5/14/2021
Today from Hiiraan Online:  _
Wararka Maanta- Sabti, Jun 30, 2018
Itoobiya ayaa Liiska Argagixisada ka Saareeysa Ururrada ONLF, OLF iyo Ginbot 7



Sabti, June, 30, 2018 (HOL)Golaha xukuumadda Abiye ee dalka Itoobiya ayaa usoo jeediyay baarlamanka dalkaasi in liiska argagixisada laga saaro ilaa sedex ururro mucaarad oo ka jira dalkaasi.

Kooxaha kala ah, Oromo Liberation Front (OLF), Ogaden National Liberation Front (ONLF) iyo Ginbot 7, ayaa mid walba oo kamid ah waxa uu dalkaasi ka waday halgan hubeeysan oo looga soo horjeeday xukuumadda adisababa.

“Golaha xukuumadda ayaa u gudbiyay qaraarkan baarlamanka, si ay u ansixiyaan, taasoo meesha ka saareeysa in ururrada OLF, ONLF iyo Ginbot 7 loo aqoonsado argagixiso,” sidaa waxaa bartiisa Twitterka ku qoray  Fitsum Arega oo ah agaasimaha xafiiska raysul wasaaraha dalkaasi.

“Go’aankan wuxuu ku dhiiri gelin doonaa kooxahaasi in ay adeegsadaan siyaasad nabdoon oo wada hadal ah oo lagu dhameeyo arimaha siyaasadda,” ayuu hadalkiisii raaciyay.

Golaha xukuumaddu wuxuu sidoo kale u diray baarlamanka sharci damaanad qaadaya ammaanka shaqsiyaadka iyo kooxaha ku lug yeesha halgannadii hubeysnaa ee dowladda looga soo horjeeday, sida laga soo xigta Fitsum.

Baarlamanka, oo ay maamulaan xisbiga talada haya ee isbaheeysiga EPRDF, kuwaa oo heysta 547-da kursi ee kuraasta baarlamanka dalkaasi, ayaa la filayaa in ay meelmariyaan hindisahan maalmaha foodda nagu soo haya.

Dadka falanqeeya siyaasadda ayaa sheegaya in tallaabadan ay tahay mid loo qaaday dhanka wanaagsan, balse ay harsanyihiin kuwo badan si hubka looga dhigo kooxaha hubeeysan ee dalkaasi.

Xasan Nuur, Hiiraan Online
[email protected]
Kismaayo-Soomaaliya.












Click here
6/30/2018 5:16 PM EST
Sabti, June, 30, 2018 (HOL)–Xulka Uruguay ayaa xaqiiqsaday in uu u gudbay wareega 8aad dhamaadka Koobka aduunka ee ka soconaya dalka Ruushka kaddib markii ay 2-1 uga badiyeen xulka Portugal.

6/30/2018 1:33 PM EST
Sabti, June, 30, 2018 (HOL)–Faransiiska ayaa noqonya xulkii ugu horeeyay ee u soo gudbay wareega 8da, kaddib markii ay 4-3 dhufteen xiddigihii xulka Argentina, cayaar siweyn isha loogu wadda hayay.

6/30/2018 10:32 AM EST
Sabti, June, 30, 2018 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta xafiiskiisa ku qaabilay xubno kamid ah dalladaha ururrada naafada kuwaas oo kaalin mug leh ka geystay u ololeynta xuquuqda dadka naafada ah.

6/30/2018 9:13 AM EST
Sabti, June, 30, 2018 (HOL)-Dowladda Itoobiya ayaa sheegtay in sii deyntii Cabdikariim Sheekh Muuse (Qalbi- Dhagax) ku timid codsi uga yimid dowladda Federaalka Soomaaliya, oo markii horeba u gacan galisay.

6/30/2018 8:33 AM EST
Sabti, June, 30, 2018 (HOL) - Ku dhowaad sodon kun oo arday ayaa maanta u fadhiistay imtixaankii shahaadiga ee dugsiyadda fasaladda dhexe ee 8aad iyo fasaladda afraad ee dugsiyada sare ee Somaliland.

6/30/2018 7:07 AM EST
Sabti, June, 30, 2018 (HOL)-Wararka ka imanaya gobolka dulleedka Muqdisho gaar ahaan deegaanka Siinka Dheer ayaa sheegaya in Qarax lala eegtay gadiid ay la socdeen mas’uuliyiinta gobolka Shabeellaha Hoose.

6/30/2018 5:49 AM EST
Sabti, June, 30, 2018 (HOL) - Dowladda Portugal, ayaa ka qaadeysa dalka Masar afar boqol (400) oo ka mid ah qaxooti ku nool dalkaas oo dib u dejin ka helay Portugal , waxaana ay qaadista dadkan ka dambeysay heshiis ay waddamada reer Yurub la galeen dowladda Masar, kaaso dhigaya Masar inay ka hortagto tahriibiyaasha ka baxa dalkaas, waddamada Yurubna ay dib u dejin u sameeyeen qaxooti badan ee Masar ku nool.

6/30/2018 5:44 AM EST
Sabti, June, 30, 2018 (HOL)-Xeer ilaaliyaha guud ee Puntland,Maxamuud Xasan Aw- Cismaan oo goor dhow wariyayaasha kula hadlay magaalada Garoowe ayaa amar ku bixiyay in la soo qabto xisaabiyihii hore wasaaradda maaliyadda Puntland ee gobolka Mudug,Barkhadle Aadan Muuse.

6/30/2018 3:51 AM EST
Sabti, June, 30, 2018 (HOL)-Kooxda ISIS ama Daacish ayaa sheegatay in ay iyagu ka danbeeyeen dilka labo ruux oo ka tirsanaa shaqaalaha Wasaaradda Maaliyada dowladda federaalka oo ka dhacay Muqdisho.

6/30/2018 1:59 AM EST
Sabti, June, 30, 2018 (HOL)-Maamulka gobolka Shabeellaha hoose ee Koonfur Galbeed Soomaaliya ayaa faah faahin dheeraad ah ka bixiyay Buundo muhiim u aheyd marinka iyo isku socodka dadweynaha oo ay qarxiyeen Al-shabaab.

6/30/2018 1:19 AM EST
Sabti, June, 30, 2018 (HOL)-Dowladda Soomaaliya ayaa sheegtay in ay waddo qorshe ku aadan in xarumo Caafimaad laga furo meelaha Ciidamada xoogga dalka Soomaaliyeed ay kaga sugan yihiin maamul goboleedyadda.

6/30/2018 1:01 AM EST
Sabti, June, 30, 2018 (HOL) – Saraakiisha caafimaadka magaalada Gaza ayaa xaqiijiyay in ugu yaraan laba ruux oo Falastiiniyiin ah ay dhinteen kadib isku-dhacdyo Jimcihi shalay Marinka Gaza ku dhexmaray ciidamada Israel iyo dad Falastiiniyiin oo mudaaharaad ka dhigay xadka Gaza.

6/30/2018 12:50 AM EST
Sabti, June, 30, 2018 (HOL)–Sida goobjoogayaal u xaqiijiyeen warbaahinta rag hubeysan ayaa xalay toogasho ku dilay Cabdirashiid Daahir Xassan oo ahaa ardey dhigta mid ka mid ah Jaamacada magaalada Muqdisho.