3/29/2024
Today from Hiiraan Online:  _
Wararka Maanta- Sabti, July 28, 2018
Warbixin --Taariikh cusub oo u bilaabatay xiriirka diblomaasiyadeed ee Soomaaliya iyo Eritrea

 

Sabti, July, 28, 2018 (HOL) –Socdaalka madaxweynaha dowladda Soomaaliya Maxamed Cabdullaahi Farmaajo ee Asmara ayaa u muuqda mid bog cusub iyo taariikh bilow ah ka dhigaya xirirka diblomaasiyadeed ee labad dal Soomaaliya iyo Eritrea.

Booqasho rasmi ah oo qaadan doonta muddo Saddex cisho ah ayaa madaxweynaha Soomaaliya iyo wafdi uu horkacayo uga bilaabatay magaalada Asmara ee dalka Eritrea oo maanta si diiran loogu soo dhaweeyay.

Madaxweyne Isaisa Afwerki iyo xubno ka tirsan golihiisa Wasiiradda ayaa garoonka diyaaradaha uga hortagay madax-weynaha Soomaaliya iyo wafdiggii la socday.

Booqashadan oo ah marka dhinac laga eego mid la jaan-qaadeysa is badallada siyaasadeed ee gobolka ka soo cusboonaday, ayaa la filayaa in labada madaxweyne kulamadooda inta badan diirrada ku saaraan sidii loo soo nooleyn lahaa xiriirkii labada dowladood oo muddo dheer-ba mad-madow ku jiray.

Eritrea oo muddo ka badan 20 sano dagaal kula jirtay dowladda dariska la ah ee Itoobiya ayaa iyadoo ka xukun saameynta ay Itoobiya ku laheyd Soomaliya, waxaa iyana taa badalkeeda u ogolaatay dalkeeda in ay xarumo ka dhigtaan Ururradii kala duwanaa ee dalka Soomaaliya sida midowgii Maxkamadaha iyo kooxihii kale ee ku kacsanaa dowladdihii dalka isaga danbeeyay  sida Isbaheysigii Asmara oo ay ku mideysnaayeen wadaado iyo siyaasiyiin is badal doon ahaan.

Waxey taasi dhaxal siisayy markii danbe in dowladda Eritrea lagu eedeeyo in ay taageerro dad badan siiso ururrada xagjirka ah sida Al-shabaab, ugu danbeyntii-na Qaramada Midoobey ayaa ku soo rogtay cunaqabateyn sabab looga dhigay in ay xasilooni darro ka wado gobolka Geeska Africa.

Laakiin marka aad eegto heshiiskii ugu danbeeyay ee dhaxmaray labada dowladood Itoobiya iyo Eritrea iyo booqashada madaxweynaha dowladda Soomaaliya Maxamed Cabdullaahi Farmaajo ee Asmara, waxaa muuqanaya in markan Ertirea diyaar u tahay in ay meesha ka saarto tuhumadii laga qabay ee keenay muddo dheer-ba go’doon ka ahaato caalam-ka intiisa kale.

Dowladda Soomaaliya-na waxaa muuqanaya in dhinaceeda ay diyaar tahay in ay la jaan-qaado is badallada ka socda gobolka oo dhinacyo badan isugu jira.

C/raxmaan Diini, Hiiraan Online
[email protected]













Click here
7/28/2018 9:41 AM EST
Sabti, July, 28, 2018 (HOL) – Madaxweynaha Puntland,Cabdiweli Maxamed Cali (Gaas) ayaa maanta xafiiskiisa ku qaabilay wafti uu hoggaaminayey wakiilka gaarka ah ee IGAD ee arrimaha Soomaaliaya Dr. Mohamed Guyo iyo ku-xigeenka Arrimaha siyaasada Soomaaliya ee UNSOM Mr. Raisedon Zenenga.

