3/19/2024
Today from Hiiraan Online:  _
Wararka Maanta- Khamiis, Jun 14, 2018
Dowladda Britain oo muwaadiniinteeda uga digtay in ay u safraan Soomaaliya

 

Khamiis, June, 14, 2018 (HOL)–Wasaaradda  Arrimaha dibadda Britain ayaa soo saaray digniin ku socta muwaadiniintooda in ay u safraan Soomaaliya iyo deegaanada Somaliland, iyadoo loogu baaqay muwaadiniinta ku sugan inay isaga tagaan.

War lagu daabacay Bogga Xafiiska Arrimaha Dibadda iyo barwaaqo sooranka ayaa waxaa lagu wargeliyay Muwaadiniinta Britain inay ka taxadaraan goobaha dadka isugu yimaadaan, si looga fogaado wax kasta oo wax u dhimi kara. isla markaana ay si degdeg ah uga tagaan goobaha bulshada ku badan tahay.

Sidoo kale qoraalka ayaa lagu sheegay in 14 bishii October ee sanadkii hore uu ka dhacay bartamaha magaalada Muqdisho qarax weyn oo ahaa kii ugu cuslaa ee Argagixisada ka geysato Soomaaliya, kaasoo sababay dhimasha in ka badan 300 oo ruux iyo dhaawaca boqolaal kale.

Weerarada Argagixisada ayaa la sheegay inay noqon karaan kuwo aan kala sooc laheyn oo ay ku jiraan meelaha dadka ku badan yihiin, goobaha muhiimada leh ee ay tagana saraakiisha dowladda iyo meelaha ajaaniibta booqdaan.

Sidoo kale waxaa la sheegay in ay jiraan qatar kale oo ka imaan karta Baddaha, gaar ahaan biyaha caalamiga ama Gacanka Cadan iyo Badweynta Hindiya oo ay burcad badeedka ka fuliso weeraro afduub ah.

Ma ahan markii u horeysay ee dalalka reer galbeedka ay uga digaan Muwaadiniintooda inay u safraan Soomaaliya.

C/raxmaan Diini, Hiiraan Online
[email protected]













Click here
6/14/2018 2:50 PM EST
Khamiis, June, 14, 2018 (HOL)–Madaxweynaha Soomaaliya Maxamed Cabdullaahi Farmaajo, ayaa Ummadda Soomaaliyeed meel kasta oo ay joogaan u diray Hambalyada Ciidul-Fitriga, isaggoo Sanadkaan kiisa xigga u rajeeyey in ay ku gaaraan caafimaad iyo nabad buuxda.

6/14/2018 1:20 PM EST
Khamiis, June, 14, 2018 (HOL)–Iyadoo siweyn isha loogu wada hayo guud ahaan dunida Muslimka gaar ahaan dalka Soomaaliya, ayaa dhinaca kale dalalka Muslimka qaarkood waxaa ay ku dhawaaqeen in maalinta Berri ah tahay maalinta 1aad ee Ciidul-Fidriga.

6/14/2018 11:57 AM EST
Khamiis, June, 14, 2018 (HOL)– Taliyaha Ciidanka xoogga dalka Soomaaliyeed S/gaas C/wali Jaamac Gorod, ayaa tacsi tiiraanyo leh u diray Qoyskii, Eheladii, Asxaabtii iyo Ummadda Soomaaliyeed ee uu ka geeriyooday Allah u naxariistee Abaanduulihii hore ee Ciidanka Xoogga dalka Gen. Cali Baashi Maxamed Cumar oo ku geeriyooday Dalka Ingiriiska.

6/14/2018 11:12 AM EST
Khamiis, June, 14, 2018 (HOL)– Xafiiska xeer illaalinta Ciidamada Qalabka Sida ayaa ku soo eedeeyay 15-shaqsi oo ka mid ah ciidamada Xoogga dalka Soomaaliyeed gaar ahaan kuwa ka mid ah ciidamadii horey u taba-bareen Imaaraadka in ay abaabuleen dhac loo gaysto keydka dugsiga oo ay ku jireen agabka ciidamada.

6/14/2018 8:05 AM EST
Khamiis, June, 14, 2018 (HOL) – Waxaa maanta dalka Ruusha si rasmi ah uga furmaya tartanka Kubadda Cagta Aduunka iyadoo lugta ugu horeysay ee tartankan ay isku arki doonaan kooxaha kubadda Cagta dalalka Russia iyo Saudi Arabia.

6/14/2018 5:59 AM EST
Khamiis, June, 14, 2018 (HOL)–Rabshado mar kele sababay in albaabada loo laabo guud ahaan ganacsigii magaalada ayaa ka bilaabmay badhtamaha magaalada Laascaanood xarunta Gobolka Sool.

6/14/2018 3:39 AM EST
Waxaa shalay galab lagu daahfuray magaaladda Minneapolis buugg loogu magac daray Lion’s Binding Oath oo uu qoray qoraaga Axmed Ismaaciil Yuusuf.

6/14/2018 3:30 AM EST
Khamiis, June, 14, 2018 (HOL)–Xoghayaha arrimaha dibadda ee Mareykanka, Mike Pompeo ayaa sheegay in cunaqabateynta saaran Kuuriyada Waqooyi aan lagaqaadi doonin ilaa iyo inta ay ka burburinayso hubka Nukliyeerka ah.

6/14/2018 2:44 AM EST
Khamiis, June, 14, 2018 (HOL)–Rag bastoolado ku hubeysnaa ayaa toogasho ku dilay xalay mid ka mid ah ergadii soo dooratay xildhibaannada Baarlamaanka Soomaaliya degmada Dherkeenley ee gobolka Banaadir.

6/14/2018 2:34 AM EST
Khamiis, June, 14, 2018 (HOL)–Saddex Carruur walaalo ah ayaa ku geeriyooday dab xalay ka kacay xero barakacayaal oo ku taal degmada Wadajir, meel aan ka fogeyn Garoonka diyaaradaha Muqdisho.

6/14/2018 1:49 AM EST
Khamiis, June, 14, 2018 (HOL)–Ciidamada dowladda Soomaaliya ee ku sugan magaalada Beledweyne ayaa xalay toogasho ku dilay nin ka tirsanaa Al shabaab oo weerar ku qaaday askar ka tirsan ciidamada.