Puntland oo amartay in la soo qabto xisaabiyihii hore wasaaradda maaliyadda ee gobolka Mudug
Sabti, June, 30, 2018 (HOL) - Xeer ilaaliyaha guud ee Puntland,Maxamuud Xasan Aw- Cismaan
oo goor dhow wariyayaasha kula hadlay magaalada Garoowe ayaa amar ku bixiyay in
la soo qabto xisaabiyihii hore wasaaradda maaliyadda Puntland ee gobolka
Mudug,Barkhadle Aadan Muuse.
Xeer ilaaliyaha ayaa ku eedeyay
xisaabiyaha oo dhawaan xilka iska casilay lun-sashada hanti dowladeed
,isagoo sheegay inuu ka baxay deegaannada Puntland.
"Waxaa maqaal nugu ah in
eedeysanaha uu dalka ka baxsaday, sida awgeed waxaan hay'adaha amniga dowladda
federaalka iyo hay'adaha amiga dowlad-gobolleedyada usoo gudbineyna in ninka
ciddii aragta ay usoo gacan-galiso dowladda Puntland... ninka waa eedeysane
hanti faro badan oo shacabka ciidamada iyo shaqaalaha gobolka Mudug loogu
tala-galay ayuu si sharci darro ah ula baxay." ayuu yiri xeer ilaaliyaha
guud ee Puntland.
Mar lawaydiiyey in xisaabiyuhu uu
shir qabtay hore ugu sheegay in ay jirto xisaab xumo iyo musuq wasaaradda
ka dhacay, ka hor hadalkiisana inaysan dowladda soo bandhigin inuu lunsadey
hanti iyo sababta loo xiri waayay haddii uu lunsadey hanti waqtigaa ,ayuu yiri
xeer ilaaliyuhu "kiiskiisa baaris ayaa dowladu galisay ,sida wax u
dhaceena kama hor dhacayo,hanti-dhowrka ayaa arrimaha hantida ku shaqo leh ,howshuna
waa socotay,ee isagiibaa baxsaday,marka waa sugaynaa."
Iman Jama
