Axad, July, 29, 2018 (HOL)–Kulamadan oo ah kuwo bilow ah oo u dhaxeeya madaxweynayaasha dowladdaha Soomaliya iyo Ertirtea Maxamed Cabdullaahi Farmaajo iyo dhigiisa Eritrea iyo Isaias Afwerki, ayaa sii socon doona labada cisho ee nagu soo foolka leh kaddib markii madaxweyne Farmaajo maalintii shalay ku tagay magaalada Asmara booqasho taariikhi ah.
Qodobadii ugu horeeyay ee durbaba
ka soo baxay kulamadii hor dhaca ahaa ee labad hogaamiye ayaa waxaa ka mid ahaa
in labada dowladood in labada dowladood is dhaafsan doonaan Danjirayaal,
islamarkaana midba kan kale uu dalkiisa ka furan doono safaarad.
Wasiirka Wasaaradda Warfaafinta
xukuumadda Soomaaliya Daahir Maxamuud Geelle oo ka mid ah wafdiga madaxweynaha ee
ku sugan dalka Eritrea ayaa sheegay in booqashadan ku saleysan tahay sii ay
Soomaaliya qeyb uga noqon laheyd dhaq-dhaqaaqa siyaasadeed ee ka jira gobolka
ama Mandiqada Geeska Africa.
‘’Mandiqada waxaa ka socda
dhaqdhaqaaq nabadeed oo maalo badan naga taaban kara, laakiin booqashada uu
madaxweynaha halkan ku yimid waxaa uu tarjumad ka yahay labada madaxweyne oo
dareensan xiriirka labada shacbi ee sooyaalka ah in la soo gaaray marxaladii siyaasad
ahaan loogu badali lahaa arrimahaas iyo wixii kale ee quseeya ha noqoto is
badalka gobolka ka socda iyo xiriirka labada dal ayeey booqashadan daaran-tahay’’
ayuu yiri Wasiirka Warfaafinta.
Madaxweynaha Soomaaliya ayaa
muddada uu ku sugan yahay magaalada Asmara ayaa warar soo baxaya sheegaya in uu
la kulmi doono mas’uuliyiin sar sare oo ka tirsan Ururka ONLF ee ka soo
horjeeda dowladda Itoobiya.
C/raxmaan
Diini, Hiiraan Online
[email protected]
