Madaxweynaha Galmudug oo mashaariic horumarineed ka dhagax-dhigay magaalada Dhuusamareeb
Arbaco, June, 13, 2018 (HOL) –
Madaxweynaha
dowlad-gobolleedka Galmudug, Axmed Ducaale Geelle (Xaaf) oo u waheliyo madaxa
golaha wasiirrada dowlad-gobolleedka , Sheekh Axmed Shaakir ayaa maanta si
wadajir ah uga dhagax-dhigay magaalada xarunta ah ee Dhuusamareeb, saddex
mashruuc oo muhiim u ah dowlad-gobolleedka.
“
Dhuusamareeb waxaan la dooneyna inay yeellato muuqaal kale iyo in laga arki
karo caasimadda dowlad-gobolleedka inay tahay.” ayuu yiri Madaxweyne Xaaf oo
marka dhagax-dhigey dhismaha xarunta wasaaradda Warfaafinta Galmudug , sidoo
kale waxaa mas’uuliyiinta ay dhagax-dhigeen xarunta telefishinka Galmudug.
Waxaa
intaan dheer oo islamaanta la dhagaxdhigey xarumaha nabadsugidda
Galmudug iyo ciidammada sidda milateriga loo tababarro ee Daraawiishta , waxaa
kalo la filaya xarunta in la dejiyo hay’adaha kale ee amniga
dowlad-gobolleedka, sida u xaqiijiyay Madaxweynaha Galmudug.
Gabagabadii,
madaxa golaha wasiirrada Galmudug , Sheekh Axmed Shaakir ayaa u ballanqaaday shacabka
Galmudug in dhammaan deegaannada dowlad-gobolleedka la gaarsiin doonno
mashaaricda horumarineed,wuxuuna xaqiijiyay xarumaha la dhagaxdhigey si dhaqso
ah in dhismahooda loo billaabayo.
Iman Jama