeed ee u dhaxeysa.

6/8/2018 10:57 AM EST
Jimco, June, 08, 2018 (HOL)-Qaramada Midoobay ayaa sheegtay in nabad waarta oo laga gaaro colaadda iyo degenaanshaha ay muhiim u tahay Soomaaliya oo wajaheysa caqabado ka hortaagan helista dowlad federali ah oo si wanaagsan u shaqeysa.

6/8/2018 10:14 AM EST
Jimco, Juun 08, 2018 (HOL) -Ciidamo aad u qalabeeysan oo ka tirsan kuwa xoogga dalka qeybta 43-aad ee fadhigeedu yahay Kismaayo oo ay wehlinayeen ciidamada dowlad goboleedka Jubbaland ayaa maanta gelinkii danbe howlgallo qorsheeysan ka bilaabay deegaanada waqooyi ee gobolka J/hoose.

6/8/2018 8:40 AM EST
Jimco, June, 08, 2018 (HOL)- Ra’iisul Wasaaraha xukuummadda Federaalka Soomaaliya, Mudane Xasan Cali Khayre iyo wafdiga uu hogaaminayo ee ku sugan Jabuuti ayaa booqday degmadda Cali-cadde oo ka tirsan gobolka Cali Sabiix ee dalka Jabuuti,halkaas oo ay ku nool yihiin Qaxooti Soomaaliyeed oo ka barakacay colaadihii dalka ragaadiyay.

6/8/2018 7:07 AM EST
Jimco, Juun 08, 2018 (HOL) - Waxaad duulista hawada ee dalka Kenya ayaa ruqsadii duulimaadka kala noqotay dhawr sharikadood oo ka dhex-duulo dalka dalka Soomaaliya iyo dalalka dariska la ah dalka Kenya.

6/8/2018 2:56 AM EST
Jimco, June, 08, 2018 (HOL-Ra’iisal wasaaraha Itoobiya, Abiy Ahmed ayaa Khamiistii xil ka qaadis ku sameeyay taliye-yaashii militariga iyo sirdoonka dalkaasi, isagoo kuwo cusubna magacaabay.

6/8/2018 2:34 AM EST
Jimco, June, 08, 2018 (HOL) - Wafdi uu hogaaminayo Ra’iisal wasaaraha Xukuumadda Soomaaliya Xassan Cali Khayre oo ku sugan dalka Jabuuti ayaa kulan la qaatay Ra’iisul wasaaraha dalkaas, Cabdiqaadir Kaamil Maxamed iyo qaar kamid ah golihiisa wasiirada.

6/8/2018 2:20 AM EST
Jimco, June, 08, 2018 (HOL)–Faah faahin dheeraad ah ayaa ka soo baxaya weerar xalay xooggag ka tirsan Al-shabaab ku qaadeen saldhigyo ciidamada dowladda iyo kuwa Itoobiya ku leeyihiin degmada Waajid.