7/28/2018 9:35 AM EST
Sabti, July, 28, 2018 (HOL)–Dallada SAFA oo ay ku mideysan yihiin ilaa 300 oo dugsi ku kala yaala gobollada dalka ayaa qaadacday shaacinta natiijadii Imtixaannaadka ee sanadkan la qaaday.

7/28/2018 9:10 AM EST
Sabti, July, 28, 2018 (HOL)-Madaxweynaha Maxamed Cabdullaahi Farmaajo iyo Wafdi uu hoggaaminaayo ayeey uga bilaabatay booqasho Saddax cisho ah magaalada Asmara ee dalka Eritrea oo siweyn loogu soo dhaweeyay.

7/28/2018 8:16 AM EST
Sabti, July, 28, 2018 (HOL)-Maxkamadda Derejada koobaad ee ciidamada qalabka sida ayaa maanta waxaa ka soo hor muuqday Labo horjooge oo sida ay maxkamadu sheegtay ka tirsan Ururka Daacish ee dagaalama qeybo ka mid ah dalka Soomaaliya.

7/28/2018 5:30 AM EST
Sabti, July, 28, 2018 (HOL)-Ra’iisul wasaaraha Soomaaliya, Xasan Cali Khayre ayaa lugu wadaa inuu booqasho ku tago magaalada Garoowe ee xarunta Puntland , sida ay Hiiraan Online ka soo xigatay saraakiil deegaanka ah.

7/28/2018 4:04 AM EST
Sabti, July, 28, 2018 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa goor dhaw u ambabaxay magaalada Asmara ee dalka Eriteriya halkaas oo ay uga bilaabanayso booqasho rasmi ah oo qaadaneysa muddo 3 maalmood ah.

7/28/2018 3:09 AM EST
Sabti, July, 28, 2018 (HOL)-Iyadoo sanad kasta maanta oo kale 28-ka Bisha July ay heyadda Caafimaadka Adduunka ee WHO u aqoonsatay maalinta loo asteeyey ka hortaga cudurka Cagaarshowga ayeey Hiiraan Online halka idinku soo gudbin doontaa warbixin ku saabsan khatarta cudurka.

7/28/2018 2:19 AM EST
Sabti, July, 28, 2018 (HOL)-Ra’iisal wasaaraha dalka Itoobiya Abiy Ahmed oo safar shaqo ku jooga dalka Mareykanka ayaa la kulmay madax-weyne ku-xigeenka dalkaas Mike Pence oo ay ka wada hadleen xiriirka labada dowladood.

7/28/2018 2:03 AM EST
Sabti, July, 28, 2018 (HOL)- Ra’iisal wasaaraha Soomaaliya Xassan Cali Kheyre ayaa sheegay in xukuumadda Soomaaliya ka dalbaneyso howlgalka midowga Africa AMISOM in sida ugu dhaqsiyaha badan loo banneeyo garoonka Kubadda Cagta ugu weyn Soomaaliya ee Stadium Muqdisho.

7/28/2018 1:21 AM EST
Sabti, July, 28, 2018 (HOL)-Hay’addaha ICRC ayaa ku dhawaaqday in yareyneysa howlgaladeedii samafalka ee gudaha dalka Soomaaliya sida lagu baabacay Bogga Internetka ee Relief-web sababo la xiriira xaalada dhinaca Amniga ee bilihii ugu danbeeyay soo food saaray shaqaalaha hay’adda.

7/28/2018 12:23 AM EST
Sabti, July, 28, 2018 (HOL)-Malaayiin qof ayaa xalay oo dhan cirka ku dheegaagayay si ay indhaha u saaraan dayax madoobaadkii ugu mudadda dheera ee qarnigaan soo mara caalamka.

7/28/2018 12:16 AM EST
Sabti, July, 28, 2018 (HOL)-Madaxweynaha dowladda Soomaaliya Maxamed Cabdullaahi Farmaajo iyo wafdi ballaaran oo uu hogaaminayo ayaa maanta socdaal taariikhi ah ku tagaya magaalada Asmara ee dalka Eritrea.