3/28/2024
Today from Hiiraan Online:  _
Wararka Maanta- Jimco, July 6 , 2018
Koonfur Africa oo war ka soo saartay Nin weeraray Masjid

 

Jimco, July, 06, 2018 (HOL) – Booliiska Koonfur Afrika ayaa sheegay in qofkii dilay labada ruux ee ku cibaadaysanayay masaajidka Koonfur Afrika ku yaalla uu ahaa qof maskaxda ka xannuunsan oon aragti argagixiso lahayn.

Falkaan ayaa dhacay Bishii hore 13-keedii sidda ay shaaciyen Hay’adaha Ammaanka waxaana geystay nin Soomaali ah.

Ruuxa falkaan geystay ayaa ahaa Muwaadin Soomaaliyeed oo ku sugnaa dalka Koonfur Afrika.

“Ninkan dhimirka ayaa laga hayaa, lamana xiriirin karno wax xag jir ah ama argagixiso ah”, ayuu yiri Hangwani Mulaudzi oo la hadlay wakaaladda wararka ee AFP.

Qofka weerarka gaystay ayaa watay mindi wayn wuxuuna weeraray dad ku tukanayay masaajidka Malmesbury oo ku yaalla magaalada Cape Town, balse booliiska ayaa markii dambe toogasho ku dilay ka dib markii diiday in uu wareejiyo toorida.

Guddiga Muslimiinta Koonfur Afrika ee MJC oo war qoraal ah soo saaray arrintaas ayaa sheegay “in ay ka argagaxeen weerarkaas arxan darrada ah” waxayna sheegeen in dadka la dilay ay ictikaafayeen.

BBC













Click here
7/6/2018 2:50 PM EST
Jimco, July, 06, 2018 (HOL)–Maxkamad ku taalla dalka Pakistan ayaa toban sano oo xabsi ah ku xukuntay ra’iisal wasaarihii hore ee dalkaasi Nawaz Sharif, kaddib markii ay ku heshay dambi ah eedeymo musuqmaasuq.

7/6/2018 1:17 PM EST
Jimco, July, 06, 2018 (HOL)–Baarlamaanka Midowga Yurub oo kulan yeeshay ayaa war uu ka soo saaray xaalada Soomaaliya, waxaa uu ku dalbaday in Soomaaliya laga daayo fara-galinta shisheeye ee lagu hayo.

7/6/2018 10:01 AM EST
Jimco, July, 06, 2018 (HOL) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo booqasho ku jooga dalka Jabuuti ayaa maanta gaaray Carta oo ah magaaladii marti galisay shirkii dib-u-heshiinta Soomaaliya ee lagu yagleelay Dowladdii kumeel gaarka ahayd sanadkii 2000.

7/6/2018 8:23 AM EST
Jimco, July, 06, 2018 (HOL)–Shir wadajir ah oo u dhaxeeyay Hay’adaha u xilsaaran Siyaasadda dalka iyo Guddiga Farsamo ee Wada xaajoodka Arrimaha Federaalka oo ay soo qaban qaabisay Wasaaradda Arrimaha Dastuurka ayaa ku soo gabagaboobay magaalada Muqdisho.

7/6/2018 7:25 AM EST
Jimco, July, 06, 2018 (HOL)–Xildhibaannada maamul gobolleedka Hirshabeelle ayaa ku baaqay in si deg deg ah loo joojiyo dagaal beeleedyada ka soo cusboonaaday degmada Matabaan ee gobolka Hiiraan.

7/6/2018 6:33 AM EST
Jicmo, July, 06, 2018 (HOL)–Ra’iisul Wasaaraha Soomaaliya Xasan Cali Kheyre ayaa khamiistii shalay kormeer ku tagey Dugsiga tababarka Ciidamada Gen. Gordon ee Magaaladan Muqdisho, halkaasoo ay horay u maamulayeen Imaaraadka Carabta.

7/6/2018 3:08 AM EST
Jicmo, July, 06, 2018 (HOL)–Goobjoogayaal ayaa warbaahinta u sheegay in rag ku hubeysan bastoolado ku toogeen degmada Dayniile ee gobolkan Banaadir Oday dhaqameed ka mid ahaa Ergadii soo dooratay xildhibaanada golaha Shacabka Soomaaliyeed.

7/6/2018 1:07 AM EST
Jicmo, July, 06, 2018 (HOL)–Waxaa maalintii shalay si rasmi ah looga daah-furay dalka Jabuuti Aaga Ganacsiga xorta ah ee jabuuti ee Shiinuhu dhisayo, kaasoo ah kan ugu weyn guud ahaan marka la eego qaarada Africa.

7/6/2018 12:53 AM EST
Jicmo, July, 06, 2018 (HOL)–Wararka ka imanaya degmada Hobyo ee gobolka Mudug ayaa sheegaya in ay halkaa gaareen dad ka barakacay dagaalo labadii maalmood ee la soo dhaafay qeybo ka mid ah gobolka ku dhaxmarayay xoolo dhaqato iyo xoogag ka tirsan Al-shabaab.

7/6/2018 12:41 AM EST
Jicmo, July, 06, 2018 (HOL)–Dowladda Soomaaliya ayaa lagu eedeynayaa in ay ku xadgudubtay xuquuqda Aadanaha, islamarkaana mudaddii ay jirtay geysatay Xadgudubyo badan oo ka dhan ah Xuuquuqda Aadanaha.