Isniin, July, 09, 2018 (HOL) –
Ra’iisal wasaaraha dalka Itoobiya Abiy Ahmed oo ku sugan magaalada Asmara ee
dalka Itoobiya ayaa khudbad kooban ka jeediyay casho sharaf loo sameeyay kaddib
kulan uu la qaatay madaxweynaha Ertirea.
Nuxurka khudbada ra’iisal
wasaaraha ayaa u dhignaa :
Waxaan Anigaa Iyo Madaxweyne
Af-wark ku heshiinaya in Safaaradihii labada dal dib loo furo,- in
duulimaadyadii labada dal diyaaradhoogu dib shaqo galaan.
In dekadihii ay dib u shaqo galaan, In labada shacab is-booqdaan, aniguna
Asmara ka soo degno, idinkuna booqataan Addis Ababa oo bunka la wada cabo.
Waxaa maanta Asmara ka da,ay
roob xabaarsan galkacal (jecayal), roobkaasi guud ahaan wuxuu ka da,aya Bariga
Afrika.
Waxaa maanta dumay darbigii, waxaana bedalaya buundooyin ayanu isku xidhno, waxaan
tacsi u dirayaa ehaladii dadkii ku dhintay dagaalkii labada dal, Jecaylka Iyo
kalgacalka ayaa ka xoog badan hub casri ah, taanki iyo gantaalo. Waxaan sidaa
kalgacalka iyo jecayal.
Waxaannu rabaa in aannu u gudbno horumar, bar waayo Iyo nabad dhammaan Geska
Afrika oo dhan.
Ra’iisal wasaaraha cusub ee
dalka Itoobiya ayaa tan iyo markii uu xafiiska la wareegay la soo baxay
siyaasad furan oo uu Itoobiya uga weecinayo waddadii ay horay ugu soctay,
waxaana uu muuqata in durbaba uu hagaajiyay cilaaqaadkii dalka uu lahaa
wadamada gobolka.
C/raxmaan
Diini, Hiiraan Online
[email protected]
