Maxkamada ciidamada qalabka sida oo la soo taagay horjoogayaal ku eedeysan in ay ka tirsan yihiin Daacish
Sabti, July, 28, 2018 (HOL) - Maxkamadda Derejada
koobaad ee ciidamada qalabka sida ayaa maanta waxaa ka soo hor muuqday Labo
horjooge oo sida ay maxkamadu sheegtay ka tirsan Ururka Daacish ee dagaalama
qeybo ka mid ah dalka Soomaaliya.
Mahad Max’ud Cabdi oo loo yaqaan (Abtidoon,
Abuu-Yaasiin) iyo Max’ed Daa’uud Daahir Warsame oo isagana loo yaqaanno (Dr
Raage) ayaa loo heystaa in ay ka mid ahaayeen hor-joogayaasha kooxda
Daacish.
Maxkamada ayaa sheegtay in gaar ahaa mahad Mahad
Max’ud Cabdi daadaal xoogan ugu jiray sidii uu u aas-aasi lahaa koox kale
oo ka tirsan isla Daacish kuwaa oo ka madax banaan Daacish-ta ah ee uu
hugaamiyo Cabduqaadir Muumin.
Waxaa uu heystaa dhalashada Ruushka oo uu muddo
ku maqnaa, waxaa uu sidoo kale ku soo qaatay qeyb ka mid ah noloshiisa waddanka
Syria, isagoo ugu dambeyn ku biiray kooxda Daacish uu ka mid noqday
kuwa ugu sarreeyo balse mar dambe oo ay is qabteen hor-joogaha kooxda
Daacish ayuu go’aansaday in uuu aas-aaso koox kale.
Wax yaabaha gaarka ah oo ay xafiiska xeer
ilaalinta soo bandhigeen waxaa ka mid ah warqad uu u qoray horjoogaha ugu
sarreeyo kooxda Daacish, taasi oo uu ku gudbinaya cabashada ay ka wadaan
horjooge Cabduqaadir Muumin, wax yaabaha ku qornaa waxaa ka mid ah;-
Hoggaan xumida hoggaamiyaha kooxda, Qorsha
la’aanta howlahooda iyo Howl-galladooda, ku baahid la’aanta dhul ballaaran sida
Koonfurta Soomaaliya iyo arrimo kale.
Max’d Daa’uud Daahir Warsame, oo magiciisa
Af-garashada yahay (Dr Raage) ayaa isna lagu eedeeyay in uu ahaa
madaxa maaliyadda kooxda, sidoo kale ahaa caawiye xagga caafimaadka ah
ayaa cadeymaha Maxkamadda lala keenay waxaa ka mid ahaa Akoonada Lacageed ee uu
isticmaalay iyo shirakidihii uu ka isticmaali jiray Lacagaha.
Farsoomyinka ay ka mid yihiin kala badalidda
xawaaladaha, Sameynta akoonno kala duwan oo loo sameeyay qaab-caawimaad
iyo iska daba wareejinta sharikadaha in uu cadeeyo Hey’adaha uu sheeganayo
shaqadooda iyo sharciyadda ay ku shaqeeyeen balse uu arrintaasi ah ka
leex-leexday.
Ku xigeenka xeer ilaaliyaha ciidamada qalabka
sida Dhamme Muumin Xuseen Cabdullaahi ayaa maxkamdda ka codsaday in la
mar-siiyo ciqaab u dhiganto qodobada ay ku soo eedeeyeen, waxa uuna
Maxkamadda ka codsaday in dil-toogasha ah.
Qareenada u doodayay eedeysanayaasha
ayaa maxkamadda ka hor sheegay in aysan wakiiladooda
diidaneyn ka mid ahaanshiyaha kooxda Daacish balse ay ka laabteen
fikirkaas, sida mid ka mid ah qoraalkiisa cadeymaha uu ku cadeeyay
hor-joogayaashan.
Guddoomiyaha Maxkamadda D. 1-aad ee ciidamada
Qalabka Sida G/sare Xasan Cali Nuur Shuute ayaa soo xiray
fadhiga Maxkamadda, waxaa uuna u sheegay dhammaan ka qeyb-galayaasha in maxkamadda
ay go’aanka dib ka soo saari doonaan.
C/raxmaan
Diini, Hiiraan Online
[email protected]